ႁွင်ႈၵၢၼ်ၾၢႆႇပိုၼ်ၽၢဝ်ႇ လုမ်းၸွမ်ၸိုင်ႈမိူင်းမၢၼ်ႈ Myanmar President Office ဢွၵ်ႇလိၵ်ႈပိုၼ်ၽၢဝ်ႇဝႃႈ ၸွမ်ၸိုင်ႈဢူးထိၼ်ႇၵျေႃႇ ယွၼ်းၵိုတ်းလိုဝ်ႈၵၢၼ် ဝႃႈၼႆ။
ၸွမ်ၸိုင်ႈဢူးထိၼ်ႇၵျေႃႇ ဢၼ်ႁၢပ်ႇၵၢၼ်ၼႃႈတီႈၸွမ်ၸိုင်ႈ လူင်ပွင်ၸိုင်ႈ ၼူၵ်ႉယုင်း NLD မႃးၶၢဝ်းတၢင်း 2 ပီၼႆႉ တင်ႈတႄႇဝၼ်းတီႈ 21 လိူၼ်မၢတ်ႊၶျ် 2018 ၼႆႉ တေယွၼ်းလိုဝ်ႈၵၢၼ် ပူတ်းဝၢင်းတၼ်းႁဵင်းၵႂႃႇ ဝႃႈၼႆ။
ၼႂ်းလိၵ်ႈပိုၼ်ၽၢဝ်ႇလူင်ပွင်ၸိုင်ႈၼၼ်ႉ ပႃးဝႆႉဝႃႈ – ၸွမ်းၼင်ႇ ပိူင်ငဝ်ႈပိုင်းမိူင်းမီးဝႆႉ မၢတ်ႈတႃ 73 မၢတ်ႈတႃၽႄ (ၶ) သေ တီႈယူႇၸွမ်ၸိုင်ႈ ဢၼ်ပဝ်ႇႁၢမ်းၵႂႃႇၼၼ်ႉ တေၶိုၼ်းလိူၵ်ႈထႅမ်ၶိုၼ်း ၼႂ်းၶၢဝ်းတၢင်း 7 ဝၼ်း ဝႃႈၼႆ။
ၸွမ်ၸိုင်ႈဢူးထိၼ်ႇၵျေႃႇၼႆႉ ဢႃယုလႆႈ 71 ပီ။ ပဵၼ်ၵူၼ်းၼႂ်းပႃႊတီႊၼူၵ်ႉယုင်း NLD ။ ယူႇတီႈၽူႈၵိူဝ်းၵုမ်ၸိုင်ႈ မိူင်း တေႃႇဢွင်ႇသၢၼ်းၸုၵျီႇသေ ၶတ်းလိူၵ်းမႃးပဵၼ်ၸွမ်ၸိုင်ႈ။ လႆႈႁပ်ႉတၼ်းႁဵင်းၸွမ်ၸိုင်ႈ မိူဝ်ႈပီ 2016 လိူၼ် မၢတ်ႊၶျ် ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ