ၸွမ်သိုၵ်းလူင် ယွတ်ႈသိုၵ်း ပဵၼ်ၸဝ်ႈတႃႇၼလူင် ပွႆးလူႇသၢင်ႇၵၢၼ်း သွင်ၽႅၼ်ႇလိၼ် ပွၵ်ႈၵမ်းႁႅၵ်ႈ

ပွႆးလူႇတၢၼ်း သၢင်ႇၵၢၼ်းၵထိၼ် သွင်ၽႅၼ်ႇလိၼ် ပွၵ်ႈၵမ်းႁႅၵ်ႈ တီႈဝဵင်းၵဵင်းမႆႇၸိုင်ႈထႆး  ၸွမ်သိုၵ်းလူင် ယွတ်ႈသိုၵ်း ၽူႈၼမ်း RCSS ၶဝ်ႈႁူမ်ႈပဵၼ် ၸဝ်ႈ တႃႇၼလူင်။

မိူဝ်ႈဝႃး ဝၼ်းတီႈ 16/10/2022 ယၢမ်းၵၢင်ၼႂ် 9 မူင်းတေႃႇထိုင်ဝၢႆးဝၼ်း ပွႆးလူႇတၢၼ်း သၢင်ႇၵၢၼ်းၵထိၼ် သွင်ၽႅၼ်ႇ လိၼ် ပွၵ်ႈၵမ်းႁႅၵ်ႈ ဢၼ်ၸတ်းႁဵတ်းတီႈ ဝတ်ႉၵူႇမၢၼ်ႉ မူင်းၶူၼ်းၶျႆး ဢိူင်ႇသၼ်ပူးလိူၺ်း ၸႄႈဝဵင်းလွႆသၵဵတ်း ၸႄႈတွၼ်ႈ ၵဵင်းမႆႇ ၸိုင်ႈထႆး ၸွမ်သိုၵ်းလူင် ယွတ်ႈသိုၵ်း ႁူဝ်ပဝ်ႈ ၶွင်ႇသီႇဢဝ် ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး RCSS/SSA ၶဝ်ႈ ႁူမ်ႈပဵၼ် ၸဝ်ႈတႃႇၼလူင်  ။

ၽူႈၶဝ်ႈႁူမ်ႈပွႆးၵထိၼ် ဝဵင်းၵဵင်းမႆႇ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ – “ပွႆးၵထိၼ် သွင်ၽႅၼ်ႇလိၼ် ပဵၼ်ပွၵ်ႈၵမ်း ႁႅၵ်ႈၼႆႉ ယူႇတီႈ ၸဝ်ႈယွတ်ႈသိုၵ်း မႃးၶဝ်ႈႁူမ်ႈ ပဵၼ်ပထၢၼ်း(ၸဝ်ႈတႃႇၼလူင်) ဢေႃႈ ၼင်ႇႁိုဝ် တေပဵၼ်ၵၢၼ်ၸွႆႈပူၵ်းပွင် တၢင်းဝတ်ႉၼႆသေ ၸင်ႇမႃးၸွႆႈပဵၼ်ပထၢၼ်းၵႂႃႇ”- ဝႃႈၼႆ။

ပွႆးလူႇတၢၼ်း သၢင်ႇၵၢၼ်းၵထိၼ် သွင်ၽႅၼ်ႇလိၼ် တီႈဝတ်ႉၵူႇမၢၼ်ႉၼႆႉ မီးပီႈၼွင်ႉတီႈၸမ်ၵႆ ၸၢဝ်းထႆး – ၸၢဝ်းတႆးလႄႈ ၽူႈ ယႂ်ႇၵူၼ်းလူင် တၢင်းမိူင်းထႆး ႁူမ်ႈလူၺ်ႈ ၸုမ်းတူင်ႇဝူင်းတႆး လၢႆမူႇၸုမ်း ၶဝ်ႈႁူမ်ႈ လူႇတၢၼ်းၼႄတၢင်းၵႃႈၾိင်ႈႁိတ်ႈႁွႆး ၵႂႃႇ ၼႆယဝ်ႉ။