မိူဝ်ႈၼႆႉ ယၢမ်းၵၢင်ဝၼ်း ၵူၼ်းႁေႃႈၵႃး ႁူဝ်ၵူၼ်း 400 ပၢႆ တီႈသုၼ်ၵၢၼ်ၵႃႉ105 လၵ်း ၸႄႈဝဵင်းမူႇၸေႊ ၸိုင်ႈတႆး ပွတ်းႁွင်ႇ ၶိုင်ဢၢင်ႈၼႄၵၢင်ၸႂ် ယွၼ်ႉဢမ်ႇလႆႈတွတ်ႈၶႅပ်းၵၢင်ၸႂ် ၵၼ် ၼႆယဝ်ႉ။
ၽူႈသိုဝ်ႇၶၢဝ်ႇ ၽူႈတွႆႇႁွၵ်ႈ တီႈမူႇၸေႊ လၢတ်ႈဝႃႈ – “ပဵၼ်ၵူၼ်းႁေႃႈၵႃးၶႃႈဢေႃႈ ႁူဝ်ၵူၼ်း ဢမ်ႇယွမ်း 400 ၵေႃႉၼႆႉၶႃႈ၊ ယွၼ်ႉဢမ်ႇလႆႈတွတ်ႈၶႅပ်းၵၢင်ၸႂ်ၵၼ်လႄႈ တေဢၢၼ်းၼႄၵၢင်ၸႂ်ၵၼ်ၶႃႈဢေႃႈ။ လွင်ႈၼႆႉ ယူႇတီႈပလိၵ်ႈတင်း ၶွမ်ႊမ သျိၼ်ႊၵႂႃႇငူပ်ႉငီႉဢုပ်ႇၵုမ်သပ်းလႅင်းၼေၶဝ်လွင်ႈၶေႃႈပိုၼ်ၽၢဝ်ႇ UEC ယၢမ်ႈဢွၵ်ႇမႃးၼၼ်ႉ ၸင်ႇတေယဵၼ်ၼိမ် ၵႂႃႇၶႃႈဢေႃႈ”- ဝႃႈၼႆ။
ၶွမ်ႊမသျိၼ်ႊပၢင်လိူၵ်ႈတင်ႈမိူင်းႁူမ်ႈတုမ် ယၢမ်ႈပိုၼ်ၽၢဝ်ႇဝႆႉဝႃႈ ၵူၼ်းလုၵ်ႉတၢင်ႇတီႈမႃး(ၶႅၵ်ႇ) ဢမ်ႇၼၼ် ၸိူဝ်းဢမ်ႇၸႂ်ႈ ၵူၼ်းပိုၼ်ႉတီႈၼၼ်ႉ ၊ ပေႃးမႃးယူႇႁိုင် 90 ဝၼ်း ၸင်ႇ တေမီးသုၼ်ႇ တွတ်ႈၶႅပ်းၵၢင်ၸႂ်။ ၵူၺ်းၵႃႈ ၵူၼ်းႁေႃႈၵႃး တီႈ 105 လၵ်းၼႆႉသမ်ႉ ယူႇပႆႇတဵမ် 90 ဝၼ်းလႄႈ ဢမ်ႇမီး သုၼ်ႇ တွတ်ႈၶႅပ်းၵၢင်ၸႂ် ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ