Mark Zuckerberg ၸဝ်ႈၶွင် ၾဵတ်ႉသ်ပုၵ်ႉ လႄႈၶွမ်ႊပၼီႊ မေႊတႃႊ ႁဵတ်းဢွၵ်ႇ ဢႅပ်ႉပလီႇၵေးသျိၼ်း Threads သေပိုၼ်ၽၢဝ်ႇဝၼ်းတီႈ 6 လိူၼ်ၵျူႊလၢႆႊၼႆႉ။

ႁၢင်ႈဢႅပ်ႉပလီႇၵေးသျိၼ်း Threads ၼႆႉပဵၼ် တူဝ်လိၵ်ႈ a သေမီးဢၼ်ပၼ်ႇႁွပ်ႈဝႆႉ ။ မၼ်းၸၢႆးတၢင်ႇဝႆႉဝႃႈ ယူႇတီႈ ဢႅပ်ႉပလီႇၵေးသျိၼ်း Threads သေ ယိၼ်းလီႁပ်ႉတွၼ်ႈ ယူႇဢေႃႈ ဝႃႈၼႆဝႆႉ။

ဢႅပ်ႉပလီႇၵေးသျိၼ်း Threads ၼႆႉတေငၢႆးမိူၼ် ဢိၼ်ႊၸတႃႊၵရမ်ႊ ၊ တႅမ်ႈတၢင်ႇလႆႈလိၵ်ႈပွတ်း၊ ၶႅပ်းႁၢင်ႈ ၊ ဝီႊတီႊဢူဝ်ႊၶလိပ်ႉၵေႃႈလႆႈ။

ဢႅပ်ႉပလီႇၵေးသျိၼ်း Threads ၼႆႉ လုတ်ႇဢဝ်လႆႈတီႈ Apple store လႄႈ Google Play Store သေ ဢိၼ်းသတေႃးလ်ၼႂ်းၶိူင်ႈၾူၼ်းလႄႈၶွမ်ႊၽိဝ်ႊတိူဝ်ႊ သေၸႂ်ႉၵေႃႈလႆႈ။

ဝၢႆးလင် Mark Zuckerberg ပိုၼ်ၽၢဝ်ႇၵပ်းသိုပ်ႇယဝ်ႉဢမ်ႇႁိုင်သင် မွၵ်ႈ 2 ၸူဝ်ႈမူင်းၵူၺ်း ၵူၼ်းလူတ်ႇသေပိုတ်ႇ Account သေၸႂ်ႉတူၺ်းမီးထိုင် 2 လၢၼ်ႉ သူႇၵႃႇပၵ်ႉ ပိုၼ်ၽၢဝ်ႇၼင်ႇၼႆ ။

ဝၢႆးလင် ဢီႊလွၼ်ႊမၢၵ်ႉ သိုဝ်ႉဢဝ်ထုၺ်ႉတိူဝ်ႉၵႂႃႇသေ ငဝ်းလၢႆးၵၢၼ်ၸႂ်ႉဢႅပ်ႉပလီႇၵေးသျိၼ်းၶဵင်ႈၶႅင် ၸႂ်ႉယၢပ်ႇ၊ တုၺ်ႉတိူဝ်ႉၵေႃႈ ၸႂ်ႉယၢပ်ႇ ပေႃးဢမ်ႇၸၢႆႇငိုၼ်းၸိုင် ဢမ်ႇပၼ်တၢင်ႇၽူတ်ႉသ်ၼမ် ဢမ်ႇပၼ်ႁၼ်ၽူတ်ႉၼမ် ။

ငဝ်းလၢႆးၼင်ႇၼႆ ၸဝ်ႈၶွင် ၾဵတ်ႉသ်ပုၵ်ႉ ႁဵတ်းဢွၵ်ႇ ဢႅပ်ႉပလီႇၵေးသျိၼ်း Threads မႃးပိုၼ်ၽၢဝ်ႇပၼ်ၸႂ်ႉ တႃႇၸႂ်ႉငၢႆႈ ၼႆႉ မိူၼ်တၢင်းၶဵင်ႇတႃႇတေႃႇ တုၺ်ႉတိူဝ်ႉ ၶွင် ဢီႊလွၼ်းႊမၢၵ်ႉၵူၺ်းယဝ်ႉ ၵူၼ်းလဵၼ်ႈၼႅတ်ႇလဵၼ်ႈလၢႆး ဢွၼ်ၵၼ်ထတ်းသၢင်ၼင်ႇၼႆ။