Tuesday, March 19, 2024

ၽႅၼ်ႇလိၼ်ဝႆ ၼႂ်းၸိုင်ႈတႆးပွတ်းဢွၵ်ႇ တၢင်းႁႅင်း 4.7 ရိၵ်ႊတိူဝ်ႊ

Must read

ၽႅၼ်ႇလိၼ်ဝႆ ၼႂ်းၸိုင်ႈတႆးပွတ်းဢွၵ်ႇ တင်းႁႅင်း 4.7 ရိၵ်ႊတိူဝ်ႊ ၵူၺ်းၵႃႈ ဢမ်ႇမီးလွင်ႈမၢတ်ႇၸဵပ်း လူႉသုမ်းသင် ဝႃႈၼႆ။

ဝၼ်းတီႈ 09/11/2017 ယၢမ်းၵၢင်ၼႂ် ႁိမ်း 6 မူင်းၼၼ်ႉ ၽႅၼ်ႇလိၼ်ဝႆ တၢင်းၾၢႆႇတူၵ်း ဝဵင်းတႃႈၶီႈလဵၵ်း ယၢၼ် ၵႆဝဵင်း 59 လၵ်း ၼႂ်းၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇ။

- Subscription -

ႁွင်ႈၵၢၼ်ၾၢႆႇၾိင်ႈၾႃႉ မိူင်းမၢၼ်ႈ ပိုၼ်ၽၢဝ်ႇဢွၵ်ႇဝႆႉဝႃႈ “ ၼႂ်းဝၼ်းလဵဝ်ၵၼ်ၵူၺ်း တၢင်းတိူင်းၸႄႈၵႅင်း ၾၢႆႇ တူၵ်းဝဵင်းမူင်ႇယႂႃႇ ယၢၼ်ၵႆဝဵင်းမူင်ႇယႂႃႇ မွၵ်ႈ 23 လၵ်း ၽႅၼ်ႇလိၼ်ဝႆ ႁႅင်း 4 ရိၵ်ႊတိူဝ်ႊ။ လွင်ႈလူႉၵွႆဢမ်ႇမီး” ဝႃႈၼႆ။

ႁွင်ႈၵၢၼ် ၾၢႆႇတူင်ႇဝူင်းၵူၼ်း လၢတ်ႈဝႃႈ “ လွင်ႈၽႅၼ်ႇလိၼ်ဝႆႉတင်းသွင်တီႈၼႆႉ ဢမ်ႇမီးလွင်ႈလူႉသုမ်းသင်။ လွင်ႈၵူၼ်းမၢတ်ႇၸဵပ်းလူႉတၢႆၵေႃႈဢမ်ႇမီး” ဝႃႈၼႆ။

တႄႇဢဝ် လိူၼ်သႅပ်ႊထႅမ်ႊၿိူဝ်ႊ ထိုင် လိူၼ်ၼူဝ်ႊဝိမ်ႊၿိူဝ်ႊ 2017 ၼႆႉမႃး ၽႅၼ်ႇလိၼ်ဝႆ ၼႂ်းမိူင်းႁူမ်ႈတုမ် ဢမ်ႇယွမ်း 50 ပွၵ်ႈယဝ်ႉ ဝႃႈၼႆ။

ၶေႃႈမုလ်း 7daydaily

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း