သင်ၶၸဝ်ႈလႄႈၵူၼ်းမိူင်းၼၢႆး ႁူမ်ႈၵၼ်ၸတ်းႁဵတ်းပၢင်ၾိုၵ်းၽွၼ်ႉဢၢၼ်ႇ/တႅမ်ႈလိၵ်ႈလူင် တႃႇႁႂ်ႈၵူၼ်းၼုမ်ႇ တေႁူႉလွင်ႈလိၵ်ႈလူင်လႄႈ မေႃဢဝ်ၸႂ်ႉတိုဝ်းႁႂ်ႈပိုၼ်ၽႄႈ ၵႂႃႇမိူဝ်းၼႃႈ။
ပၢင်ၾိုၵ်းၽွၼ်ႉတႄႇ ဝၼ်းတီႈ 28 – 30/01/2018 မီးၽူႈလူင်ႉလႅၼ်ႇလိၵ်ႈလူင် 30 ပၢႆလႄႈ ၵူၼ်းၼုမ်ႇ 20 ပၢႆၶိုၼ်ႈႁွတ်ႈ ပၢင်သွၼ်ၸတ်းႁဵတ်းတီႈ ဝတ်ႉ(ၵျွင်း) ဝိသ်ႇသႃႇရီႇ ပွၵ်ႉလွႆဝႄႈ ဝဵင်းမိူင်းၼၢႆး ၸႄႈတွၼ်ႈလၢင်းၶိူဝ်း ၸိုင်ႈတႆးပွတ်းၸၢၼ်း။
ၸဝ်ႈၶူး ဝိၸႃႇရီႇ ၽူႈၵွၼ်းဝတ်ႉ လၢတ်ႈဝႃႈ – “ ယိူင်းဢၢၼ်းဢၼ်ႁဝ်းၶႃႈၸတ်းႁဵတ်းၼႆႉ ၶႂ်ႈႁႂ်ႈ လူင်ႉလႅၼ်ႇလွင်ႈလိၵ်ႈလူင် ၊ လိၵ်ႈထမ်းတင်းလင်ႇၵႃႇလီလီလႄႈ ႁႂ်ႈၵူၼ်းၼုမ်ႇ သူၼ်ၸႂ်ပႃးၸႂ်ၼႂ်း လိၵ်ႈလူင်၊ လင်ႇၵႃး တႆးႁဝ်းသေ ဢဝ်ၵႂႃႇၸႂ်ႉတိုဝ်းႁႂ်ႈပိုၼ်ၽႄႈ ၵႂႃႇမိူဝ်းၼႃႈၶၢဝ်းႁိုင် ဝႃႈၼႆ။
ၸိူင်ႉၼၼ်ၼင်ႇၵဝ်ႇ မိူဝ်ႈဝၼ်းတီႈ 26/02/2017 တေႃႇထိုင်ဝၼ်းတီႈ 02/03/2017 ၼၼ်ႉၵေႃႈ တီႈဝဵင်းသီႇပေႃႉ ၸတ်းပၢင်သွၼ်လင်ႇၵႃႇ လိၵ်ႈလူင် ၸိူဝ်းၼႆႉၼင်ႇၵဝ်ႇ ဝႃႈၼႆ။
