သိုၵ်းမၢၼ်ႈ ယိုတ်းမိူင်း ပဵၼ်ၸုမ်းၵၼ်ႉၸၼ်ၼၢင်းယိင်းရၶႅင်ႇ ၸႄႈဝဵင်းမိၼ်းပျႃး – ဝၢႆးလင် ၵၼ်ႉ ၸၼ်ယဝ်ႉ ၶႃႈႁႅမ်တၢႆပႅတ်ႈ ဝႃႈၼႆ။
သိုၵ်းမၢၼ်ႈ ၶမရ 205 တႂ်ႈတပ်ႉမ 22 ဢဵၼ်ႁႅင်းမွၵ်ႈ 7 ၵေႃႉ ၵၼ်ႉၸၼ်ၼၢင်းယိင်း ဢွၼ်ႇၵေႃႉ ၼိုင်ႈ ၵူၼ်းဝၢၼ်ႈငတၢၼ်းပျိၼ်း ၸႄႈဝဵင်းမိၼ်းပျႃး ၸႄႈမိူင်းရၶႅင်ႇ ၼႆယဝ်ႉ။
ဝၢႆးၼၼ်ႉ သိုၵ်းရၶႅင်ႇ လိုပ်ႈလမ်းတီႉၺွပ်း လႆႈသိုၵ်းမၢၼ်ႈၵေႃႉၼိုင်ႈ ဢၼ်ၶဝ်ႈပႃး ၼႂ်းၸုမ်းၵၼ်ႉ ၸၼ် ၶႃႈႁႅမ်ဢွၼ်ႇယိင်းၼၼ်ႉသေ ထတ်းထၢမ်။ မၼ်းၸၢႆးလၢတ်ႈဝႃႈ လႆႈၵၼ်ႉၸၼ်ၼၢင်းယိင်း ဢွၼ်ႇၼၼ်ႉ မိူဝ်ႈဝၼ်းတီႈ 17 လိူၼ်ၵျႅၼ်ႊၼိဝ်ႊရီႊပူၼ်ႉမႃး။ ဝၢႆးလင်ၵၼ်ႉၸၼ်ယဝ်ႉ လႆႈၶႃႈႁႅမ် တၢႆတႄႉ ဝႃႈၼႆ။
ယဝ်ႉၵေႃႈ လႆႈၶႃႈႁႅမ်တၢႆပႃးၵေႃႉပဵၼ်မႄႈ လုၵ်ႈဢွၼ်ႇယိင်းၼၼ်ႉထႅင်ႈလူးၵွၼ်ႇ – သိုၵ်းရၶႅင်ႇ AA ပိုၼ်ၽၢဝ်ႇဝႆႉပႃးၼင်ႇၼႆ။
