ဝၼ်းတီႈ 11/3/2024 ၼႆ့ ၸုမ်းသိုၵ်းၵဝ်ႈၵၢင့် MNDAA ၶွပ်ႈတဵမ် 35 ပီ ၊ ယုၵ့်ယွင်ႈဝၼ်းၼႆ့သေ ၸုမ်းသိုၵ်းတဢၢင်း TNLA တင်း သိုၵ်းရၶႅင်ႇ AA သူင်ႇလိၵ်ႈလၢတ်ႈဝႃႈ ဝၢႆးလင်ၽႅၼ်ၵၢၼ်ယၼ်ႇသိုၵ်း 1027 ၼႆ့ ၸွမ်းၼင်ႇ ပဝ့်မၢႆၵၢၼ် သိုၵ်း ၸုမ်းသိုၵ်းၵဝ်ႈၵၢင့် MNDAA ၽေႃႇၼမ့်ၼႄတူဝ်မႃးလႆႈယဝ့် ဝႃႈၼႆ။
ၸုမ်းသိုၵ်းၵဝ်ႈၵၢင့်ၼႆ့ တႄႇၶွတ်ႇၽွတ်ႈမႃး မိူဝ်ႈဝၼ်းတီႈ 11/3/1989 လႆႈလတ်းၽၢၼ်ႇမႃး လွင်ႈၶဵင်ႇတႃႉတင်း ၼမ်၊ ယၢမ်းလဵဝ် ၸွမ်းၼင်ႇတၢင်းယိူင်းဢၢၼ်းမီးဝႆ့ၼၼ့် တေတဵမ်ထူၼ်ႈမႃးယူႇ၊ လိူဝ်ၼၼ့် ယူႇတီႈၸုမ်းသိုၵ်း TNLA တင်း AA တေသိုပ်ႇၸုၵ်းမၼ်ႈ ပဵၼ်ဢူၺ်းလီၵႂႃႇ ၸွမ်းၵၢၼ်မိူင်းၵၢၼ်သိုၵ်းယူႇၼႆ ၼႂ်းလိၵ်ႈယုၵ့်ယွင်ႈဝၼ်း ၶွပ်ႈတဵမ် MNDAA 35 ပီၼႆ့ ပႃးဝႆ့ၼင်ႇၼႆ။
ၸုမ်းသိုၵ်းၵဝ်ႈၵၢင့် MNDAA ၊ ၸုမ်းသိုၵ်းတဢၢင်း TNLA လႄႈ ၸုမ်းသိုၵ်းရၶႅင်ႇ AA ၼႆ့ မိူဝ်ႈႁၢင်ပီ 2023 ပိုၼ် ၽၢဝ်ႇ ၽႅၼ်ၵၢၼ်ယၼ်ႇသိုၵ်း 1027 သေ လေႃႇတိုၵ်းသိုၵ်းမၢၼ်ႈ ၼႂ်းၸိုင်ႈတႆးပွတ်းႁွင်ႇ ႁၢဝ်ႈႁႅင်း၊ ၶၢဝ်းတၢင်း ပၢင်တိုၵ်း 3 လိူၼ်ပၢႆၼႆ့ ယိုတ်းၵုမ်းလႆႈ ၼႃႈတီႈသိုၵ်းမၢၼ်ႈ ၼပ့်ႁူဝ်ပၢၵ်ႇ၊ ယိုတ်းလႆႈပႃး ၶိူင်ႈၵွင်ႈၵၢင်ႇ သိုၵ်းမၢၼ်ႈ တင်းၼမ်။
ယၢမ်းလဵဝ် ၼႂ်းၸိုင်ႈတႆးပွတ်းႁွင်ႇၼႆ့ ပၢင်တိုၵ်းယဵၼ်လူင်းဝႆ့သေတႃႉ သိုၵ်းမၢၼ်ႈထႅမ်ႁႅင်းသိုၵ်းတင်းၼမ်သေ ၶဵင်ႈၶႅင်ၵၢၼ်သိုၵ်းတေႃႉၵၼ်ဝႆ့တင်း ၸုမ်းယိပ်းၵွင်ႈၸၢဝ်းၶိူဝ်းႁၢဝ်ႈႁႅင်း။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ