မိူဝ်ႈၼႆႉဝၼ်းတီႈ 22/05/2023 ယၢမ်းၵၢင်ၼႂ်ၸဝ်ႉ 1 မူင်း မၢၵ်ႇတႅၵ်ႇတီႈ ႁူင်းႁဵၼ်း လွၵ်းလၢႆးပၢႆးၸၢၵ်ႈ (ၼီးပိင်ႇၺႃႇ ဢထႅတ်ႉတၢၼ်းၵျွင်း) ဢၼ်မီးၼႂ်းပွၵ်ႉၶႃႈႁၢပ်ႇၵၢၼ်ၶုၼ်(ၵဝ်ႇ) ဢၼ်မီးတီႈဝၢၼ်ႈသူၼ်ၵွႆ ၸႄႈဝဵင်းလႃႈသဵဝ်ႈ ႁိူၼ်းယေးလူႉၵွႆ မီးၵူၼ်းမၢတ်ႇၸဵပ်းၽွင်ႈ ။
ၵူၼ်းလႃႈသဵဝ်ႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ-“ ၶမ်ႈဝႃးၼႆႉ သဵင်လင်ပေႇၸႂ်ၶႃႈ ။ ၶႆႈဝႃႈလႆႈယိၼ်းတင်းဝဵင်းယူႇၶႃႈဢေႃႈထွမ်ႇတူၺ်းတႄႉ။ လႆႈႁူႉဝႃႈ ၵူၼ်းဝၢၼ်ႈႁိမ်းႁွမ်းၼၼ်ႉမီးလွင်ႈမၢတ်ႇၸဵပ်းၽွင်ႈယူႇ။ ၵူၺ်းၵႃႈလွင်ႈတၢႆတႄႉဢမ်ႇလႆႈငိၼ်းၶႃႈ။”- ဝႃႈၼႆ။
ၵူၼ်းၼႂ်းပွၵ်ႉတႄႉဢွၼ်ၵၼ်လၢမ်းၶၢတ်ႈဝႃႈ ပဵၼ်မၢၵ်ႇပူမ်းသွတ်ႉ (ရှော့တိုက်ဒုံး) ဝႃႈၼႆ။
မၢၵ်ႇပူမ်းသွတ်ႉဢၼ်ဝႃႈၼႆႉ မဵၼ်မၢၵ်ႇဢၼ်လုၵ်ႉတီႈၵႆသေ ယိုဝ်းမႃး၊ တိူဝ်ႉမႅၼ်ႈလင်ၶႃးလႄႈ ၽႃႁူင်းႁဵၼ်း ၊ မၢၼ်ႇၽၵ်းတူႁူးလႅင်း တႅၵ်ႇလႅဝ်။ ႁိူၼ်းယေးၵူၼ်းဝၢၼ်ႈ ဢၼ်မီးႁိမ်းႁွမ်းၼၼ်ႉၵေႃႈ လူႈၵွႆၼမ်။ ၵူၼ်းမၢတ်ႇၸဵပ်းၵေႃႈမီးၽွင်ႈ ။ ပဵၼ်ၼမ်ႉမိုဝ်းၽႂ်ၸုမ်းလႂ် တႄႉဢမ်ႇႁူႉ။ ႁူင်းႁဵၼ်းၼႆႉ မီးႁိမ်းၸမ် AD တီႈႁိမ်းတပ်ႉသိုၵ်း မၢၼ်ႈၵူၺ်းလႆႈႁူႉၼင်ႇၼႆ။
မၢၵ်ႇပူမ်းသွတ်ႉၸိူင်ႉၼႆ မိူဝ်ႈပီ 2019 ၵေႃႈ ၶူင်ႇႁိူဝ်းမိၼ် လႃႈသဵဝ်ႈၵေႃႈၺႃးယိုဝ်း။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ