ၸႄႈဝဵင်းၵၢတ်ႇလေႃႉ ၸိုင်ႈတႆးပွတ်းၸၢၼ်း ပႃႇတီႇၼူၵ်ႉယုင်း NLD ပေႉပုၼ်ႈၵိၼ်ၶၢတ်ႇ တင်းဝဵင်း ဝႃႈၼႆ။
မိူဝ်ႈဝႃး ဝၼ်းတီႈ 8/11/2020 ယၢမ်းၵၢင်ၼႂ် 6 မူင်း ထိုင် 4 မူင်းဝၢႆးႁူဝ်ၶမ်ႈ ၸႄႈဝဵင်းၵၢတ်ႇလေႃႉ ၸႄႈတွၼ်ႈတူၼ်ႈတီး ၸိုင်ႈတႆးပွတ်းၸၢၼ်း ပႃႇတီႇၼူၵ်ႉယုင်း NLD ပေႉပုၼ်ႈၵိၼ်ၶၢတ်ႇ တင်း 4 တီႈၼင်ႈ၊ တီႈၼင်ႈ ၽူႈတႅၼ်းသၽႃးၸိူဝ်ႉ ၸၢတ်ႈ၊ ၵူၼ်း မိူင်း၊ ၸႄႈမိူင်း 1 လႄႈ ၸႄႈမိူင်း 2 ၸိူဝ်းၼႆႉ။
တေႃႇပျူင်းၵေႇတီႇၼၢႆႇ ၼေႃႇၽူႈတႅၼ်းၵူၼ်းမိူင်း NLD ၵၢတ်ႇလေႃႉ လၢတ်ႈဝႃႈ – “ႁဝ်းၶႃႈ ပေႉဝႆႉတင်း 4 တီႈၼင်ႈၶႃႈ။ ပေႃးဢဝ်ပႃႊသႅၼ်ႊမၼ်းဝႃႈၼႆၸိုင် တေမီး 70.72%” – ဝႃႈၼႆ။
ၽူႈတႅၼ်းသၽႃး ၼူၵ်ႉယုင်း NLD ၸႄႈဝဵင်းၵၢတ်ႇလေႃႉ ဢၼ်ဢွင်ႇပေႉၵႂႃႇသမ်ႉပဵၼ် ဢူးဢွင်ႇၵူဝ်ႇၵူဝ်ႇ ၼေႃႇၽူႈတႅၼ်းသ ၽႃး ၸိူဝ်ႉၸၢတ်ႈ၊ တေႃႇပျူင်းၵေႇတီႇၼၢႆႇ ၼေႃႇၽူႈတႅၼ်းသၽႃးၵူၼ်းမိူင်း၊ ဢူးသေႃႇမိၼ်းလတ်ႉ ၸႄႈမိူင်းမၢႆ 1 လႄႈ ဢူးတၢၼ်းထၢႆႉ ၸႄႈမိူင်းမၢႆ 2 ၸိူဝ်းၼႆႉ။
လွင်ႈ NLD ဢွင်ႇပေႉ ၵိၼ်ၶၢတ်ႇတီႈၸႄႈဝဵင်းၵၢတ်ႇလေႃႉၼႆႉ ယူႇတီႈၶွမ်ႊမသျိၼ်ႊၵေႃၵမ်ၵၢၼ် လိူၵ်ႈတင်ႈမိူင်းႁူမ်ႈတုမ် တႄႉ ပႆႇပိုၼ်ၽၢဝ်ႇဢွၵ်ႇပဵၼ်တၢင်းၵၢၼ် ၼႆယဝ်ႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ