Thursday, March 28, 2024

လုၵ်ႈဢွၼ်ႇ ၸႄႈဝဵင်းၵဵင်းတုင် 2 ၵေႃႉ လဵၼ်ႈမၢၵ်ႇပွမ်း တႅၵ်ႇတိူဝ်ႉ တၢႆထင်တီႈ

Must read

ၸႄႈဝဵင်းၵဵင်းတုင် လုၵ်ႈဢွၼ်ႇၸၢဝ်းလႃးႁူႇ ဢွၼ်ၵၼ်ၵႂႃႇလႄႇဢႅဝ်ႇပိုတ်းၼူၵ်ႉၸွမ်းလွႆသေ ထူပ်းႁၼ်မၢၵ်ႇ၊ သမ်ႉဢွၼ် ၵၼ်လဵၼ်ႈလႄႈမၢၵ်ႇတႅၵ်ႇတိူဝ်ႉသႂ်ႇ လႆႈလူႉတၢႆထင်တီႈ 2 ၵေႃႉ ဝႃႈၼႆ။

- Subscription -

ဝၼ်းတီႈ 29/04/2018 ၶၢဝ်းယၢမ်းဝၢႆးဝၼ်းၼၼ်ႉ လုၵ်ႈဢွၼ်ႇၸၢဝ်းလႃးႁူႇ 4 ၵေႃႉ ယူႇဝၢၼ်ႈသတ်ႉၵျႃႇ ဢိူင်ႇမိူင်း လၢပ်ႈ ၸႄႈဝဵင်းၵဵင်းတုင် ၸိုင်ႈတႆးပွတ်းဢွၵ်ႇ ဢွၼ်ၵၼ်ၵႂႃႇလႄႇဢႅဝ်ႇပိုတ်းၼူၵ်ႉ တီႈႁိမ်းဝၢၼ်ႈသတ်ႉၵျႃႇၼၼ်ႉ သေ ထူပ်းႁၼ်မၢၵ်ႇပွမ်း ဢၼ်ပႆႇတႅၵ်ႇ တီႈပၢင်ၾိုၵ်းသိုၵ်းတပ်ႉသိုၵ်းမၢၼ်ႈသေ ဢွၼ်ၵၼ်လဵၼ်ႈ။ မၢၵ်ႇၼၼ်ႉ တႅၵ်ႇတိူဝ်ႉသႂ်ႇ မွင်ႇဢႃးတေႇ ဢႃယု 13 ပီ ၵေႃႉၼိုင်ႈလႄႈ မွင်ႇၸေႇယထုၼ်း ဢႃယု 11 ပီ လႆႈလူႉတၢႆထင်တီႈ။ သွင်ၵေႃႉတႄႉ ဢမ်ႇတၼ်းပဵၼ်သင် ဝႃႈၼႆ။

ၸၢႆးသၢမ် ၵူၼ်းပိုၼ်ႉတီႈ ဢိူင်ႇမိူင်းလၢပ်ႈ လၢတ်ႈတီႈၽူႈတွႆႇႁွၵ်ႈဝႃႈ “ ၸႂ်ႈၶႃႈဢေႃႈ ပဵၼ်လုၵ်ႈဢွၼ်ႇ ၸၢဝ်းလႃးႁူႇ။ တၢင်းပွတ်းတွၼ်ႈၼၼ်ႉ ပဵၼ်ပီႈၼွင်ႉလႃးႁူႇႁဝ်းယူႇသဝ်း။ လႆႈငိၼ်းဝႃႈ လုၵ်ႈဢွၼ်ႇ 4 ၵေႃႉၼၼ်ႉ ၶဝ်ဢွၼ်ၵၼ်ၵႂႃႇ ပိုတ်းၼူၵ်ႉထူပ်းႁၼ်မၢၵ်ႇလူင်ၼၼ်ႉသေ သမ်ႉဢွၼ်ၵၼ်လဵၼ်ႈ တီႈၼၼ်ႈပဵၼ်တီႈ သိုၵ်းမၢၼ်ႈၾိုၵ်းသိုၵ်း။ ႁဵတ်း ၼၼ် မၢၵ်ႇၼၼ်ႉ တႅၵ်ႇသႂ်ႇတိူဝ်ႉၶဝ် 2 ၵေႃႉ။ ထႅင်ႈ 2 ၵေႃႉၼၼ်ႉ ယွၼ်ႉယူႇၵႆလႄႈ ဢမ်ႇတၼ်းတိူဝ်ႉ။ ႁဵတ်းၼၼ် သေ လုၵ်ႈဢွၼ်ႇ 2 ၵေႃႉ ဢၼ်ဢမ်ႇ တိူဝ်ႉမၢၵ်ႇ ၼၼ်ႉ ၼႅတ်ႈလႅၼ်ႈၵႂႃႇႁွင်ႉ ၵူၼ်းလူင်ၼႂ်းဝၢၼ်ႈသေ မႃးဢဝ်” ဝႃႈၼႆ။

ၵဵဝ်ႇၵပ်းလွင်ႈၼႆႉ ယူႇတီႈၽူႈယႂ်ႇၵူၼ်းလူင် ၼႂ်းဢိူင်ႇၼႂ်းဝၢၼ်ႈတင်း ပလိၵ်ႈမၢၼ်ႈ လႆႈၵႂႃႇၵူတ်ႇထတ်းတူၺ်း ဢွင်ႈတီႈ ဢၼ်ပဵၼ်ၼၼ်ႉသေ ထူပ်းႁၼ်မၢၵ်ႇဢၼ်ပႆႇတႅၵ်ႈထႅင်ႈ 2 -3 လုၵ်ႈ ၸွမ်းႁိမ်းႁွမ်းၼၼ်ႉ ဝႃႈၼႆ။

တေႃႈလဵဝ် တူဝ်လုၵ်ႈဢွၼ်ႇၸၢဝ်းလႃးႁူႇ 2 ၵေႃႉၼၼ်ႉ ယူႇတီႈၸုမ်းၸွႆႈထႅမ် ၵၢၼ်လူႉတၢႆ ၸႄႈဝဵင်းၵဵင်းတုင် လႆႈၵႂႃႇၸွႆႈဢဝ်တူဝ်တၢႆ ဝႆႉတီႈ ႁူင်းယႃၵူၼ်းမိူင်းၸႄႈဝဵင်းၵဵင်းတုင်သေ ၶပ်းၶိုင်ပၼ် တႃႇပူၼ်ႉတူဝ် ဝႃႈၼႆ။

Photo by နှလုံးလှ ပိုင်ရှင်များ (အခမဲ့) လူမှူကူညီရေးအသင်း

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း