ႁွင်ႈၵၢၼ်ၶၢဝ်ႇၼွၵ်ႈမိူင်းပိုၼ်ၽၢဝ်ႇဝႃႈ မိူင်းၵဝ်ႈရီတႂ်ႈ (ၵူဝ်ႊရီႊယႃႊၸၢၼ်း) ႁွင်ႈၵၢၼ်ၽွင်းလူင်ၾၢႆႇႁႅင်းၵၢၼ်ဢုပ်ႇၵုမ်တူၵ်းလူင်းၵၼ် တေၶိုၼ်ႈၵႃႈႁႅင်း ၼႂ်းပီ 2024 ၼႆႉတေၶိုၼ်ႈပၼ် ၸူဝ်ႈမူင်းၼႆႉ 2.5 ပိူဝ်ႊသႅၼ်းဝႃႈၼႆ။
ပီၼႆႉ ၵႃႈႁႅင်းႁဵတ်းၵၢၼ် 1 ၸူဝ်ႈမူင်း 9620 ဝွၼ်ႊ (ၼပ်ႉတင်းငိုၼ်းထႆး မႅၼ်ႈ 258 ဝၢတ်ႇ ငိုၼ်းမၢၼ်ႈမႅၼ်ႈ 15000 ပျႃးပၢႆ။ ၼႂ်းပီ 2024 ၼႆႉ တေၶိုၼ်ႈပၼ် 2.5 ပိူဝ်းသႅၼ်းလႄႈ ၼိုင်ႈၸူဝ်ႈမူင်းတေပဵၼ် 9860 ဝွၼ်ႊ (မႅၼ်ႈ 264 ဝၢတ်ႇ ငိုၼ်းမၢၼ်ႈတေပဵၼ် 16000 ပျႃး) ။
ၵွပ်ႈၼႆလႄႈ ၵူၼ်းၼိုင်ႈၵေႃႉ ၼိုင်ႈဝၼ်းႁဵတ်းၵၢၼ် 8 ၸူဝ်ႈမူင်း ၊ ၼိုင်ႈဝူင်ႈၼႆႉ ႁဵတ်းၵၢၼ် 40 ၸူဝ်ႈမူင်း ၊ ၵႃႈႁႅင်း ၼိုင်ႈဝူင်ႈ လုၵ်ႈတီႈ 54000 ဝၢတ်ႇ တေၶိုၼ်ႈပဵၼ် 55400 ဝၢတ်ႇ (တေတူၵ်းငိုၼ်းမၢၼ်ႈ 34 သႅၼ်ပျႃး) ပၢႆ။ ၼိုင်ႈလိူၼ် တေတူၵ်းမႅၼ်ႈ 2 သႅၼ်ဝၢတ်ႇ ငိုၼ်းထႆးသေ တေတူၵ်းငိုၼ်းမၢၼ်ႈ 129 သႅၼ်ပျႃး။
လုမ်းၾၢႆႇႁႅင်းၵၢၼ်မိူင်းၵဝ်ႊရီႊ လၢတ်ႈဝႃႈ ပၢႆးမၢၵ်ႈမီးတူၵ်း၊ ႁႃငိုၼ်းယၢပ်ႇ ၵူၼ်းမိူင်းတေၵိၼ်းၸႂ်ႁႃၵိၼ်လဵင်ႉတွင်ႉယၢပ်ႇလႄႈၸင်ႇတႅပ်းတတ်းၶိုၼ်ႈပၼ်ၵႃႈႁႅင်းဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ