Friday, March 29, 2024

RCSS လႄႈသိုၵ်းလူင်ပွင်ၸိုင်ႈမၢၼ်ႈယိုဝ်းၵၼ်ၼႂ်းၸႄႈဝဵင်းမိူင်းပၼ်ႇ

Must read

သိုၵ်းလူင်ပွင်ၸိုင်ႈမၢၼ်ႈ ဢဵၼ်ႁႅင်း မွၵ်ႈ 60 ၵေႃႉ ႁႅၼ်းသိုၵ်းလေႃႇတိုၵ်း RCSS  ပွတ်းမိူင်းပၼ်ႇ ၼႂ်းဝၼ်းလဵဝ် 2 ပွၵ်ႈ ၾၢႆႇသိုၵ်းမၢၼ်ႈ  တၢႆ 3 ၵေႃႉ မၢတ်ႇၸဵပ်းႁၢဝ်ႈႁႅင်း 4  ၽူႈၶၢၼ်ပၢၵ်ႇ RCSS လၢတ်ႈ။

Image: တႆးလွတ်ႈလႅဝ်း/ သိုၵ်း RCSS

ဝၼ်းတီႈ 25/1/2021 ယၢမ်းၵၢင်ၼႂ် မွၵ်ႈ 8:20 မူင်းၼၼ်ႉ သိုၵ်းလူင်ပွင်ၸိုင်ႈမၢၼ်ႈ တပ်ႉၶမယ 575 ဢဵၼ်ႁႅင်းမွၵ်ႈ 60 ၵေႃႉ ႁႅၼ်းသိုၵ်းလေႃႇတိုၵ်း ၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး RCSS/SSA တီႈႁိမ်းဝၢၼ်ႈမိူင်းႁွင်း ဢိူင်ႇ ၼမ်ႉတိုင်း ၸႄႈဝဵင်းမိူင်းပၼ်ႇ ၸႄႈတွၼ်ႈလၢင်းၶိူဝ်း ၸိုင်ႈတႆးပွတ်းၸၢၼ်း သွင်ၾၢႆႇပဵၼ်ပၢင်တိုၵ်းၵၼ် ႁိုင် 10 မိၼိတ်ႉ ၾၢႆႇသိုၵ်းမၢၼ်ႇလူႉတၢႆ 3 ၵေႃႉ မၢတ်ႇၸဵပ်း ႁၢဝ်ႈႁႅင်း 4 ၵေႃႉ ၼႆယဝ်ႉ။

- Subscription -

ၸဝ်ႈႁၢၼ် ၶမ်းၸၢမ်ႇ ၽူႈၶၢၼ်ပၢၵ်ႇ RCSS လၢတ်ႈဝႃႈ – “ၸွမ်းၼင်ႇၼႂ်းပိုၼ်ႉတီႈ ႁၢႆးငၢၼ်းမႃးတႄႉ သိုၵ်းမၢၼ်ႈ လူႉတၢႆ 3 ၵေႃႉ၊ မၢတ်ႇၸဵပ်းႁၢဝ်ႈႁႅင်း 4 ၵေႃႉ”- ဝႃႈၼႆ။

ဝၢႆးသေ သိုၵ်းလူင်ပွင်ၸိုင်ႈမၢၼ်ႈ တူၵ်းသုမ်းၵူၼ်းသိုၵ်း ၼႂ်းပၢင်တိုၵ်းၼၼ်ႉယဝ်ႉသေ သိုၵ်းမၢၼ်ႈ ဢမ်ႇႁၢၼ်ႉၸႂ် ထိုင် ယၢမ်းဝၢႆးဝၼ်း 3:19 မူင်းၼၼ်ႉ သိုၵ်းမၢၼ်ႈ ဢဝ်မၢၵ်ႇလူင် 60 MM   ယိုဝ်းသႂ်ႇ RCSS ထႅင်ႈ တီႈႁိမ်းဝၢၼ်ႈမိူင်း ႁွင်း ၾၢႆႇ RCSS တႄႉ ဢမ်ႇတုမ်ႉတွပ်ႇၶိုၼ်းသင် ႁွင်ႈၵၢၼ်ၾၢႆႇပိုၼ်ၽၢဝ်ႇ RCSS တႆးလွတ်ႈလႅဝ်းဢွၵ်ႇဝႆႉ ၼင်ႇၼႆ။

ယၢမ်းလဵဝ် သိုၵ်းလူင်ပွင်ၸိုင်ႈမၢၼ်ႈ ဢဝ်ဢဵၼ်ႁႅင်းတင်းၼမ် သွၵ်ႈတဝ်ၸွမ်း ၼႂ်းထိူၼ်ႇ ၶႅပ်ႇဝဵင်းမိူင်းပၼ်ႇ ဝႃႈၼႆ။

ၵူၼ်းပိုၼ်ႉတီႈမိူင်းပၼ်ႇ လၢတ်ႈဝႃႈ -“မိူဝ်ႈၼႆႉ သွင်ၾၢႆႇတိုၵ်ႉၶဵင်ႈၶႅင်ၵၼ်ယူႇ သိုၵ်းမၢၼ်ႈ တပ်ႉပိဝ်ႇႁႃႇလၢင်းၶိူဝ်းမႃးထႅမ် ႁႅင်းသိုၵ်း မီးဝႆႉၼႂ်းတပ်ႉ ၼွင်ပႃမူၼ်ႇၼၼ်ႉ ဢဵၼ်ႁႅင်းဢမ်ႇယွမ်း 200 ၵေႃႉၼႆႉ။   တီႈတပ်ႉဝၢၼ်ႈထမ်ႈၵေႃႈ  ၵႂႃႇတူင်ႉၼိုင်တၢင်းၾၢႆႇၼိူဝ်ဝဵင်း ၼႂ်းပိုၼ်ႉတီႈ RCSS ၵုမ်းၵမ်”- ဝႃႈၼႆ။

ၵဵဝ်ႇၵပ်းလွင်ႈၼႆႉ ၾၢႆႇတပ်ႉသိုၵ်းလူင်ပွင်ၸိုင်ႈတႄႉ ဢမ်ႇမီးလွင်ႈႁၢႆးငၢၼ်းသင်ပဵၼ်တၢင်းၵၢၼ်။

RCSS တင်း သိုၵ်းလူင်ပွင်ၸိုင်ႈမၢၼ်ႈၼႆႉ ပဵၼ်ၸုမ်းပိုၼ်ၽၢဝ်ႇ ၵိုတ်းတိုၵ်းၼင်ႇၵၼ် တင်းသွင်ၾၢႆႇ။ သိုၵ်းလူင်ပွင်ၸိုင်ႈ မၢၼ်ႈၼႆႉ ပိုၼ်ၽၢဝ်ႇၵိုတ်းတိုၵ်းၾၢႆႇလဵဝ် တႄႇဢဝ်ဝၼ်းတီႈ 1-31/1/2021 ။ RCSS သမ်ႉပဵၼ်ၸုမ်းၵိုတ်းတိုၵ်းပတ်းပိုၼ်ႉ တူဝ်ႈမိူင်း NCA ဝႆႉ ၸုမ်းၼိုင်ႈ  ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း