တပ်ႉသိုၵ်းလူင်ပွင်ၸိုင်ႈပိုၼ်ၽၢဝ်ႇဝႃႈ ၼႂ်းဝူင်ႈႁႅၵ်ႈ လိူၼ်ဢေႊပရိူဝ်ႊ ၼႆႉၵူၺ်းတီႉလႆႈ ယႃႈမဝ်းၵမ် တီႈဝဵင်းၵူတ်ႉၶၢႆ ထႅင်ႈႁိမ်းသွင်မိုၼ်ႇလၢၼ်ႉပျႃး။
ဝၼ်းတီႈ 4/4/2020 ယၢမ်းၵၢင်ၼႂ် ႁွင်ႈၵၢၼ်ပိုၼ်ၽၢဝ်ႇ တပ်ႉသိုၵ်းလူင်ပွင်ၸိုင်ႈ ပိုၼ်ၽၢဝ်ႇဝႃႈ ၵူတ်ႇထတ်းတီႉလႆႈ ယႃႈ မဝ်းၵမ်ထႅင်ႈ မႅၼ်ႈၶၼ်ငိုၼ်းယူႇ 18,000 လၢၼ်ႉပျႃး (ကျပ်သိန်း ၁၈ ဘီလီယံ)။
ပဵၼ်ယႃႈမႃႉ၊ ယႃႈၾိၼ်ႇၽိူၵ်ႇလႄႈ ယႃႈၾိၼ်ႇလမ် ဢၼ်တီႉလႆႈၼႂ်းဝၢင်း ႁိူၼ်းဢူးလၢဝ်းယူင်ႇ ဝၢၼ်ႈလွႆၶမ်း ၸႄႈဝဵင်း ၵူတ်ႉၶၢႆ တင်းမူတ်း တႃႇၵႃႈၶၼ်ငိုၼ်းမႅၼ်ႈ 17,000 လၢၼ်ႉပျႃးပၢႆ လႄႈတီႉလႆႈတီႈႁိူၼ်း ဢူးလၢဝ်းၸဵင်ႇ (ႁွင်ႉ) ဢူးလၢဝ်း ၸၼ်ႇသႄႇ ထႅင်ႈတႃႇၶၼ်ငိုၼ်း 1 လၢၼ်ႉပျႃး ။
ၼႂ်းၸႄႈဝဵင်းၵူတ်ႉၶၢႆ ၸိုင်ႈတႆးပွတ်းႁွင်ႇၼႆႉ တႄႇဢဝ် ႁၢင်လိူၼ်မၢတ်ႉၶျ် တေႃႇထိုင် ႁူဝ်လိူၼ်ဢေႊပရိူဝ်ႊ ဝၼ်းတီႈ 4 ၼႆႉ တီႉလႆႈတင်းမူတ်း ယႃႈမဝ်းၵမ် တူၵ်းမႅၼ်ႈၶၼ်ငိုၼ်း 41,200 လၢၼ်ႉပျႃး (ကျပ်သိန်း ၄၁၂ ဘီလီယံ) ယဝ်ႉလႆႈႁူႉ ၼင်ႇၼႆ။
တီႈဝဵင်းၵူတ်ႉၶၢႆၼႆႉ မီးၸုမ်းယိပ်းၵွင်ႈၵၢင်ႇၼမ်၊ မီးလၢႆလၢႆၸၢဝ်းၶိူဝ်းယူႇသဝ်းႁူမ်ႈၵၼ်ဝႆႉ ပႃးၸဵမ်ပီႈၼွင်ႉၶႄႇ။
