Friday, March 29, 2024

ပၢင်ဢုပ်ႇၶႆႈ လွင်ႈပိုၼ်းမိူင်းမၢဝ်းလူင် တီႈတူၼ်ႈတီး ၵူၼ်းၶဝ်ႈႁူမ်ႈ 300 ပၢႆ

Must read

မူႇၸုမ်းတႆးလၢႆၸုမ်း တူင်ႉၼိုင်လွင်ႈၵၢၼ်ပၢႆးပၺ်ၺႃ၊ လွင်ႈပိုၼ်းလႄႈ လွင်ႈၶၢဝ်ႇငၢဝ်း ႁူမ်ႈၵၼ်ၸတ်းႁဵတ်း ပၢင်ဢုပ်ႇၶႆႈ “လွင်ႈမိူင်းမၢဝ်းလူင် ပၢၼ်ႁိူၼ်းလႄႈပၢၼ်ဝွတ်ႈ” တီႈဝဵင်းလူင်တူၼ်ႈတီး ၸိုင်ႈတႆးပွတ်းၸၢၼ်း။

မိူဝ်ႈဝၼ်းတီႈ 27/01/2018 ၸုမ်းတူင်ႉၼိုင် ၵဵဝ်ႇၵပ်းလွင်ႈလိၵ်ႈလၢႆးပၢႆးပၺ်ၺႃတႆး 4 ၸုမ်း မိူၼ်ၼင်ႇ ၸၼ်ႉၸွမ်တူင်ႇၵူၼ်းတႆး၊ ၸုမ်းၵေႃတႆး၊ ၸုမ်းၶၢဝ်ႇသႅၼ်ပၢႆးလႄႈ ၵေႃႈလိၵ်ႈလၢႆးလႄႈၾိင်ႈငႄႈတႆး ဝဵင်းတူၼ်ႈတီး ႁူမ်ႈၵၼ်ၸတ်းႁဵတ်းပၢင်ဢုပ်ႇၶႆႈ လွင်ႈပိုၼ်းတႆး (Tai History Seminar) “မိူင်းမၢဝ်းလူင်- ပၢၼ်ႁိူင်းလႄႈပၢၼ်ဝွတ်ႈ”-ၼႆယဝ်ႉ။

- Subscription -

တီႈပၢင်ဢုပ်ႇၶႆႈၼႆႉ ၽူႈၶဝ်ႈႁူမ်ႈမီးသင်ၶၸဝ်ႈ၊ ၸုမ်းတူင်ႇဝူင်းၵူၼ်း 28 ၸုမ်း၊ လုၵ်ႈႁဵၼ်းၸၼ်ႉၸွမ်လႄႈ ၽူႈသူၼ်ၸႂ်ၶဝ်ႈႁူမ်ႈတင်းမူတ်းမီး 300 ပၢႆ။ ၽူႈၶဝ်ႈႁူမ်ႈပၼ်တၢင်းႁူႉ/ ဢုပ်ႇၶႆႈ မီးၽူႈယႂ်ႇၵူၼ်းလူင်၊ ၸဝ်ႈပၢႆးမေႃၼႂ်းတႆးလၢႆလၢႆၸဝ်ႈ။ မိူၼ်ၼင်ႇ ၻွၵ်ႊတိူဝ်ႊၸၢႆးၶမ်းမိူင်း၊ ၻွၵ်ႊတိူဝ်ႊၸၢႆးသၢင်ႇဢၢႆႈ၊ ၸဝ်ႈထဝ်ႈၾိလိပ်ႊ၊ ၶူးပူင်သွၼ်လိၵ်ႈလၢႆးတႆး ၶူးၸၢႆးၾႃႈ၊ ၻွၵ်ႊတိူဝ်ႊၸၢႆးၼေႃႇၶိူဝ်း၊ လုင်းၸၢႆးဢေးမွင်ႇ (ပၢင်ႇဢူး)ၸိူဝ်းၼႆႉ- ၼႆယဝ်ႉ။

တၢင်းယိူင်းဢၢၼ်း ဢၼ်ၸတ်းႁဵတ်းပၢင်ဢုပ်ႇၶႆႈ လွင်ႈပိုၼ်းတႆး (Tai History Seminar) ၼႆႉ ပိူဝ်ႈတႃႇႁႂ်ႈ ၵူၼ်းၼုမ်ႇသႅၼ်းႁုၼ်ႈမႂ်ႇ လႆႈလဵပ်ႈႁဵၼ်းႁူႉလွင်ႈပိုၼ်းတႆး မိူၼ်ၼင်ႇမိူဝ်ႈပၢၼ်မိူင်းမၢဝ်းလူင်ၼၼ်ႉ ပဵၼ်ၸိူင်ႉႁိုဝ် မီးၸိူင်ႉႁိုဝ်၊ ဝၢႆးမိူင်းမၢဝ်းလူင်ဝွတ်ႈလူမ်ႉယဝ်ႉပဵၼ်ႁိုဝ် ၸိူဝ်းၼႆႉ။

ပၢင်ဢုပ်ႇၶႆႈလွင်ႈပိုၼ်းတႆးၼႆႉ ယူႇတီႈၸုမ်းတူင်ႉၼိုင်တူင်ႇဝူင်း လိၵ်ႈလၢႆးပၢႆးပၺ်ၺႃသေ တေႁူမ်ႈၵၼ်ၸတ်းႁဵတ်းၵႂႃႇ 5 လိူၼ်လႂ်ၼိုင်ႈပွၵ်ႈ-ၼႆယဝ်ႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း