ၵေႃလိၵ်ႈလၢႆးလႄႈၾိင်ႈငႄႈတႆး ဝဵင်းလႃႈသဵဝ်ႈ ၸတ်းပၢင်ၾိုၵ်းလပ်ႉၼမ်ႉၵတ်ႉမေႃသွၼ် ပိူဝ်ႈႁႂ်ႈမေႃသွၼ်မီး ၼမ်ႉၵတ်ႉပူၵ်းပွင်လုၵ်ႈဢွၼ်ႇမိူဝ်းၼႃႈ။
ဝၼ်းတီႈ 20 – 24/04/2018 ၵေႃလိၵ်ႈလၢႆးလႄႈ ၾိင်ႈငႄႈတႆး ဝဵင်းလႃႈသဵဝ်ႈ ၸတ်းႁဵတ်းပၢင်ၾိုၵ်းၽွၼ်ႉၼမ်ႉ ၵတ်ႉမေႃသွၼ် တီႈႁူင်းႁေႃၵေႃလိၵ်ႈလၢႆးလႄႈ ၾိင်ႈငႄႈတႆး ဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ။
ၼၢင်းဢွမ်သႅင် ၽူႈၼမ်းၼႂ်းၵေႃလိၵ်ႈလၢႆး လႃႈသဵဝ်ႈ လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “ ယိူင်းဢၢၼ်းတႄႉ ၼိုင်ႈပီၼိုင်ႈပွၵ်ႈ တႃႇႁႂ်ႈမေႃသွၼ်ၼႂ်းတူင်ႇဝဵင်းလူင်ႉလႅၼ်ႇၾၢႆႇပၢႆးပူင်သွၼ်၊ ပၢႆးၽူႈဢွၼ်ႁူဝ်၊ တီႈပွင်ႇမေႃသွၼ်/ ၵၢၼ်ႁုၼ်ႈမုၼ်းမေႃသွၼ် ပိုၼ်းလႄႈလိၵ်ႈလၢႆးတႆး ၸိူဝ်းၼႆႉလႄႈၸင်ႇလႆႈၸတ်းႁဵတ်း လိူဝ်ၼၼ်ႉ သွၼ်ပႃးလၢႆးသႅၼ်ၶႃႊလႃႊတေႊ ၸိူဝ်းၼႆႉ ” ဝႃႈၼႆ။
ၼႂ်းပၢင်ၼႆႉ ၶူးသွၼ်ၼႂ်းၸုမ်းၵေႃတႆးလႄႈ ၼႂ်းၵေႃလိၵ်ႈလၢႆး ပူင်သွၼ်ပၼ် ။ မီးလုၵ်ႈႁဵၼ်းၼႂ်းဝဵင်းလႃႈသဵဝ်ႈလႄႈ သႅၼ်ဝီၶဝ်ႈႁူမ်ႈႁဵၼ်းဢဝ် 90 ပၢႆ ။
