Friday, March 29, 2024

သိုၵ်းတဢၢင်း TNLA တင်း သိုၵ်းလူင်ပွင်ၸိုင်ႈမၢၼ်ႈ တိုၵ်းၵၼ် ၾၢႆႇဢွၵ်ႇဝဵင်းလႃႈသဵဝ်ႈ

Must read

သိုၵ်းလူင်ပွင်ၸိုင်ႈမၢၼ်ႈ တပ်ႉငဝ်ႈသိုၵ်း တပ်ႉမ 99 ၵႂႃႇတူင်ႉၼိုင် တၢင်းၾၢႆႇဢွၵ်ႇဝဵင်းလႃႈသဵဝ်ႈ တူင်ႇတၢင်ႇယၢၼ်ဝဵင်း 50-60 လၵ်းၼၼ်ႉ ႁိုၵ်ႉၸုၼ်ၽႃႇၺႃးသိုၵ်း TNLA သေ ပဵၼ်ပၢင်တိုၵ်းၵၼ်။

Photo by – KLP/ ပၢႆ့တၢင်းၶဝ်ႈဢွၵ်ႇ ဢိူင်ႇမိူင်းယေႃ ၸႄႈဝဵင်းလႃႈသဵဝ်ႈ

ဝၼ်းတီႈ 26/4/2020 ယၢမ်းၵၢင်ၼႂ် ၼႂ်းၵႄႈ ႁိမ်း 6 မူင်း တင်း 7 မူင်း သိုၵ်းလူင်ပွင်ၸိုင်ႈမၢၼ်ႈ တႂ်ႈတပ်ႉငဝ်ႈသိုၵ်း 99 ၵႂႃႇတူင်ႉၼိုင် တၢင်းၾၢႆႇဢွၵ်ႇမိူင်းယေႃ ဝူင်ႈၵၢင် မိူင်းယေႃ – ဝၢၼ်ႈမၢၵ်ႇ၊ မိူင်းယေႃ – မိူင်းၵႅတ်ႈၼၼ်ႉ ႁိုၵ်ႉၸုၼ်ၽႃႇၺႃး သိုၵ်းတဢၢင်း TNLA သေ ပဵၼ်ပၢင်တိုၵ်းၵၼ် ႁိမ်းဝၢၼ်ႈ ပၢင်ႇဝူဝ်းလႅင် ၸဵင်ႇၸၢၼ်းဝၼ်းဢွၵ်ႇ လွႆၸၢၵ်ႈမိူင်းယေႃ တူင်ႇဝဵင်းလႃႈသဵဝ်ႈ၊ သွင်ၾၢႆႇ ပဵၼ်ပၢင်တိုၵ်းၵၼ် ႁိမ်း ႞ ၸူဝ်ႈမူင်း။

- Subscription -

သၢင်ႇၸၢႆးသၢမ် ၵူၼ်းမိူင်းၵႅတ်ႈ လၢတ်ႈတီႈၽူႈတွႆႇႁွၵ်ႈဝႃႈ “ ပၢင်တိုၵ်းၼၼ်ႉ တႄႇပဵၼ်ၵၢင်ၼႂ် 6 မူင်း ထိုင် 7 မူင်း ၶၢဝ်း တၢင်း မွၵ်ႈ 1 မူင်း ။ ပဵၼ်သိုၵ်းမၢၼ်ႈတင်း သိုၵ်းတဢၢင်းၶႃႈဢေႃႈ။ လွင်ႈလူႉမၢတ်ႇ တၢႆတႄႉ ဢမ်ႇလႆႈႁူႉၸွမ်းၶႃႈ။ ပၢင်တိုၵ်းတႄႉ ယဵၼ်ၵႂႃႇမွၵ်ႈ 7 မူင်းပၢႆၶႃႈယဝ်ႉ။ ဝၢႆးပၢင်တိုၵ်းယဵၼ် ၵႂႃႇ ၵေႃႈ သိုၵ်းတဢၢင်းထွၼ်ထွႆပၼ်သေ သိုၵ်းမၢၼ်ႈသမ်ႉ ဢဝ်မၢၵ်ႇလူင် ယိုဝ်းၸွမ်းၵုင်းလွႆၸိူဝ်းၼၼ်ႉ မွၵ်ႈ 10 လုၵ်ႈ။ ပၢႆလိူဝ်ၵူဝ်ၶူဝ်ႊဝိတ်ႉ ၵူၼ်းဝၢၼ်ႈထုင်ႉၼၼ်ႉ ယင်းလႆႈတူၵ်းၸႂ်ၵူဝ်ႁႄ ယွၼ်ႉပၢင်တိုၵ်း ထႅင်ႈ” ဝႃႈၼႆ။

သိုၵ်းလူင်ပွင်ၸိုင်ႈမၢၼ်ႈ တပ်ႉၼႆႉ ႁွၼ်ႈထဝ်ႇၵႂႃႇမႃး တၢင်းထုင်ႉမိူင်းယၢင်း၊ မိူင်းယေႃ၊ မိူင်းၵႅတ်ႈ၊ ဝၢၼ်ႈမၢၵ်ႇ ၸဵမ်မိူဝ်ႈ တႄႇမီးပၼ်ႁႃ ၵၼ်တင်း ၸုမ်းပျီႇတူႉၸိတ်ႉၵွင်းၶႃး(ၵူတ်ႉၶၢႆ)၊ ယၢမ်းလဵဝ် ထႅမ်ႁႅင်းသိုၵ်း ယိုတ်းဢဝ်တပ်ႉပၢင်သဝ်း ပျီႇတူႉၸိတ်ႉၵွင်းၶႃး တႂ်ႈတပ်ႉၸုမ်း 2 ဢၼ်ပၵ်း တၢင်းလွႆတဝ်ႇ၊ ႁူဝ်ၶူဝ်၊ ၵျႃယၢင် ဢၼ်မီး ၼႂ်းၵႄႈ မိူင်းယၢင်း တၢင်း ၸေႊဢူ။

ဢၼ်သိုၵ်းလူင်ပွင်ၸိုင်ႈမၢၼ်ႈ ၽဵဝ်ႈလၢင်ႉ ၸုမ်းပျီႇတူႉၸိတ်ႉ ၶၢင် KDA ထုင်ႉမိူင်းယေႃ ၼႆႉ တုမ်ႉယွၼ်ႈပႃးၵၢၼ်တူင်ႉၼိုင် ၸုမ်းသိုၵ်းဢူၺ်းလီပွတ်းႁွင်ႇ။ ၵူၼ်းယူႇပိုၼ်ႉတီႈတႄႉဝႃႈ ပၢင်တိုၵ်း ၸၢင်ႈပဵၼ်မႃးထႅင်ႈ ယွၼ်ႉသဵၼ်ႈတၢင်းၼႆႉ ပေႃးၶၢမ်ႈၶူင်းၵေႃႈ ပဵၼ်ၵႂႃႇ ၼႃႈလိၼ်ဝႃႉ UWSA ၵုမ်းၵမ်၊ ပဵၼ်သဵၼ်ႈတၢင်း ၸုမ်းဢူၺ်းလီပွတ်းႁွင်ႇ ၵွင်ႉၵၢႆႇၶဝ်ႈဢွၵ်ႇတင်း ၸုမ်းသိုၵ်းဝႃႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း