Monday, May 20, 2024

မၢၵ်ႇတႅၵ်ႇႁိမ်း ႁူင်းပလိၵ်ႈ ၸႄႈဝဵင်းသႅၼ်ဝီ ဢမ်ႇမီးလွင်ႈမၢတ်ႇၸဵပ်းလူႉတၢႆ

Must read

မၢၵ်ႇတႅၵ်ႇႁိမ်း ႁူင်းပလိၵ်ႈ ၸႄႈဝဵင်းသႅၼ်ဝီလုၵ်ႈၼိုင်ႈလႄႈ ဝၢႆးလင်ပလိၵ်ႈၵႂႃႇၵူတ်ႇထတ်းယဝ်ႉ ထူပ်းႁၼ် ထႅင်ႈမၢၵ်ႇဢၼ်ပႆႇတႅၵ်ႇထႅင်ႈ လုၵ်ႈၼိုင်ႈ ဝႃႈၼႆ။

ꧠႅပ်းႁၢင်ႈ – မၢၵ်ႇတႅၵ်ႇ ၼ်ႂးၸႄႈဝဵင်းသႅၼ်ဝီ

ဝၼ်းတီႈ 06/03/2018 ယၢမ်းၵၢင်ၼႂ် မွၵ်ႈ 7 မူင်း မၢၵ်ႇတႅၵ်ႇတီႈၼႂ်းပႃႇၸႃႉ/ ပႃႇႁဵဝ်ႈၵဝ်ႇ ပွၵ်ႉ 2 ၾၢႆႇလင်ႁူင်း ပလိၵ်ႈ ၸႄႈဝဵင်းသႅၼ်ဝီ ၸႄႈတွၼ်ႈလႃႈသဵဝ်ႈ ၸိုင်ႈတႆးပွတ်းႁွင်ႇ။ ဢမ်ႇမီးၵူၼ်းမၢတ်ႇၸဵပ်းလူႉတၢႆ။

- Subscription -

ၼၢင်းၶိၼ်ႇထႃးယီႇ ၽူႈတႅၼ်းသၽႃးၸႄႈမိူင်းၶဵတ်ႇလိူၵ်ႈတင်ႈ မၢႆ(1) ၸႄႈဝဵင်းသႅၼ်ဝီ လၢတ်ႈတီႈၸုမ်းၶၢဝ်ႇ ၽူႈတွႆႇႁွၵ်ႈဝႃႈ “ ၸႂ်ႈၶႃႈဢေႃႈ မၢၵ်ႇတႅၵ်ႇလုၵ်ႈၼိုင်ႈ ပဵၼ်မၢၵ်ႇဢၼ်သႅၼ်းႁဵတ်းဢဝ်ႁင်းၵူၺ်း။ ဝၢႆးမၢၵ်ႇတႅၵ်ႇယဝ်ႉ ယူႇတီႈသိုၵ်းမၢၼ်ႈ ပလိၵ်ႈၶဝ် ၵႂႃႇၵူတ်ႇထတ်းတူၺ်း လႆႈႁၼ်ထႅင်ႈလုၵ်ႈၼိုင်ႈ ဢၼ်ပႆႇတႅၵ်ႇ” ဝႃႈၼႆ။

ယွၼ်ႉမၢၵ်ႇတႅၵ်ႇၼႆႉသေ ၵူၼ်းမၢတ်ႇၸဵပ်းလူႉတၢႆ ဢမ်ႇမီး။ ၵူၼ်းမိူင်း ၼႂ်းပိုၼ်ႉတီႈတႄႉ ၵႂႃႇမႃး ၶိုၼ်းမိူၼ်ၵဝ်ႇၵူၺ်း ဢမ်ႇမီးလွင်ႈသုၵ်ႉယုင်ႈ ဢိုတ်းသဵၼ်ႈတၢင်းသင် ၵူၺ်းၵႃႈ ပဵၼ်ၼမ်ႉမိုဝ်းၽႂ်ၵေႃႈ ယင်းပႆႇႁူႉ၊ ၸဝ်ႈၼႃႈတီႈပၢႆႇ တီႉ ၺွပ်းတူဝ်ၵူၼ်းႁၢႆႉလႆႈ ဝႃႈၼႆ။

မိူဝ်ႈလိူၼ်ၾႅပ်ႊၿိဝ်ႊရီႊပူၼ်ႉမႃး ဝၼ်းတီႈ 22 ယၢမ်းဝၢႆးဝၼ်းၼၼ်ႉၵေႃႈ မၢၵ်ႇတႅၵ်ႇၼႂ်းၵႄႈ ယေးငိုၼ်းယူဝ်းမပၢၼ်ႇ တင်း ဢေႊရႃႇဝတီႇပၢၼ်ႇ လုၵ်ႈၼိုင်ႈ ၼႂ်းၸႄႈဝဵင်းလႃႈသဵဝ်ႈ မီးၽူႈႁၢပ်ႇၵၢၼ် ၼႂ်းယေးငိုၼ်း လူႉတၢႆ 2 ၵေႃႉ၊ မၢတ်ႇၸဵပ်း 15 ၵေႃႉ ၼၼ်ႉၵေႃႈ ၸဝ်ႈၼႃႈတီႈယင်းပႆႇပိုၼ်ၽၢဝ်ႇဝႃႈ တီႉၺွပ်းလႆႈၵူၼ်းႁၢႆႉ။

ဓာတ်ပုံ – ရဲတပ်ဖွဲ့

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း