Friday, March 29, 2024

ပလိၵ်ႈထႆး တီႉၺွပ်းလႆႈၵူၼ်းလၵ်ႉတေႃႉၵူၼ်းလႄႈ တႆး10 ၵေႃႉတီႈလမ်းပုၼ်း

Must read

ၸဝ်ႈၼႃႈတီႈပလိၵ်ႈထႆး တီႉၺွပ်းလႆႈၵူၼ်းလၵ်ႉတေႃႉတၢင်ႇၵူၼ်းဢမ်ႇမီးဝတ်းဝႂ် သူင်ႇလမ်းပၢင်း တီႉလႆႈပႃးတႆးဢမ်ႇမီးဝႂ် 10 ၵေႃႉ။

ဝၼ်းတီႈ 7/5/2018 ၶၢဝ်းယၢမ်းၵၢင်ၶမ်ႈ 9:30 မူင်းၸဝ်ႈၼႃႈတီႈ ႁူင်းပလိၵ်ႈလီႉ  ဝဵင်းလမ်းပုၼ်း တင်ႈလၢၼ်ႇၵူတ်ႇ ထတ်းၸွမ်းတၢင်း ပိူဝ်ႈတႃႇၵူတ်ႇထတ်းလွင်ႈၽိတ်းပၵ်းပိူင်မၢႆမီႈသေ ၽွင်းၼၼ်ႉ မီးၵႃးလမ်းၼိုင်ႈ လုၵ်ႉၵဵင်းမႆႇ တေၵႂႃႇလမ်းပၢင်း ၸဝ်ႈၼႃႈတီႈၸင်ႇႁွင်ႉၵူတ်ႇထတ်း။

- Subscription -

သိုဝ်ႇၶၢဝ်ႇ ChiangMai ပိုၼ်ၽၢဝ်ႇဝႃႈ ၼႂ်းၵႃးၼၼ်ႉ ၸၢႆးပၢၼ်းဢႃယု 54 ပီပဵၼ်ၵူၼ်းႁေႃႈ တၢင်ႇပႃးၵူၼ်း 10 ၵေႃႉ ပဵၼ်တႆး ၸၢႆး 4 ၵေႃႉ ယိင်း 6 ၵေႃႉ။


ၸၢႆးပၢၼ်း လၢတ်ႈၼႄတီႈ ၸဝ်ႈၼႃႈတီႈပလိၵ်ႈဝႃႈ – “ လႆႈႁပ်ႉဢဝ်ႁႅင်းၵၢၼ်ၸိူဝ်းၼႆႉ လုၵ်ႉတီႈ တႃႈရူတ်ႉၸၢင်ႉ ၽိူၵ်ႇ ၵဵင်းမႆႇ တေၵႂႃႇသူင်ႇတီႈ ၸႄႈဝဵင်းထိူၼ် ၸႄႈတွၼ်ႈလမ်းပၢင်း ဢဝ်ၵႃႈမၼ်းၼိုင်ႈၵေႃႉလႂ် 3,000 ၿၢတ်ႇ ၊  ႁဵတ်းၸိူင်ႉၼႆမႃးလၢႆပွၵ်ႈယဝ်ႉ ယွၼ်ႉဝႃႈလႆႈငိုၼ်းလီ တႃႇႁႃၵိၼ်လဵင်ႉတွင်ႉဢေႃႈ ” ဝႃႈၼႆ။

ယၢမ်းလဵဝ်ၸဝ်ႈၼႃႈတီႈပလိၵ်ႈ ၸင်ႇတီႈၺွပ်းတူဝ်မၼ်းၸၢႆးလႄႈ တင်းႁႅင်းၵၢၼ် 10 ၵေႃႉသူင်ႇ ႁူင်းပလိၵ်ႈလီႉ  ပိူဝ်ႈပၼ်တူတ်ႈတၢမ်ႇၵႂႃႇ ၸွမ်းၼင်ႇပၵ်းပိူင်မၢႆမီႈဝၢၼ်ႈမိူင်းမီးၼၼ်ႉဝႃႈၼႆ။

Photo : CM News

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း