ၵေႃလိၵ်ႈလၢႆးလႄႈၾိင်ႈငႄႈတႆး ဝဵင်းၼမ်ႉၶမ်း ၸတ်းပၢင်ယုၵ်ႉယွင်ႈၶူးသွၼ်လႄႈ လုၵ်ႈႁဵၼ်း ၵတ်ႉၶႅၼ်ႇ ႁိမ်း 300 ၵေႃႉ။
ဝၼ်းတီႈ 27/01/2018 ၵေႃလိၵ်ႈလၢႆးလႄႈၾိင်ႈငႄႈတႆး ဝဵင်းၼမ်ႉၶမ်း ၸတ်းပၢင် တွၼ်ႈပၼ် ၽိုၼ်ယုၵ်ႉယွင်ႈ ၶူး၊ၸဝ်ႈတႃႇၼၽူႈၵမ်ႉထႅမ်ၵူႈလွင်ႈလွင်ႈလႄႈ လုၵ်ႈႁဵၼ်းၵတ်ႉၶႅၼ်ႇ 285 ၵေႃႉ တီႈႁူင်းတႅၼ်ႊ မၢဝ်းၶမ်း ပွၵ်ႉတႅၼ်ႊမႃႉ ဝဵင်းၼမ်ႉၶမ်း ၸိုင်ႈတႆးပွတ်းႁွင်ႇ။
ၼႂ်းပၢင်ၼႆႉမီး ၽူႈၵွၼ်းႁွင်ႈၵၢၼ်ပၢႆးပၺ်ၺႃ ၊ ၽူႈယႂ်ႇၵူၼ်းလူင်ၼႂ်းပွၵ်ႉၼႂ်းဢိူင်ႇ ၊ ၸုမ်းပွင်ၵၢၼ် ၵေႃလိၵ်ႈလၢႆးလႄႈၾိင်ႈငႄႈတႆး ဢိၵ်ႇၽူႈသူၼ် ၸႂ်ၶဝ်ႈႁူမ်ႈ 600 ပၢႆ ။
ၸၢႆးသၢမ်မူၼ်ႇ ႁူဝ်ပဝ်ႈၵေႃလိၵ်ႈလၢႆးၼမ်ႉၶမ်းလၢတ်ႈဝႃႈ – “ ယိူင်းဢၢၼ်းဢၼ်ႁဝ်းၶႃႈၸတ်း ႁဵတ်းၼႆႉ ပိူဝ်ႈယုၵ်ႉယွင်ႈလိၵ်ႈလၢႆးတႆး ပိူဝ်ႈပၼ်ႁႅင်းႁႂ်ႈလုၵ်ႈႁဵၼ်းမီးတၢင်းၶတ်းၸႂ် လဵပ်ႈႁဵၼ်းဢဝ် လိၵ်ႈလၢႆးတႆးႁဝ်းၵႂႃႇမိူဝ်းၼႃႈ” ဝႃႈၼႆ။
ပီ2017- 2018 ႁူင်းႁဵၼ်းဢၼ်သွၼ်လိၵ်ႈတႆး ၼႂ်းၸႄႈဝဵင်းၼမ်ႉၶမ်း မီး 38 လင်မေႃသွၼ် 105 ၵေႃႉ လုၵ်ႈႁဵၼ်းမီး 3000 ပၢႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ