ၼႂ်းၸႄႈဝဵင်းတႃႈၶီႈလဵၵ်း တီႉလႆႈယႃႈမဝ်းၵမ် ယႃႈမႃႉ 3 သႅၼ်မဵတ်ႉ၊ ႁွင်ႈၵၢၼ် ၾၢႆႇၽဵဝ်ႈမူၺ်ႉယႃႈမဝ်းၵမ် ပိုၼ်ၽၢဝ်ႇဢွၵ်ႇဝႆႉ။
ဝၼ်းတီႈ 7/5/2020 ယၢမ်းဝၢႆးဝၼ်းမွၵ်ႈ 1 မူင်း ယူႇတီႈပလိၵ်ႈတႃႈၶီႈလဵၵ်း ၵူတ်ႇထတ်းတီႉလႆႈ ၼႂ်းၵႃး Fortuner လမ်းၼိုင်ႈ တီႈႁိမ်းဝၢၼ်ႈၽၵ်းႁီႉ (တႂ်ႈ) ၼိူဝ်သဵၼ်ႈတၢင်း တႃႈၶီႈလဵၵ်း – မိူင်းသၢတ်ႇ ၼႂ်းၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း။ ပဵၼ်ရူတ်ႉၵႃးဢၼ်မွင်ႇလီပူႉ ဢႃယု 21 ပီ လႄႈ မွင်ႇလေႃးၺီႇ ဢႃယု 22 ပီ ႁေႃႈမႃး၊ ၵူတ်ႇထတ်းႁၼ်မႅၼ်ႈၼႂ်းၵႃး ယႃႈမႃႉ တင်းမူတ်း 3 သႅၼ်မဵတ်ႉ ဝႃႈၼႆ။
ၼႂ်းလိၵ်ႈပိုၼ်ၽၢဝ်ႇၼၼ်ႉ ဢွၵ်ႇဝႆႉဝႃႈ “ တင်းမူတ်းတီႉလႆႈ ယႃႈမႃႉ 3 သႅၼ်မဵတ်ႉ (မႅၼ်ႈငိုၼ်း 3 ႁဵင်သႅၼ်ပျႃး) ၾူၼ်း 2 လုၵ်ႈ။ ရူတ်ႉၵႃးၼၼ်ႉ လုၵ်ႉတၢင်းမိူင်းသၢတ်ႇ မႃးတၢင်းတႃႈၶီႈလဵၵ်း။ ၵူၼ်း 2 ၵေႃႉ ဢၼ်တီႉၺွပ်းလႆႈၼၼ်ႉ ပဵၼ်ၵူၼ်းဝၢၼ်ႈၼမ်ႉၶမ်း(ႁွင်ႉ) ၼႃၶႃး(နာခါး) (တႂ်ႈ) မိူင်းသၢတ်ႇ” ဝႃႈၼႆ။
ၵဵဝ်ႇလူၺ်ႈလွင်ႈၼႆႉ ယူႇတီႈၽူႈမီးပုၼ်ႈၽွၼ်း ပလိၵ်ႈၶဝ် လႆႈပိုတ်ႇလိူင်ႈၸွႆးတြႃး ၸွမ်းၼင်ႇပၵ်းပိူင်မၢႆမီႈဝၢၼ်ႈမိူင်း မီးၼၼ်ႉ တီႈႁူင်းပလိၵ်ႈၸႄႈဝဵင်းတႃႈၶီႈလဵၵ်းဝႆႉယဝ်ႉ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ