သြႃႇပေႇတၢင်ႇတၵ်ႉဝႃႈ ၼႂ်းဝူင်ႈဝၢင်ႈၼႆႉ ၸွမ်ၸိၵ်းသိုၵ်းမၢၼ်ႈမိၼ်းဢွင်ႇလၢႆႇ ၸၢင်ႈၺႃးယိုဝ်းတၢႆ ၼႆသေ ႁႂ်ႈမၼ်းလွႆးၶေႃႉ တၢင်ႇထီးၵွင်းမူး တီႈၼေႇပျီႇတေႃႇ။
ဝၼ်းတီႈ 3/1/2024 ၸွမ်ၸိၵ်းသိုၵ်းမၢၼ်ႈမိၼ်းဢွင်ႇလၢႆႇလႄႈမေးၼၢင်းၵိဝ်ႇၵိဝ်ႇလႃႉ ၵႂႃႇတၢင်ႇထီးၵွင်းမူး ၊ ၽွင်းမၼ်းၸၢႆး တၢင်ႇထီးၵွင်းမူးသေ လူင်းၶိုၼ်ႈလႆမႃးၼၼ်ႉ သမ်ႉမႃးယဵပ်ႇၺႃးလဵၵ်းမႆႇၼႃးတီႈသူၼ်ႈတိၼ်။ ၽွင်းလုၵ်ႉတီႈတၢင်ႇထီးၵွင်းမူးသေပွၵ်ႈႁိူၼ်းၶိုၼ်းၼၼ်ႉ မေးၼၢင်းမၼ်း ၼၢင်းၵိဝ်ႇၵိဝ်ႇလႃႉ ၵိုင်ႉၵၢင်ႉဢမ်ႇယူႇလီသေ လႆႈႁိပ်ႈၼႅတ်ႈဢဝ်ၵၼ်ၵႂႃႇယူတ်းယႃတူဝ်တီႈႁူင်းယႃထႅင်ႈလႄႈယိင်ႈၶႅၼ်းႁဵတ်းႁႂ်ႈမၼ်းတူၵ်းၸႂ်။ သြႃႇပေႇတၢင်ႇၶိုၼ်းလၢတ်ႈဝႃႈ ပဵၼ်ၼိမိၵ်ႈႁၢႆႉၼႆသေ ၶိုၼ်းၸႂ်ႉလွႆးၶေႃႉထႅင်ႈသွၼ်ႉသွင်။
ၼင်ႇႁိုဝ်ၵၢၼ်လွႆးၶေႃႉမၼ်းတေဢွင်ႇမၢၼ်ၼႆသေ ၸွမ်ၸိၵ်းသိုၵ်းမၢၼ်ႈႁွင်ႉဢဝ်ၽူႈမီးၸၼ်ႉသုင်ၼႂ်းသိုၵ်း ၵူၼ်းၸိူဝ်းၸမ်ၸႂ်မၼ်း 40 ၵေႃႉသေ ႁိုတ်းထဵၵ်းပွင်ႉလႃႇဢဵၵ်းသၢတ်ႈ၊ ဝၢႆးၼၼ်ႉၸႂ်ႉၵူၼ်းၸမ်ၸႂ်မၼ်း ဢဝ်မၢၵ်ႇၶေႃ 90 လုၵ်ႈ သႂ်ႇၼႂ်းလူင်ႈသေ ပၼ်ႇႁွၼ်ႈ။တႃႇႁႂ်ႈလွတ်ႈၽေးၶဵၼ် ဝႃႈၼႆ။ ၽွင်းၼင်ႇၼၼ် ဢၼ်မိၼ်းဢွင်ႇလၢႆႇယုမ်ႇယမ်ဝႃႈ ပဵၼ်ၸၢင်ႉၽိူၵ်ႇ ၸၢင်ႉမင်ႇၵလႃႇ ၼႆၼၼ်ႉသမ်ႉ ပဵၼ်တွင်ႉၵႂႃႇၶီႇႁေႈႁၢႆႉႁႅင်းဝႆႉၼႆလႄႈ မၼ်းၸင်ႇမီးၶေႃႈပူင်ၸူးၽူႈမီးၸၼ်ႉၼႂ်းတပ်ႉသိုၵ်း ဢွၼ်ၵၼ်ႁဵတ်းလွင်ႈလွႆးၶေႃႉလွႆးၵဵဝ်ႇၸွႆႈထႅင်ႈ – ၶၢဝ်ႇလပ်ႉလပ်ႉၼႂ်းတပ်ႉသိုၵ်းၼေႇပျီႇတေႃႇဢွၵ်ႇမႃးၼႆ- ၶၢဝ်ႇ ဢေႇရႃႇဝတီႇထၢႆးမ် ဢွၵ်ႇဝႆႉ ၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ