Thursday, February 9, 2023

လုၵ်ႈႁဵၼ်းၸၼ်ႉ 8 ဢႃယု 14 ပီ သိုၵ်းလူင်ပွင်ၸိုင်ႈမၢၼ်ႈ တီႉယဵတ်ႈၶွၵ်ႈ 2 ပီ ၼႄးဝႃႈ ၵပ်းသိုပ်ႇသိုၵ်းလွႆ TNLA

Must read

လုၵ်ႈႁဵၼ်း ဢႃယု 14 ပီ ဝဵင်းၼမ်ႉသၼ်ႇ ၵေႃႉၼိုင်ႈ ၺႃးသိုၵ်းမၢၼ်ႈတီႉ ၼႄးၵပ်းသိုပ်ႇၸုမ်းၼွၵ်ႈမၢႆမီႈသေ ပၼ်တူတ်ႈတၢမ်ႇၶွၵ်ႈ 2 ပီ။

ဝၼ်းတီႈ 30/10/2017 ၼၼ်ႉ ဢိင်ၼိူဝ်ၸဝ်ႈႁၢၼ်ၼႂ်းတပ်ႉမ 77 ၸႅင်ႈၵႂၢမ်းသေ လုမ်းတြႃးၼမ်ႉသၼ်ႇ တႅပ်း တတ်း ပၼ်တူၵ်းၶွၵ်ႈ (ၸၢႆး) မၢႆးၶဵဝ်ႇမိၼ်းထူၺ်း ႁွင်ႉ ဢၢႆႈယၢင်း ဢႃယု 14 ပီ လုၵ်ႈႁဵၼ်း ၸၼ်ႉပႅတ်ႇ ၸၢဝ်းၶိူဝ်း တဢၢင်း 2 ပီ။ သိုၵ်းမၢၼ်ႈၼႄးဝႃႈ ၵပ်းသိုပ်ႇတိတ်းတေႃႇၸုမ်းၼွၵ်ႈမၢႆမီႈ ၽိတ်းပၵ်းပိူင် 17/1 ၼႆသေ တီႉၺွပ်း မၼ်းၸၢႆး ဝႃႈၼႆ။

ဢၢႆႈယၢင်းၼႆႉ ၺႃးသိုၵ်းမၢၼ်ႈ ၶလယ 105 တီႉၺွပ်းမိူဝ်ႈဝၼ်းတီႈ 5 လိူၼ်ဢွၵ်ႊထူဝ်ႊၿိူဝ်ႊ တီႈဝၢၼ်ႈထမ်ႈသၢႆး ၸႄႈဝဵင်းၼမ်ႉသၼ်ႇ။ လုမ်းတြႃးၼမ်ႉသၼ်ႇ ဢဝ်ဢၢႆႈယၢင်း ၶိုၼ်ႈလုမ်းထဵတ်ႈထၢမ် ပွၵ်ႈလဵဝ်ၵူၺ်းသေ ဢၼ်မႃး ထွမ်ႇၸွမ်းပဵၼ်ၽူႈႁူႉၽူႈႁၼ်ၵေႃႈ မီးမႄႈမၼ်းၸၢႆးၵေႃႉလဵဝ်ၵူၺ်းလႄႈ တီႈၵိူဝ်းၵုမ် ၾၢႆႇမၢႆမီႈ တဢၢင်းၸီႉၸမ်ႈဝႃႈ လုမ်းတြႃးမၢၼ်ႈ ၽိတ်းပိူင်ထတ်းသိၼ်တြႃး ဢၼ်ဝႃႈတေလႆႈတတ်းသိၼ်တေႃႇၼႃႈၵူၼ်းတင်းၼမ်ၼၼ်ႉ ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- SHAN's Apps -spot_img

ၶၢဝ်ႇလိုၼ်းသုတ်း