မီးၵူၼ်းႁဵတ်းၶၢဝ်ႇပွမ် ဢဝ်ၸိုဝ်ႈၸၼ့်ၸွမ်ပုတ့်ထမိူင်းတႆးဢွၵ်ႇသေ လႅၼ်ၵိၼ်ငိုၼ်းၼိူဝ်ဢွၼ်ႊလၢႆႊSocial Media ။
ၼႂ်းလိူၼ်တီႊသိမ်ႊပိူဝ်ႊ 2022 ၼႆ့ မီးၵူၼ်းႁဵတ်းၶၢဝ်ႇပွမ် ဢဝ်ၸိုဝ်ႈၸၼ့်ၸွမ်ပုတ့်ထမိူင်းတႆးဢွၵ်ႇသေ လႅၼ်ၵိၼ်ငိုၼ်းၼိူဝ် ဢွၼ်ႊလၢႆႊ Social Media ။
ၸဝ်ႈၶူးၸၼ်ႇတိမႃႇ ၾၢႆၸတ်းၵၢၼ်လႄႈဢုပ့်ပိူင်ႇၸၼ့်ၸွမ်ပုတ့်ထမိူင်းတႆး လၢတ်ႈတီႈ ၽူႈတွႆႇႁွၵ်ႈဝႃႈ-“ မီးၵူၼ်းသူင်ႇ လိၵ်ႈႁႃၵၼ်ၼႂ်း မသ်ႊသႅၼ်ႊၸိူဝ်ႊ( Messenger ) ဝႃႈ ၸၼ့်ၸွမ်ႁဝ်း တေပိုတ်ႇ ပၢင်သွၼ်ၶၢဝ်းမႆႈလႄႈ ယွၼ်းငိုၼ်းၵႃႈ ၼၼ့်ၵႃႈၼၢႆ့ၼႆဝႃႈ။ႁဝ်းဢမ်ႇၶႂ်ႈ တၵ့်ၸိုဝ်ႈတၵ့်သဵင်ၶဝ်ၼင်ႇၵဝ်ႇ။မၼ်းတေၵႂႃႇလႅၼ်ၵိၼ် ၸိူဝ်းဢၼ် ယုမ်ႇယမ်ၼပ့်ထိုဝ် ၼိူဝ် ၸၼ့်ၸွမ်ပုတ့်ထ မိူင်းတႆး ၼၼ့်ၼေႈ။လၢတ်ႈဝႃႈ ၸဝ်ႈၶူးလူင် Dr.ထမ်ႇမသႃႇမိ ဢွၼ်ႁူဝ်သေယဝ့်လႄႈ တေပိုတ်ႇ ပၢင် သွၼ်လိၵ်ႈ ဢဵင်ႊၵလိတ်ႊၶၢဝ်းမႆႈ တေႁပ့်ၵူၼ်း မွၵ်ႈ 500 ၵူၺ်း ၼိုင်ႈၵေႃ့လႂ် သႅၼ်ႁႃႈ(150000)ပျႃး လွင်ႈၼႆ့ ယႃႇပေ ဢွၵ်ႇၶၢဝ်ႇတၢင်းလႂ်ၼႆၶႃႈဝႃႇ။ ၶဝ်ၵပ်းသိုပ်ႇၵၼ် ၵေႃ့တေႃႇၵေႃ့ ၼႂ်းမသ်ႊသႅၼ်ၸိူဝ်းၼၼ့် ၵူၺ်းၼေႈ။ပီႈၼွင့်ၸိူဝ်းဢၼ် ထုၵ်ႇလႅၼ် ၼၼ့်သမ့် ထူဝ်းမႃးထၢမ်တၢင်းၸၼ်ႉၸွမ်ပုတ့်ထႁဝ်းၼႆ့ဝႃႈ ၸွင်ႇၸႂ်ႈႁႃ့ သင်ႁႃ့ ၸိူဝ်းၼႆ့ဢေႃႈ။ႁဝ်းၵေႃႈတွပ်ႇဝႃႈ တေႃႇၼင်ႇႁဝ်းပဵၼ် ၽူႈဢုပ့်ပိူင်ႇတီႈၼႆႈ ႁဝ်းယင်းဢမ်ႇႁူႉ ၵူႈပွၵ်ႈတႄ့ ႁဝ်းတေႁဵတ်းသင် ပွင်သင်ၵေႃႈ ႁဝ်းႁူႉဢွၼ်တၢင်း ဢေႃႈ။မီးလွင်ႈသင်ၵေႃႈ ႁဝ်းတိုၼ်းတေတၢင်ႇတီႈၽဵတ့် (Page)ႁဝ်းယူႇယဝ့် ”- ဝႃႈၼႆ။
ၵဵဝ်ႇၵပ်းလွင်ႈလိၵ်ႈယွၵ်ႇၵိၼ်ငိုၼ်းၼိူဝ် Social Media ၼႆ့သေ ၾၢႆႇၸၼ့်ၸွမ်ပုတ့်ထမိူင်းတႆး ဢွၵ်ႇလိၵ်ႇ ပိုၼ်ၽၢဝ်ႇ သပ်းၸႅင်ႈ ဝႆ့ မိူဝ်ႈဝၼ်းတီႈ 21/12/2022 ၼၼ့်ဝႃႈ လွင်ႈ ပိုတ်ႇပၢင်သွၼ်လိၵ်ႈဢိင်းၵလဵတ်ႈ ၶၢဝ်းမႆႈ(“နွေရာသီ အင်္ဂလိပ် စာ သင်တန်း ဖွင့်လှစ် သင်ကြား ပေးမည်၊ တစ်ယောက်ကို သင်တန်းကြေး ဘယ်လောက် ပေးရမည်”) တေလႆႈ သႂ်ႇငိုၼ်းၵႃႈႁိုဝ် ၵႃႈႁိုဝ် ဢၼ်ဝႃႈၼၼ့် ဢမ်ႇၸႂ်ႈလွင်ႈတေ့ ၼႆယဝ့်။
ၼႂ်းလိၵ်ႈပိုၼ်ၽၢဝ်ႇသပ်းၸႅင်ႈၼၼ့် ပႃးဝႆ့ဝႃႈ ၸၼ့်ၸွမ်ပုတ့်ထမိူင်းတႆးၼႆ့ ပေႃးသွၼ်လိၵ်ႈၵေႃႈ သွၼ်ပၼ် တီႈၼႂ်း ၸၼ့်ၸွမ် ၸွမ်းၼင်ႇ ၽႃႇသႃႇလႂ်ၽႃႇသႃႇၼၼ့်သေ ပူင်သွၼ်ၵႂႃႇ ၸၼ့်လႂ်ၸၼ့်ၼၼ့်ၵူၺ်း။လွင်ႈပၢင်သွၼ်ၶၢဝ်းမႆႈၼၼ့် ဢမ်ႇၸႂ်ႈလွင်ႈတေ့။ လွင်ႈဢၼ် ယွၵ်ႇလႅၼ်ယွၼ်းငိုၼ်းၸိူဝ်းၼၼ့် ဢမ်ႇၵပ်းၵၢႆႇသင် တင်းၸၼ့်ၸွမ်ပုတ့်ထ မိူင်းတႆး။ ပဵၼ်ၵူၼ်းဢၼ်ၶႂ်ႈယႃ့ၸိုဝ်ႈသဵင်ႈၸၼ့်ၸွမ်ၵူၺ်း ဢၼ်ဢွၵ်ႇလိၵ်ႈႁွင့်လုၵ်ႈႁဵၼ်းၸိူင့်ၼၼ် ဝႃႈၼႆ။
ၸဝ်ႈၶူးၸၼ်ႇတိမႃႇ ၾၢႆၸတ်းၵၢၼ်လႄႈဢုပ်ႇပိူင်ႇၸၼ့်ၸွမ်ပုတ့်ထမိူင်းတႆး သင်ႇလၢတ်ႈ ၵူၼ်းၸိူဝ်းၸႂ်ႉ Social Media ဝႃႈ -“ယႃႇယုမ်ႇသင်ငၢႆႈငၢႆႈ ဝႆ့ၾၢင့်ၼၵ်းၼႃ။ ၸႂ်ႉ ၾဵတ့်သ်ပုၵ်ၶ့် ဢမ်ႇဝႃႈ Social Media သႅၼ်းလႂ် မၼ်းၸၢင်ႈမီးလွင်ႈ ယွၵ်ႇလႅၼ်ၵၼ်လႄႈ ယႃႇႁႂ်ႈပဵၼ် တူဝ်ယိူဝ်ႇပိူၼ်ႈလွၵ်ႇလႆႈငၢႆႈ”- ဝႃႈၼႆ။
ၸၼ့်ၸွမ်ပုတ့်ထမိူင်းတႆး ၼႆ့ မီးဝႆ့တီႈ ဝဵင်းတူၼ်ႈတီး ၸိုင်ႈတႆးပွတ်းၸၢၼ်း ။ပေႃးလိူၼ် ၾႅပ်ႉပိဝ်ႊရီႊ ဝၼ်းတီႈ 7 ပီ 2023 ၼႆ့ ၸၼ့်ၸွမ်ပိုတ်ႇမႃးလႆႈၶၢဝ်းတၢင်းတဵမ် 7 ပီ။ တီႈၸၼ့်ၸွမ်ၼႆ့ ႁဵၼ်းလႆႈၸုမ်ႈၶူး Ph.D ၊ M.Phil ၊ M.A ၊ B.A ၸဵမ်ၸိူဝ်း ၼႆ့။ၸဵမ်ၵူၼ်းႁိူၼ်း မုၼ်ႈၸဝ်ႈ ၶဝ်ႈႁဵၼ်းလႆႈ ၸွမ်းၼင်ႇ ဝႃႇသၼႃႇ၊ၼမ့်ၵတ့်ၽႂ်မၼ်းမီး လိူဝ်ၼၼ့် ၵူၼ်းဢႃယုသုင် မိူၼ်ၼင်ႇ ၸရေးႁေႃးလိၵ်ႈလူင် လႄႈ ၽူႈသူင်လဵပ်ႈႁဵၼ်း လိၵ်ႈလူင်ၸိူဝ်းၼၼ့်ၵေႃႈ မီးတိုဝ့်တၢင်းၶိုၼ်ႈႁဵၼ်းဢဝ်ၸုမ်ႈၶူး B.A လႆႈ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ