ပီႈၼွင့် တႆးၶိုၼ် တႆးယွင်း တႆးလိုဝ့် တႆးလူင် ႁူမ်ႈၵၼ်ၸတ်းႁဵတ်းပၢင်ၼႄ ၾိင်ႈငႄႈၾိင်ႈထုင်း တီႈဝဵင်းၵဵင်းမႆႇ ၸိုင်ႈထႆး။
ပၢင်ၼႄ ၾိင်ႈငႄႈၾိင်ႈထုင်းပီႈၼွင့် တႆးၶိုၼ် တႆးယွင်း တႆးလိုဝ့် တႆးလူင် ဢၼ်ႁူမ်ႈၵၼ်ၸတ်းႁဵတ်း ၼႆႉတႄႇမိူဝ်ႈဝၼ်းတီႈ 27 ထိုင် 29 လိူၼ်ၵျၼ်ႊၼိဝ်ႊရီ ပီႊ 2023 ၼႂ်းၶၢဝ်းယၢမ်း 12 မူင်းၵၢင်ဝၼ်းထိုင် 8 မူင်းၵၢင်ၶမ်ႈ တီႈ ဝတ့်သၼ်ၵၢင်ႈပႃ ဢၼ်မီးၼႂ်းမူႇ 6 ဢိူင်ႇသၢႆးမုၼ်း ဝဵင်းသၼ်ၵမ်ႊၽႅင်ႊ ၸႄႈတွၼ်ႈၵဵင်းမႆႇၸိုင်ႈထႆး ။
ပၢင်ပွႆးၼႆ့ ပဵၼ်ၸုမ်း โครงการสืบสานวัฒนธรรมท้องถิ่น ဢွၼ်ႁူဝ်ၸတ်းႁဵတ်းဝႆ့။ၼႂ်းပၢင်ပွႆးၼႆ့ 1. မီးလွင်ႈပႆလဵပ်ႈၼႄ ၾိင်ႈထုင်းတႆး 4 ၶိူဝ်း။ 2 . မီးႁၢၼ့်ၶၢႆတၢင်းၵိၼ်တႆး ၵူႈသႅၼ်းသႅၼ်း 3. မီးၶၢႆၽၵ်းယိူဝ်ႈၼၢင်းၶဵဝ် ဢၼ်ဢမ်ႇၸႂ်ႉသၢၼ်ၶေႊမီႊ(ၶႅမ်ႊမီႊၵႄႊလ်) သင် 4. မီးၶၢႆၶိူင်ၶူဝ်းၾိင်ႈထုင်းတႆးၵူႈၶိူဝ်းၶိူဝ်း 5. မီးၼႄႁၢင်ႈၾၢင်ႁိူၼ်းတႆး 4 ၶိူဝ်း ၸဵမ်ၸိူဝ်းၼႆ့။
ၼုမ်ႇယိင်းတႆး ဢၼ်တူင့်ၼိုင်ၼႂ်းပၢင်ပွႆးၵေႃ့ၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ- “ ပီၼႆ့ ပဵၼ်ပွၵ်ႈဢွၼ်တၢင်းသုတ်းဢေႃႈ ငၢၼ်းၸိူင့်ၼႆ့။မိူဝ်ႈပီၵၢႆတႄ့ ၽူႈယႂ်ႇၵူၼ်းလူင်ၶဝ် ဢုပ်ႇဢူဝ်းၵၼ် တႃႇၸတ်းႁဵတ်းဢၼ်ၼႆ့ယူႇဢေႃႈ။ၼၼ့်ၵေႃႈ ႁွင့်တႆးၸိူဝ်းယူႇ သၼ်ၵမ်ႊၽႅင်ႊၸိူဝ်းၼႆ့သေ လႆႈၼႄၾိင်ႈငႄႈၾိင်ႈထုင်းယူႇၽွင်ႈဢေႃႈ ” – ဝႃႈၼႆ။
တႃႇတေပဵၼ်မႃး ပၢင်ၼႄၾိင်ႈငႄႈ ၾိင်ႈထုင်းၼႆ့ ယူႇတီႈၾၢႆႇၵမ်ႉၸွႆႈထႅမ်သႃႇသၼႃႇလႄႈ ပၢႆးမွၼ်း ၾိင်ႈငႄႈၾိင်ႈထုင်း ฝ่ายส่งเสริมศาสนา ศิลปะและวัฒนธรรม သေ ႁွင့်ပီႈၼွင့်တႆး 4 ၶိူဝ်း ႁူပ့်ထူပ်းဢုပ်ႇဢူဝ်းၵၼ်ဝႆ့ တီႈႁိူၼ်းၵဝ်ႇၵႄႇတႆးၶိုၼ် ( เฮือนโบราณไตเขิน)ၼႂ်းဝၢၼ်ႈသၼ်ၵၢင်ႈပႃ မိူဝ်ႈဝၼ်းတီႈ 27 လိူၼ်မၢတ့် ပီ 2022။ ၼႂ်းပၢင်ႁူပ့်ထူပ်းၼၼ့်ၵေႃႈ ၸတ်းပႃး ၵၢၼ်ၼႄၾိင်ႈထုင်းလႄႈ ၶၢႆၶိူင်ႈၶိူဝ်းၾိင်ႈတႆးၸွမ်းယူႇၼႆ သိုဝ်ႇ chiangmainews ဢွၵ်ႇဝႆ့ၼင်ႇၼႆ။
ပၢင်ၼႄၾိင်ႈငႄႈၾိင်ႈထုင်း တႆး 4 ၶိူဝ်း တီႈဝဵင်းၵဵင်းမႆႇၼႆ့ တေႁဵတ်းႁႂ်ႈ ၵူၼ်းၸိူဝ်းတွင်ႈတဵဝ်းသူၼ်ၸႂ်မႃးၼမ်၊ ၶိူင်ႈၶူဝ်းဢၼ်ၵူၼ်းပိုၼ့်တီႈ ႁဵတ်းဢွၵ်ႇ တေလႆႈၶၢႆလီ လႄႈ ပဵၼ်ၵၢၼ်ယုၵ့်ယွင်ႈၾိင်ႈငႄႊၾိင်ႈထုင်း ၸၢဝ်းတႆး ၸိူဝ်းဢၼ်ယူႇသဝ်း တီႈဝၢၼ်ႈသၼ်ၵၢင်ႈပႃ မႃးၶၢဝ်းတၢင်း 200 ပီလိူဝ်လိူဝ်ၼႆ ၽူႈမီးပုၼ်ႈၽွၼ်းၼႂ်းပၢင်ပွႆးၵေႃ့ၼိုင်ႈလၢတ်ႈၼင်ႇၼႆ။
မိူဝ်ႈဝၼ်းတီႈ18/1/2023 ဝၼ်းတိတ့် ၼႂ်းၶၢဝ်းယၢမ်း10 မူင်းၵၢင်ၼႂ်ထိုင် 4 မူင်းၶိုင်ႈႁူဝ်ၶမ်ႈၼၼ့်ၵေႃႈ တီႈဝၢၼ်ႈသၼ်ၵၢင်ႈပႃ ဢၼ်မီးၼႂ်းမူႇ 6 ဢိူင်ႇသၢႆးမုၼ်း ဝဵင်းသၼ်ၵမ်ႊၽႅင်ႊ ၸႄႈတွၼ်ႈၵဵင်းမႆႇၼႆ့ ၸတ်းႁဵတ်းၵၢတ်ႇၸၢဝ်းတႆးၶိုၼ်သေ ဝၢင်းၶၢႆ ၶွင်ၵိၼ်ယႅမ့်တႆးၵူႈသႅၼ်းသႅၼ်း Page ၵၢတ်ႇၸၢဝ်းၶိုၼ် กาดจาวเขิน ဢွၵ်ႇဝႆ့ၼင်ႇၼႆ။ ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ