ပၢင်လိူၵ်ႈတင်ႈ ပီ 2020 ၼႆႉ ၽွင်းလူင်းၸႄႈမိူင်းတႆး 4 ၵေႃႉတင်း ၵႅမ်ႁူဝ်ပဝ်ႈသၽႃး ၸႄႈမိူင်းတႆး 1 ၵေႃႉ သုမ်းပၢင်လိူၵ်ႈ တင်ႈ ဢွင်ႈတီႈဢၼ်ၶဝ်ႈၶႅင်ႇဝႆႉ တီႈၽႂ်မၼ်း ၸိူဝ်းၼၼ်ႉ ဝႃႈၼႆ။
ဝၼ်းတီႈ 8/11/2020 ပၢင်လိူၵ်ႈတင်ႈ ၵူႈလွင်ႈလွင်ႈ ပတ်းပိုၼ်ႉ မိူင်းႁူမ်ႈတုမ် ၸုမ်းလူင်ပွင်ၸိုင်ႈၸႄႈမိူင်းတႆး ဢၼ်ႁၢပ်ႇ ၵၢၼ်ဝႆႉယၢမ်းလဵဝ်ၼႆႉ ၶဝ်ႈၶႅင်ႇဢွင်ႈတီႈၽႂ်မၼ်း။
ၵူၺ်းၵႃႈၽွင်းလူင်ဢၼ်ၸိုဝ်ႈသဵင်ယႂ်ႇဝႆႉသေ ဢမ်ႇဢွင်ႇပေႉပၢင်လိူၵ်ႈတင်ႈၵမ်းၼႆႉသမ်ႉပဵၼ် ဢူးၶုၼ်ႇယေးထူၺ်း ၽွင်းလူင်ၾၢႆႇၵပ်းသိုပ်ႇတေႃႉသူင်ႇ ၼႂ်းပႃႇတီႇသၢင်ႇသီႈ ၊ လုင်းၸၢႆးလူင်ၵျေႃႇ ၽွင်း လူင် ၾၢႆႇၽုၵ်ႇသွမ်ႈလႄႈ လဵင်ႉလူ ပႃႇတီႇၼူၵ်ႉယုင်း၊ ၸၢႆးသူမ်ၶျၢႆး ၽွင်းလူင်ၾၢႆႇလိူမ်ႈလႆႇ ပႃႇတီႇၼူၵ်ႉယုင်း၊ ဢူးၶုၼ်ႇဢေးမွင်ႇ ၽွင်းလူင်ၾၢႆႇၸၢဝ်းၶိူဝ်းၵ ယၢၼ်း လႄႈ ဢူးၸဝ်ႈဢွင်ႇမဵတ်ႈ ၵႅမ်ႁူဝ်ပဝ်ႈသၽႃး ၸႄႈမိူင်းတႆး ပႃႇတီႇသၢင်ႇသီႈ ၸဵမ်ၸိူဝ်းၼႆႉ။