Thursday, March 28, 2024

ထေႃႈလႃႈၵျီႈပိၼ်ႈတူၵ်းႁူၺ်ႈ တီႈမိူင်းသၢတ်ႇ မၢတ်ႇ 10 တၢႆ 9

Must read

ထူဝ်ႈတၢင်ႇၵူၼ်းႁဵတ်းၵၢၼ်သိူဝ်ႇတၢင်း မေးတၢင်းၼၼ်ႉပိၼ်ႈတူၵ်းႁူၺ်ႈ ၼႂ်းၵႄႈမိူင်းသၢတ်ႇ – တႃႈၶီႈလဵၵ်း မီးၵူၼ်းလူႉတၢႆထင် တီႈ 9 ၵေႃႉလႄႈ မၢတ်ႇၸဵပ်း 10 ၵေႃႉ။

Photo by – ၵူၼ်းပိုၼ်ႉတီႈ/ ဢွင်ႈတီႈထူဝ်ႈတူၵ်းႁူၺ်ႈ တီႈလွႆသၢမ်သုမ်

မိူဝ်ႈၼႆႉ ဝၼ်းတီႈ 26/5/2020 ယၢမ်းၵၢင်ၼႂ် မွၵ်ႈ 9 မူင်းၼႆႉထေႃႈလႃႈၵျီႈတၢင်ႇၵူၼ်းႁဵတ်းၵၢၼ် ႁဵတ်းတၢင်း လုၵ်ႉတီႈလွႆသၢမ်သုမ် ဢၼ်မီးၼႂ်းၵႄႈမိူင်းတုမ်း – မိူင်းသၢတ်ႇ သဵၼ်ႈတၢင်းလူင် တႃႈၶီႈလဵၵ်း – မိူင်းသၢတ်ႇ ၼႂ်းၸႄႈဝဵင်းမိူင်းသၢတ်ႇ ပိၼ်ႈတူၵ်းႁူၺ်ႈ တီႈႁိမ်းဝၢၼ်ႈပႃႇၶႃး၊ ၵူၼ်းၶီႇမႃးၸွမ်းၼႂ်း ထေႃႈ မီး 19 ၵေႃႉ။ၼႂ်းၼၼ်ႉ တၢႆ ထင်တီႈ 9 ၵေႃႉ၊ မၢတ်ႇၸဵပ်း 10 ၵေႃႉ။ မၢတ်ႇၸဵပ်းႁၢဝ်ႈႁႅင်း ထိုင်တီႈလႆႈမႆႈၸႂ် ၵေႃႉ ႞ ဝႃႈၼႆ။

- Subscription -
Photo by – ၵူၼ်းပိုၼ်ႉတီႈ/ ဢွင်ႈတီႈထူဝ်ႈတူၵ်းႁူၺ်ႈ တီႈလွႆသၢမ်သုမ်

ၸၢႆးၼုမ်ႇ ၵူၼ်းမိူင်းသၢတ်ႇ လၢတ်ႈတီႈၽူႈတွႆႇႁွၵ်ႈဝႃႈ “ ၸႂ်ႈၶႃႈဢေႃႈ ပဵၼ်ပီႈၼွင်ႉတၢင်းထုင်ႉလိၼ်ပဵင်းၶဝ် မႃးႁဵတ်းတၢင်း၊ ၶီႇထူဝ်ႈလူင်းလွႆသၢမ်သုမ်မႃးသေ မႃးပိၼ်ႈတူၵ်းႁူၺ်ႈၶႃႈ။ လူႉတၢႆထင်တီႈ 9 ၵေႃႉလႄႈ မၢတ်ႇၸဵပ်း 10 ၵေႃႉ။ တေႃႈလဵဝ် ၸဵမ်ၵူၼ်းတၢႆ ၵူၼ်းမၢတ်ႇၸဵပ်းၸိူဝ်းၼႆႉ လႆႈတေႃႉသူင်ႇတီႈႁူင်းယႃမိူင်းသၢတ်ႇဝႆႉၶႃႈ” ဝႃႈၼႆ။

ၵဵဝ်ႇၵပ်းလွင်ႈၼႆႉ ႁွင်ႈၵၢၼ်ၾၢႆႇပွင်ႇၶၢဝ်ႇ လူင်ပွင်ၸိုင်ႈမၢၼ်ႈမိူင်းသၢတ်ႇ IPRD ဢွၵ်ႇဝႆႉတႄႉဝႃႈ ၵီႊယႃႊ ထေႃႈ ၵွႆ လႄႈပိၼ်ႈ တူၵ်းႁူၺ်ႈၵႂႃႇ တၢင်းလိုၵ်ႉတေမီးမွၵ်ႈ 200 ထတ်း/ပေႇၼႆႉ၊ ၵူၼ်းၸိူဝ်းၶီႇမႃးၸွမ်းၼႂ်းထေႃႈၼၼ်ႉ ပဵၼ်ၽူႈၸၢႆး 9 ၵေႃႉလႄႈ ၽူႈယိင်း 10 ၵေႃႉ ဝႃႈၼႆ။

Photo by – ၵူၼ်းပိုၼ်ႉတီႈ/ ဢွင်ႈတီႈထူဝ်ႈတူၵ်းႁူၺ်ႈ တီႈလွႆသၢမ်သုမ်

ပိူင်ပဵၼ်ၽေးဢုပၢတ်ႈပွၵ်ႈၼႆႉ တေႃႈလဵဝ် ယူႇတီႈၽူႈမီးပုၼ်ႈၽွၼ်းၶဝ် လႆႈပိုတ်ႇလိူင်ႈ/ဢမူႉ ၵူၼ်းႁေႃႈထူဝ်ႈၼၼ်ႉဝႆႉ တီႈႁူင်းပလိၵ်ႈမိူင်းတုမ်း ၸႄႈဝဵင်းမိူင်းသၢတ်ႇဝႆႉယူႇ ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း