ႁိူဝ်းမိၼ်ပွႆႇမၢၵ်ႇ သႅၼ်း B-52 ၶွင်တပ်ႉလူမ်း မိူင်းဢမေႊရိၵၼ်ႊ လမ်းၼိုင်ႈ ယၢတ်ႇတူၵ်းသေ မီးၵူၼ်းလူႉတၢႆၵႂႃႇၸွမ်း 8 ၵေႃႉ ဝႃႈၼႆ။ မိူဝ်ႈဝႃး ဝၼ်းတီႈ 15/6/2026 ယၢမ်းတၢမ်းၶမ်ႈ တပ်ႉလူမ်းမိူင်းဢမေႊရိၵၼ်ႊၶဝ် ဢဝ်ႁိူဝ်းမိၼ်ပွႆႇမၢၵ်ႇ သႅၼ်း B-52 လမ်းၼိုင်ႈ ၸၢမ်းမိၼ်တူၺ်း ပိူဝ်ႈတႃႇၵူတ်ႇထတ်းတူၺ်းၶိူင်ႈ ၸၢၵ်ႈၼႆ မိူၼ်ၵူႈပွၵ်ႈၼၼ်ႉၼႆသေ လုၵ်ႉတီႈဝၢင်းႁိူဝ်းမိၼ်တပ်ႉလူမ်း...

မိူဝ်ႈၼႆႉ ဝၼ်းတီႈ 16/6/2026 ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး ဢွၵ်ႇၶေႃႈပိုၼ်ၽၢဝ်ႇ ဝႃႈတေတႄႇၽဵဝ်ႈ ၼမ်ႉၵထွမ်ႉ (ၵူဝ်ႇၵႃး) ၼင်ႇၵႃႈယိုၼ်းထိုင်လႆႈ လႄႈ ၵူၼ်းမိူင်း ၵူၼ်းသိုၵ်း ၸိူဝ်းယူႇၼႂ်းၼႃႈတီႈၵုမ်းၵမ် SSPP/SSA ၵေႃႈ တေဢမ်ႇလႆႈၵိၼ် ၼမ်ႉၵထွမ်ႉလႃးလႃး ဝႃႈၼႆ။ ၵူၼ်းသိုၵ်း ဢမ်ႇၼၼ် ၵူၼ်းမိူင်း ၵေႃႉလႂ်သေဢမ်ႇဝႃႈ ၸိူဝ်းယူႇၼႂ်းၼႃႈတီႈ ပႃႇတီႇမႂ်ႇသုင်ၸိုင်ႈတႆး၊...

ပွႆးတၢင်ႇထီးၵွင်းမူး တီႈဝၢၼ်ႈၵၢင်တူင်ႈ ဝဵင်းမိူင်းၼၢႆး ၸိုင်ႈတႆးပွတ်းၸၢၼ်း ၸတ်းႁဵတ်းပႃးပၢင်တေႃႇလွင်း ႁိုင်ၶၢဝ်းတၢင်းလိူၼ်ပၢႆ ဢမ်ႇယဝ်ႉဢမ်ႇဝၢႆး  ၵူၼ်းပိုၼ်ႉတီႈလၢတ်ႈ ။ ၼႂ်းဝၼ်းတီႈ 14 လိူၼ်မေႊပူၼ်ႉမႃးၼႆႉ ႁွင်ႈၵၢၼ်ၾၢႆႇၽွင်းငမ်းလႄႈ ၵူၼ်းမိူင်းဝဵင်းမိူင်းၼၢႆး ဢွၼ်ၵၼ်ၸတ်းႁဵတ်းပွႆးတၢင်ႇထီး ၵွင်းမူး တီႈဝၢၼ်ႈၵၢင်တူင်ႈ ဝဵင်းမိူင်းၼၢႆး ၊ ၽူႈမီးပုၼ်ႈၽွၼ်းၼႂ်းပိုၼ်ႉတီႈ ပၼ်ၶႂၢင်ႉပိုတ်ႇပၢင်တေႃႇလွင်းပႃး ဝႃႈၼႆ။ ပွႆးတၢင်ႇထီးၵွင်းမူးၼႆႉ ၸတ်းႁဵတ်း4 ဝၼ်းၵူၺ်းၼႆသေတႃႉ ပၢင်တေႃႇလွင်းသိုပ်ႇၸတ်းႁဵတ်း...

မိူဝ်ႈၼႆႉ ဝၼ်းတီႈ 16/6/2026 ယေးငိုၼ်းလုမ်ႈၾႃႉ ပိုၼ်ၽၢဝ်ႇဢွၵ်ႇဝႃႈ ယွၼ်ႉပၼ်ႁႃပတိၵ်ႈၶၢတ်ႈ ပိုၼ်ႉတီႈတႃဝၼ်းဢွၵ်ႇၵၢင် လႄႈ ပၢင်တိုၵ်းသိုၵ်းသိူဝ် ၼႂ်းမိူင်းသေ ၵႃႈၶၼ်ငိုၼ်းမၢၼ်ႈ ၽိူဝ်ႈၶိုၼ်ႈမႃးထႅင်ႈလိူဝ်ၵဝ်ႇ 25% ၼႆယဝ်ႉ။ တႄႇပီ 2021 သိုၵ်းမၢၼ်ႈယိုတ်းမိူင်းမႃး ၼႂ်းၶၢဝ်းတၢင်း 5 ပီ ငဝ်းလၢႆးၼႂ်းမိူင်းႁူမ်ႈတုမ်ဢမ်ႇၼိမ်တဵင်ႈ ၵိူတ်ႇပဵၼ်ပၢင်တိုၵ်းသိုၵ်းသိူဝ် ႁဵတ်းႁႂ်ႈၵူၼ်းမိူင်းၸိူဝ်းယူႇ ၼႂ်းပိုၼ်ႉတီႈ မွၵ်ႈ...

ၼင်ႇႁိုဝ် တေပဵၼ်မၢႆတွင်းၵၢၼ်ၵေႃႇတင်ႈလွင်ႈငမ်းယဵၼ် ၶွပ်ႈတဵမ် 37 ပီၼႆသေ ၵေႃႇမတီႇၶွၼ်ႈတုမ်ၵတ်းယဵၼ် ၼႃႈလိၼ်ၶိုၵ်ႉတွၼ်း မၢႆ (4) မိူင်းတႆးပွတ်းဢွၵ်ႇ တပ်ႉသိုၵ်းမိူင်းလႃး NDAA/ESS ပွႆႇၵူၼ်းတူၵ်းၶွၵ်ႈ 350 ၵေႃႉတဵမ်တဵမ် ၼႆယဝ်ႉ။ မိူဝ်ႈဝၼ်းတီႈ 15/6/2026 တၢမ်တူဝ် ၸဝ်ႈထဵင်ႇလိၼ်း ႁူဝ်ပဝ်ႈ ၼႃႈလိၼ်ၶိုၵ်ႉတွၼ်း မၢႆ 4 မိူင်းလႃး...