ၸၢႆးသိုဝ်ႉလူႇ လုၵ်ႈႁဵၼ်း တီႈႁူင်းႁဵၼ်းၸိူဝ်ႉၸၢတ်ႈထုင့်ယိူင်းၵေႃႉၼိုင်ႈ ဢၼ်ယူႇဝၢၼ်ႈၵွင်းၶၢမ်၊ ထုင့်ယိူင်း၊ၸႄႈဝဵင်းလၢႆးၶႃႈ ပဵၼ်ၶေႃးၼဵင်ၶေႃးဢွမ်းတဵမ်လမ်းၶေႃး ထူၺ်ႈၸႂ်ယၢပ်ႇ လူဝ်ႇတၢင်းၸွႆႈထႅမ်တႃႇၽႃႇတတ်း။ မိူဝ်ႈလဵဝ် ၽူႈမီးၼမ့်ၸႂ်တီႈၸမ်တီႈၵႆၶဝ် လူႇငိုၼ်းၵမ့်ထႅမ်မႃး တွၼ်ႈတႃႇယူတ်းယႃၽႃႇတတ်း မီးၸမ် 30 သႅၼ်ပျႃးယဝ့်လႄႈ ယူႇတီႈမေႃသွၼ်ႁူမ်ႈၽူႈယႂ်ႇၵူၼ်းလူင် တေဢၢၼ်းသူင်ႇၵႂႃႇ ယူတ်းယႃၽႃႇတတ်း တီႈႁူင်းယႃလုၵ်ႈဢွၼ်ႇတႃႈၵုင်ႈ ဝၼ်းတီႈ 23/2/2023 ။
ဢိင်ၼိူဝ်လွင်ႈၼႆ့သေ ၸုမ်းၶၢဝ်ႇၽူႈတွႆႇႁွၵ်ႈ လႆႈၵပ်းသိုပ်ႇတွင်ႈထၢမ်ၵၢင်ၸႂ် ၸၢႆးသိုဝ်ႉလူႇ ဢၼ်ပဵၼ်တၢင်းပဵၼ်ၶေႃးၼဵင်ဝႆ့ၼင်ႇၼႆ ။
ထၢမ် – ၸိုဝ်ႈၼွင့်ဝႃႈႁိုဝ်ၶႃႈ။ဢႃယုၼွင့်လႆႈၵႃႈႁိုဝ်ယဝ့်။ယဝ့်ၵေႃႈ ၶိုၼ်ႈၸၼ့်သင်ဝႆ့ၶႃႈ။
တွပ်ႇ – ၸိုဝ်ႈၼွင့် ၸၢႆးသိုဝ့်လူႇ ဢေႃႈ။ဢႃယု လႆႈ 14 ပီယဝ့်ၶႃႈ။ၶိုၼ်ႈႁူင်းႁဵၼ်းၸၼ့်သၢမ်ဝႆ့ၶႃႈ။
ထၢမ် – ၸိုဝ်ႈပေႃႈမႄႈၼွင့်ဝႃႈႁိုဝ်ၶႃႈ။
တွပ်ႇ – ၸိုဝ်ႈပေႃႈ လုင်းထုၼ်းၼီႇ ၊ ၸိုဝ်ႈ မႄႈ ပႃႈၶမ်းမႂ်ႇၶႃႈ။ပေႃႈမႄႈၵေႃႈ ဢႃယုယႂ်ႇယဝ့်ၶႃႈ။
ထၢမ် – တၢင်းပဵၼ်ၼွင့် ပဵၼ်ႁိုဝ်ၽွင်ႈၶႃႈ။ပေႃးၼွင့်ၼွၼ်းၼႆ ၸွင်ႇထူၺ်ႈၸႂ်ယၢပ်ႇႁႃ့။မိူဝ်ႈလဵဝ်တေလႆႈၵႂႃႇၽႃႇတတ်းၼႆ့ ၼႂ်းၸႂ်ပဵၼ်ႁိုဝ်ၽွင်ႈၶႃႈ။
တွပ်ႇ – ၼၵ်းဝႃႇ ၸဵပ်းဝႃႇတႄ့ ဢမ်ႇပဵၼ်ၼင်ႇၵဝ်ႇၶႃႈ။ ပေႃးတဵၵ်းႁႅင်းတႄ့ ၸဵပ်းယူႇဢေႃႈ။ ပေႃးလႆႈၵႂႃႇၽႃႇတတ်းမႃးတႄ့ မၼ်းတေၶႅၼ်းလီလိူဝ်ၵဝ်ႇ ယူႇငၢႆႈလိူဝ်ၵဝ်ႇဢေႃႈ။
ထၢမ် – တၢင်းပဵၼ်ၼႆ့ ပဵၼ်ႁိုင်ယဝ့်ႁႃ့ၼွင့်။ပဵၼ်မႃးၸဵမ်မိူဝ်ႈလႂ်ပုၼ့်ၶႃႈ။
တွပ်ႇ – ပဵၼ်မႃးၸဵမ်မိူဝ်ႈၵိူတ်ႇယဝ့်ၶႃႈ။ မိူဝ်ႈၵေႃႉလဵၵ့်တႄ့ ၵေႃႈ မၼ်းဢမ်ႇယႂ်ႇပဵင်းၼႆ မၼ်း ယႂ်ႇမႃးၸွမ်းၵူႈပီပီႁဵတ်းၼႆဢေႃႈ။
ထၢမ် – တီႈၶေႃးၼွင့်ၼၼ့် မၼ်းပဵၼ်ၵွၼ်ႈၼိူဝ့်ဝႆ့ ႁႃ့ၼွင့် ပဵၼ်ႁိုဝ်ဝႆ့ၶႃႈ။
တွပ်ႇ – ပဵၼ်ၼိူဝ့်ဢေႃႈ။ၵႅၼ်ႇၵႅၼ်ႇဝႆ့ဢေႃႈ။
ထၢမ် – မိူဝ်ႈၵေႃႉလဵၵ့်ၼၼ့် ၸွင်ႇပေႃႈမႄႈၼွင့် ယၢမ်ႈယူတ်းယႃ တႃးယႃပၼ်ၸိူဝ်းၼႆ့ႁႃ့ၼွင့်။
တွပ်ႇ – မိူဝ်ႈၵေႃႉလဵၵ့်တႄ့ တႃးယႃပၼ်ယူႇဢေႃႈ။ မၼ်းဢမ်ႇၶႅၼ်းမႃးသေပွၵ်ႈၶႃႈ။ မိူၼ်ၵဝ်ႇၶိုၼ်းၵွႆးဢေႃႈ။
ထၢမ် – ၼွင့်မီးပီႈၼွင့်လၢႆၵေႃႉၶႃႈ။မိူဝ်ႈလဵဝ်မီးတီႈလႂ် ။တိုၵ့်ႁဵၼ်းယူႇႁႃ့။
တွပ်ႇ – ႁဝ်းၶႃႈ မီးပီႈၼွင့် 3 ၵေႃႉ ၶႃႈပဵၼ်ၵေႃႉယႂ်ႇသုတ်းဢေႃႈ။ ၵေႃႉဢၼ်တၢမ်းၶႃႈတႄ့ ၶိုၼ်ႈတီႈၼႆႉၵူၺ်းၼင်ႇၵဝ်ႇၶႃႈ။ၵေႃႉလိုၼ်းသုတ်းတႄ့ ၵႂႃႇၶိုၼ်ႈတီႈ လၢႆးၶႃႈ။
ထၢမ် – မိူဝ်ႈလဵဝ်ၼွင့်သမ့် တေလႆႈၵႂႃႇၽႃႇတတ်းၼႆလႄႈ ၼႂ်းၸႂ်ပဵၼ်ႁိုဝ်ၽွင်ႈၶႃႈ။ၸွင်ႇၵူဝ်ၶႃႈႁႃ့။
တွပ်ႇ – ၵူဝ်ယူႇဢေႃႈ။ၶႃႈၵူဝ်ၶဵမ်ႁေပိူၼ်ႈယဝ့်ၶႃႈ။
ထၢမ် – ၵမ်းလိုၼ်းသုတ်းၼွင့်ၶႂ်ႈသင်ႇလၢတ်ႈ ၵူၼ်းၵမ့်ၸွႆႈၼွင့်ၸိူဝ်းၼၼ့် ၸိူင့်ႁိဝ်ၽွင်ႈၶႃႈ။
တွပ်ႇ – ယိၼ်းၸူမ်းယႂ်ႇၼမ်ထိုင် ၽူႈၵူၼ်းလီၶဝ်ၵူႈၵေႃႉတေ့တေ့ယဝ့်ၶႃႈ။ဢေႃႈ ဢၼ်ၸွႆႈထႅမ်ၶႃႈလႆႈမီးတိုဝ့်တၢင်းတႃႇတေ ယူတ်းယႃၸိူင့်ၼႆ မႂ်ႇသုင်ၶႃႈ။
မေႃသွၼ်မွၵ်ႇပဝ်းႁွမ် ထႅမ်လၢတ်ႈဝႃႈ- “ ႁဝ်းၶႃႈပဵၼ်ဢၼ်ယိၼ်းလီယိၼ်းၸူမ်း ၸိူဝ်းၸွႆႈထႅမ်ငိုၼ်းတွင်းမႃးတေ့တေ့ၶႃႈဢေႃႈ။ၵွပ်ႈဝႃႈ ပေႃႈမႄႈလုၵ်ႈဢွၼ်ႇၵေႃႈ ဢမ်ႇပဵၼ်လႆႈတႃႇႁဵတ်းၸိူင့်ၼႆၶႃႈ။ ၶႂ်ႇသင်ႇလၢတ်ႈပိႈၼွင့်ႁဝ်းၶဝ်ဝႃႈ ၸိူဝ်းဢၼ်ထၢင်ႇထိူမ်ငမ်းငဝ်းဝႃႈ လွင်ႈၸွႆႈထႅမ် ၸႂ်ႈတေ့ႁႃ့ ဢမ်ႇတေ့ႁႃ့ၼႆၼၼ့် ႁႂ်ႈႁူ့ပွင်ႇၵၼ်ၵူႈၵေႃႉၶႃႈ။ ယဝ့်ၵေႃႈ ပေႃးၵႂႃႇ ယူတ်းယႃၽႃႇတတ်းမႃးယဝ့်တေ့ တေမႃးသပ်းၸႅင်ႈၼႄ ႁူဝ်ယွႆႈ ၵႃႈၸႂ့်ၸၢႆႇငိုၼ်းတွင်းၸိူဝ်းၼၼ့်ၶႃႈဢေႃႈ ” -ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ