Friday, June 14, 2024

ၼၢင်းယိင်းၵူၼ်းမိူင်းၼၢႆး ဢၼ်ထၢင်ႇထိူမ်ၵုမ်းတူဝ် ဝႆႉတီႈႁူင်းယႃ လႆႈပွၵ်ႈႁိူၼ်း

Must read

ၼၢင်းယိင်း ၵေႃႉၼိုင်ႈ တီႈမိူင်းၼၢႆး ဢၼ်ထၢင်ႇထိူမ်ဝႃႈ မိူၼ်ၵူၼ်းၸပ်းတၢင်းပဵၼ်ၶူဝ်ႊဝိတ်ႉ – 19 ၼၼ်ႉ လႆႈဢဝ်လိူတ်ႈ၊ ဢၢင်ႈဢၢၵ်ႇ ၼမ်ႉလၢႆး သူင်ႇၵူတ်ႇထတ်း တီႈသုၼ်ပၢႆးယူႇလီမိူင်းမၢၼ်ႈသေ လႆႈၵႂၢမ်းတွပ်ႇမႃးဝႃႈ မၼ်းၼၢင်း ဢမ်ႇၸပ်း ၸိူဝ်ႉမႅင်းတၢင်းပဵၼ် ဝႃႈၼႆ။

Photo by – သံလွင်သွေးချင်း/ ႁူင်းယႃဝဵင်းမိူင်းၼၢႆး

ဝၼ်းတီႈ 1/5/2020 ယူႇတီႈမေႃယႃ ဝဵင်းမိူင်းၼၢႆး ဢၼုၺၢတ်ႈပၼ် ၼၢင်းယိင်း ဢႃယု 18 ပီ ဢၼ်ထၢင်ႇထိူမ် ၵုမ်းတူဝ် ဝႆႉတီႈႁူင်းယႃၼၼ်ႉ လႆႈလူင်းႁူင်းယႃ ပွၵ်ႈမိူဝ်းႁိူၼ်းယေး မၼ်းၼၢင်း တီႈဝၢၼ်ႈလွႆၶဵဝ် ဢိူင်ႇလွႆၶဵဝ် ၸႄႈဝဵင်းမိူင်းၼၢႆးယဝ်ႉ။ ယွၼ်ႉမၼ်းၼၢင်းဢမ်ႇလႆႈတိတ်းၸပ်း ၸိူဝ်ႉမႅင်းၶူဝ်ႊဝိတ်ႉ – 19 ဝႃႈၼႆ။

- Subscription -

လုင်းၸၢႆးထုၼ်းလႃႉ ႁူဝ်ပဝ်ႈ ၸုမ်းၼမ်ႉၶူင်း ၶႅၵ်ႇလီပၢင်ၸႃႉ ဝဵင်းမိူင်းၼၢႆး လၢတ်ႈတီႈ ၽူႈတွႆႇႁွၵ်ႈဝႃႈ-“ၼၢင်းယိင်း ဢၼ်ထၢင်ႇထိူမ်ငမ်းငဝ်းသေ လႆႈၵုမ်းတူဝ် ပႂ်ႉတူၺ်းတၢင်းပဵၼ် ဝႆႉတီႈႁူင်းယႃ မိူင်းၼၢႆးၼႆႉ လႆႈလူင်း ႁူင်းယႃယဝ်ႉ။ လႆႈဢဝ်လိူတ်ႈ၊ ဢၢင်ႈဢၢၵ်ႇလႄႈ ၼမ်ႉလၢႆး သူင်ႇၵူတ်ႇထတ်းတီႈတႃႈၵုင်ႈသေ ႁူႉၶေႃႈတွပ်ႇမႃးဝႃႈ မၼ်းၼၢင်း ဢမ်ႇၸပ်းၸိူဝ်ႉမႅင်း တၢင်းပဵၼ်ၶူဝ်ႊဝိတ်ႉ – 19” ဝႃႈၼႆ။

ထႅင်ႈၾၢႆႇၼိုင်ႈၵေႃႈ ယူႇတီႈမေႃယႃၵေႃႈ လႆႈသင်ႇလၢတ်ႈတီႈမၼ်းၼၢင်းပႃးထႅင်ႈဝႃႈ ႁႂ်ႈမိူဝ်းယူႇ တီႈႁိူၼ်း ၵုမ်းတူဝ် Quarantine ဝႆႉ 7 ဝၼ်း ယႃႇပေၵႂႃႇလႂ်။ မီးလွင်ႈလၢၵ်ႇလၢႆးသင်မႃးၵေႃႈ ႁႂ်ႈမႃးၼႄမေႃယႃ၊ သင်ဢမ်ႇမႃးလႆႈၼႆၵေႃႈ ႁႂ်ႈပွင်ႇၶၢဝ်ႇၸူးတီႈႁူင်းယႃ ယူႇတီႈမေႃယႃၶဝ် တေမိူဝ်းတူၺ်းပၼ်ၼႆ လုင်းၸၢႆးထုၼ်းလႃႉ လၢတ်ႈၼႄၼင်ႇၼႆ။

မိူဝ်ႈဝၼ်းတီႈ 24/4/2020 ၶၢဝ်းယၢမ်းမွၵ်ႈ 12 မူင်းပၢႆၼၼ်ႉ မၼ်းၼၢင်း မီးလူမ်းၼၢဝ်၊ ဢႆ ၶေႃးၸဵပ်း ပႅၵ်ႇပိူင်ႈဝႆႉလႄႈ ၾၢႆႇပၢႆးယူႇလီ ၵုမ်းတူဝ် ပႂ်ႉတူၺ်းငဝ်းလၢႆးတၢင်းပဵၼ် မၼ်းၼၢင်း ယူႇတီႈႁူင်းယႃလူင်ၵူၼ်းမိူင်း ဝဵင်းမိူင်းၼၢႆးဝႆႉ။

မၼ်းၼၢင်းၼႆႉ လုၵ်ႉမိူင်းထႆး ပွၵ်ႈမႃးတၢင်း ဝဵင်းတႃႈၶီႈလဵၵ်း၊ ထိုင်မိူင်းၼၢႆး မိူဝ်ႈဝၼ်းတီႈ 17/4/2020 ။ ဝၼ်းတီႈ 22/4/2020 ၵုမ်းၵမ်တူဝ် ထတ်းထွင်ပၢႆးယူႇလီ ဝႆႉတီႈ ႁူင်းယႃမိူင်းၼၢႆး။

တေႃႈလဵဝ် ၼႂ်းမိူင်းတႆးၼႆႉ ၵူၼ်းၸပ်းတၢင်းပဵၼ်ၶူဝ်ႊဝိတ်ႉ -19 ၼႆႉ တင်းမူတ်းမီးၵႂႃႇ 7 ၵေႃႉ။ မိူင်းတႆးပွတ်းႁွင်ႇ 2 ၵေႃႉ၊ ပွတ်းၸၢၼ်း 2 ၵေႃႉလႄႈ ပွတ်းဢွၵ်ႇၶူင်း 3 ၵေႃႉ ။ ပတ်းပိုၼ်ႉ မိူင်းႁူမ်ႈတုမ် တႄႉ ၵူၼ်းၸပ်းတၢင်းပဵၼ် တေႃႇထိုင်ဝၼ်းမိူဝ်ႈၼႆႉ မီး 161 ၵေႃႉ၊ တၢႆ 6 ၵေႃႉ ၊ ယႃၶႅၼ်း 49 ၵေႃႉ ၊ တႃႇ 106 ၵေႃႉ တိုၵ်ႉယူတ်းယႃတူဝ်ဝႆႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း