Thursday, May 23, 2024

ၵူဝ်ႊရီႊယိူဝ်ႊႁွင်ႇ – ၸၢၼ်း ၶေႉၵၼ် ပွႆႇၼူၾႆး လၢဝ်ထဵမ်းၸွပ်ႇၶၢဝ်ႇ

Must read

ႁွင်ႈၵၢၼ်ၽွင်းလူင်ၾၢႆႇၵႅတ်ႇၶႄ မိူင်းၵူဝ်ႊရီႊယိူဝ်ႊၸၢၼ်း ပိုၼ်ၽၢဝ်ႇ မိူဝ်ႈဝၼ်းတီႈ 8 လိူၼ်ဢေႊပရိူဝ်ႊ ၼႆႉဝႃႈ ယူႇတီႈ ၶွမ်ႊပၼီႊ SpaceX သေ ဢဝ်ၶိူင်ႈ Falcon 9 ပွႆႇၼူၾႆး လၢဝ်ထဵမ်း လပ်ႉ ၶိုၼ်ႈၵၢင်ႁၢဝ် ဢွင်ႇမၢၼ်ယဝ်ႉ ဝႃႈၼႆ။

လၢဝ်ထဵမ်း မိူင်းၵူဝ်ႊရီႊယိူဝ်ႊၸၢၼ်းၼႆႉ လုၵ်ႉတီႈသုၼ်ၵၢင်ႁၢဝ် ၵျွၼ်ႊဢႅပ်ႉၾ်ၵၼေႇတီႇ ဢၼ်မီးတီႈၸႄႈမိူင်းၾရေႃႊရီႊတႃႊ ၸိုင်ႈမိူင်းဢမေႊရိၵၼ်ႊသေ ပွႆႇၶိုၼ်ႈၵၢင်ႁၢဝ် မိူဝ်ႈ ဝၼ်းတီႈ 7 လိူၼ်ဢေႊပရိူဝ်ႊ ယၢမ်းၵၢင်ၶိုၼ်း 11 မူင်း ၶၢဝ်းယၢမ်း ၸိုင်ႈမိူင်းဢမေႊရိၵၼ်ႊ  ။

- Subscription -

မိူင်းၵူဝ်ႊရီႊယိူဝ်ႊၸၢၼ်း ပိုၼ်ၽၢဝ်ႇပႃးဝႃႈ ဝၢႆးလင်ပွႆႇၶိုၼ်ႈတွင်ႉၾႃႉ 45 မိၼိတ်ႉယဝ်ႉ လၢဝ်ထဵမ်း ၸင်ႇၽၢတ်ႇဢွၵ်ႇၶိူင်ႈသူင်ႇမၼ်းသေ ႁွတ်ႈထိုင်သဵၼ်ႈတၢင်း လၢဝ်ထဵမ်းပၼ်ႇ လီငၢမ်း ဝႃႈၼႆ။

လၢဝ်ထဵမ်းၽူႈၸွပ်ႇလုၵ်ႈၼႆႉ ဢမ်ႇၸႂ်လုၵ်ႈဢွၼ်တၢင်းသုတ်း ၶွင်မိူင်းၵူဝ်ႊရီႊယိူဝ်ႊ ၸၢၼ်း။ ပူၼ်ႉမႃးလိူၼ်တီႊသႅမ်ႊပိူဝ်ႊၼၼ်ႉၵေႃႈ သူင်ႇၶိုၼ်ႈလုၵ်ႈၼိုင်ႈယဝ်ႉ။ ၽွင်းၼၼ်ႉ ၵူဝ်ႊရီႊယိူဝ်ႊၸၢၼ်း ယင်းလႆႈပွႆႇ Live တီႈ X တင်း Youtube လူးၵွၼ်ႇ ဝႃႈၼႆ။

မိူင်းၵူဝ်ႊရီႊယိူဝ်ႊႁွင်ႇတႄႉ ပွႆႇလၢဝ်ထဵမ်းၸွပ်ႇၶၢဝ်ႇယဝ်ႉ 2 ပွၵ်ႈ ဢမ်ႇဢွင်ႇလႄႈ ၽွင်း လိူၼ်ၼူဝ်ႊဝႅမ်ႊပိူဝ်ႊ ပီၵၢႆ ပွႆထႅင်ႈလၢဝ်ထဵမ်း ဢၼ်မီးၸိုဝ်ႈဝႃႈ ၶဵဝ်လီမႃ 1 လႄႈ မႃလီၵျွင်း 1 ၼႆယဝ်ႉ။

ၵူဝ်ႊရီႊယိူဝ်ႊႁွင်ႇ ပိုၼ်ၽၢဝ်ႇဝႆႉဝႃႈ ၼႂ်းပီ 2024 ၼႆႉ တေပွႆႇလၢဝ်ထဵမ်းၸွပ်ႇၶၢဝ်ႇ 3 လုၵ်ႈ ဝႃႈၼႆဝႆႉ။ 

ဢၢင်ႈဢိင် – DVB

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း