ဝၼ်းတီႈ 5/5/2021 ၼႂ်ၼႆႉၸဵမ်ၸဝ်ႉမီးၵူၼ်းယိပ်းလႅဝ်းၾုင်ၼိုင်ႈလမ်းၽၼ်းသိုၵ်းမၢၼ်ႈမဢလ ဢၼ်ပႂ်ႉတီႈတေႃႈၼမ်ႉမၼ်းလိပ်း တေႃႈၵႅတ်ႉသ်ဢၼ်သူင်ႇမိူင်းၶႄႇ တီႈႁိမ်းၸၼ်ႉၸွမ်ၵျွၵ်ႉသႄႇ ဝဵင်းၵျွၵ်ႉသႄႇ တိူင်းတႃႈလိူဝ်ႇ၊ သိုၵ်းမၢၼ်ႈ တၢႆထင်တီႈ 3 ၵေႃႉ လႅၼ်ႈပၢႆႈပေႃးၽူင်ႉၽူင်ႉၽိူၺ်ၽိူၺ်။
သိုၵ်းမၢၼ်ႈၸိူဝ်းလႅၼ်ႈပၢႆႈၼၼ်ႉတင်းပၢႆႈတင်းယိုဝ်းၵွင်ႈႁၢတ်ႇလူင်ၵႂႃႇသီႇႁူးႁႃႈတၢင်း။
ဝၢႆးလင်ပိူင်ပဵၼ်ဢၼ်ၼႆႉယဝ်ႉ သိုၵ်းမၢၼ်ႈၶဝ်ႈၵႂႃႇၼႂ်းဝၢၼ်ႈတေႃးမ ဢၼ်မီးႁိမ်းပၢင်သဝ်းႁူမ်ႇလူမ်ႈၶဝ်ၼၼ်ႉသေ ၵႂႃႇပေႃႉထုပ်ႉ ၻလၢၼ်ႇ (ၵူၼ်းသူင်ႇၶၢဝ်ႇသိုၵ်းမၢၼ်ႈ) သေပွင်ႉလႃႇဝႃႈ – ”ၶႃႈၼႆႉၵူၺ်းၵေႃႈဢမ်ႇႁူႉႁႃႉဝႃႈပဵၼ်ၸုမ်းလႂ်ၼမ်ႉမိုဝ်းၽႂ်” ၼႆသေ ထႅမ်ႁႅင်းသိုၵ်း ၶဝ်ႈတဝ်ၼႂ်းဝၢၼ်ႈတေႃးမ ၊ ပိုတ်းယိုဝ်းၵွင်ႈၼႂ်းဝၢၼ်ႈထိုင်ၵၢင်ဝၼ်း 11 မူင်းၼႆႉ – ဝႃႈၼႆ။
မေႃသွၼ်ၶူးသွၼ် ၼႂ်းဝၢၼ်ႈတေႃးမ ၸိူဝ်းဢမ်ႇႁဵတ်း CDM ၊ ၸိူဝ်းဢၼ်ၵႂႃႇႁူမ်ႈၵၼ်ယူႇသဝ်းဝႆႉၼႂ်းၸၼ်ႉၸွမ်ၵျွၵ်ႉသႄႇၼၼ်ႉတႄႉ ဝၢႆးလင်ငိၼ်းၶၢဝ်ႇၼႆႉယဝ်ႉ ဢွၼ်ၵၼ်တူၵ်းၸႂ်ဢမ်ႇႁတ်းဢွၵ်ႇဝၢင်းၵျွင်းၸၼ်ႉၸွမ်။ ယွၼ်ႉဝႃႈမိူဝ်ႈဝူင်ႈပူၼ်ႉမႃးၼႆႉမီးလိၵ်ႈၽိုၼ်ၼိုင်ႈ သူင်ႇထိုင်ၶူးသွၼ်ၶဝ်ဝႃႈ- ”မေႃသွၼ်ၶူးသွၼ်ၸိူဝ်းဢမ်ႇႁဵတ်း CDM ၊ မိူၼ်တၢင်းဝႃႈ သိုပ်ႇသၢႆၸႂ်ၵူင်းၸၢၵ်ႈသိုၵ်းမၢၼ်ႈမိူၵ်ႈမႂ်ႈတေႃႇၵူၼ်းမိူင်း၊ သိုပ်ႇသၢႆၸႂ်ပၼ်ႁႂ်ႈၶႄႇမႃးလုတ်ႇဢဝ်ၶူဝ်းၶွင်မိူင်းႁဝ်းသေႁဵတ်းႁႂ်ႈၵူၼ်းမိူင်းႁဝ်းလႆႈၵွတ်းၽၢၼ်ၶၢၼ်ၸႂ်ၵႂႃႇတိၵ်းတိၵ်းၵူၺ်းလႄႈ ယူႇတီႈတပ်ႉၸုမ်းၵႅတ်ႇၶႄႁႄႉၵင်ႈၵူၼ်းမိူင်း ၸႄႈတွၼ်ႈၵျွၵ်ႉသႄႇ KDDF ဢမ်ႇႁပ်ႉပၢၵ်ႇ(ဢႃႇမၶၢမ်ႇ)လႆႈလွင်ႈႁူမ်ႇလူမ်ႈသၢႆၸႂ် ” ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ