ၸွမ်ၸိုင်ႈမႂ်ႇ မိူင်းဝႅတ်ႉၼၢမ်း ထွၼ်တူဝ်ဢွၵ်ႇ

ၸွမ်ၸိုင်ႈမိူင်း ဝႅတ်ႉၼၢမ်း ဝူဝ်ဝၼ်းထွင်း (Vo Van Thuong) တၼ်းၶိုၼ်ႈမႃးပဵၼ်ၸွမ်ၸိုင်ႈလႆႈ 2 ပီသေ ထွၼ်တူဝ်ဢွၵ်ႇ တၼ်းႁဵင်း ဝႃႈၼႆ။

ပႃႇတီႇၶွမ်ႊမိဝ်ႊၼိတ်ႊ ပိုၼ်ၽၢဝ်ႇဝႃႈ – ၸွမ်ၸိုင်ႈၼႆႉ ဢမ်ႇႁဵတ်းၸွမ်းမၢႆမီႈပၵ်းပိူင်ပႃႇတီႇ ႁဵတ်းႁႂ်ႈတုမ်ႉတိူဝ်ႉၼႃႈတႃပႃႇတီႇ ဝႃႈၼႆသေတႃႉ ယွၼ်ႉမီးတၢင်းၽိတ်းသင်လႄႈ ထွၼ်တူဝ်ဢွၵ်ႇ ဢၼ်ဝႃႈၼၼ်ႉ ဢမ်ႇပိုၼ်ၽၢဝ်ႇ ပဵၼ်တၢင်းၵၢၼ် – ဝႃႈၼႆ။

ဝူဝ်ဝၼ်းထွင်းၼႆႉ တေမီး ဢႃယု 53 ပီ ယူႇၼႂ်းပႃႇတီၶွမ်ႊမိဝ်ႊၼိတ်ႊသေ ၶိုၼ်ႈမႃးပဵၼ်ၸွမ်ၸိုင်ႈ မိူဝ်ႈပီ ဢွၼ်လိူၼ်မၢတ်ႊၶျ် ဝႃႈၼႆ။

မၼ်းၸၢႆးၼႆႉ ၵွၼ်ႇၼႃႈ တေၶိုၼ်ႈပဵၼ်ၸွမ်ၸိုင်ႈၼၼ်ႉၵေႃႈ ယၢမ်ႈပဵၼ်ၽူႈၵွၼ်းၸႄႈမိူင်း ၼႂ်းမိူင်းဝႅတ်ႉၼၢမ်းမႃး။ ၼႂ်းပိုၼ်းမိူင်းဝႅတ်ႉၼၢမ်းၼၼ်ႉ တင်ႈတႄႇ ပီ 1970 မႃး မၼ်းၸၢႆးၼႆႉ လႆႈဝႃႈပဵၼ် ၸွမ်ၸိုင်ႈ ၵေႃႉဢၼ်ဢႃယုလဵၵ်ႉသုတ်း ဝႃႈၼႆ။

လွင်ႈၸွမ်ၸိုင်ႈ ဝူဝ်ဝၼ်းထွင်း ထွၼ်တူဝ်ဢွၵ်ႇၼႆႉ တေဢဝ်ဢုပ်ႇၵၼ်ၼႂ်းသၽႃး ၼႂ်းဝူင်ႈတေမႃးၼႆႉသေ – ၵွၼ်ႇတေလိူၵ်ႈၸွမ်ၸိုင်ႈမႂ်ႇၼႆႉ မိူင်းဝႅတ်ႉၼၢမ်း တေဝႆႉၸွမ်ၸိုင်ႈၸူဝ်ႈၶၢဝ်း ၵေႃႉၼိုင်ႈ။ လႅပ်ႈတေပဵၼ် ၵႅမ်ၸွမ်ၸိုင်ႈ ဝူဝ်သီဢႅၼ်ႊသွၼ်းၵူၺ်း ဝႃႈၼႆ။

ၽူႈလူင်ႉလႅၼ်ႇၵၢၼ်မိူင်း လုမ်ႈၾႃႉတႄႉလၢတ်ႈဝႃႈ – ၸွမ်ၸိုင်ႈမိူင်းဝႅတ်ႉၼၢမ်း ထွၼ်တူဝ်ဢွၵ်ႇ ၸိူင်ႉၼႆၼႆႉ လီမႆႈၸႂ် လွင်ႈၵတ်းယဵၼ် ၸိုင်ႈမိူင်းဝႅတ်ႉၼၢမ်းတႄႉတႄႉ ဝႃႈၼႆ။

ဢၢင်ႈဢိင် – VOA