ၸုမ်းၵူၼ်းၼုမ်ႇတႆး TYO ၸႄႈဝဵင်းသီႇသႅင်ႇ လူင်းပိုၼ်ႉတီႈထူပ်းၵူၼ်းမိူင်း တႃႇဝၢင်းၽႅၼ် ၵၢၼ်ၽုၵ်ႇသွမ်ႈ။
ဝၼ်းတီႈ 16 – 18 /01/2018 ၸုမ်းၵူၼ်းၼုမ်ႇတႆး TYO ၸႄႈဝဵင်းသီႇသႅင်ႇႁူမ်ႈတင်းၸုမ်း Winrock International ၸတ်ႁဵတ်းပၢင်ႁူပ်ႉထူပ်းၵူၼ်းဝၢၼ်ႈ တီႈဝၢၼ်ႈပၢင်ၵၢင်း ဢိူင်ႇ တၢမ်ႇၽၢၵ်ႇ၊ ဝၢၼ်ႈလိၼ်လႅင်ၸိူဝ်းၼႆႉ ၽူႈၶဝ်ႈႁူမ်ႈၼိုင်ႈတီႈလႂ်မီး 30 ပၢႆ။
ၸၢႆးပိုၼ်းႁၢၼ် ႁူဝ်ၼႃႈၸုမ်းၵူၼ်းၼုမ်ႇတႆး TYO ၸႄႈဝဵင်းသီႇသႅင်ႇလၢတ်ႈဝႃႈ – “ ယိူင်းဢၢၼ်း ဢၼ်ႁဝ်းၶႃႈ ၸတ်းႁဵတ်းၼႆႉ ၼင်ႇႁိုဝ်တီႈလိၼ်ၵူၼ်းမိူင်း ပေႃးတေဢမ်ႇပဝ်ႇႁၢမ်းဝႆႉလၢႆလၢႆ၊ ႁႂ်ႈၵူၼ်းမိူင်းမေႃလိူၵ်ႈႁႃ ၸိူဝ်ႉၽၼ်းၽုၵ်ႇ ပေႃးဢွၵ်ႇမွၵ်ႇဢွၵ်ႇမၢၵ်ႇယဝ်ႉႁႂ်ႈလႆႈၶၢႆ ” ဝႃႈၼႆ။
မိူဝ်ႈဝၼ်းတီႈ 13 – 24/11/2017 ၼၼ်ႉၵေႃႈ ၸုမ်းၵူၼ်းၼုမ်ႇတႆး TYO ၸၢႆးပိုၼ်းႁၢၼ်လႄႈ ၸၢႆးလၢဝ်ၶမ်း ဢွၼ်ဢဝ် တူဝ်တႅၼ်းၵူၼ်းဝၢၼ်ႈဢိူင်ႇၵုင်းသုတ်းလႄႈ ဢိူင်ႇတၢမ်ႇၽၢၵ်ႇၵႂႃႇလဵပ်ႈ ႁဵၼ်း လွၵ်းၵၢတ်ႇ ၼႂ်းဝဵင်းလူင် တူၼ်ႈတီး၊ လႃႈသဵဝ်ႈ၊ သႅၼ်ဝီ၊ မူႇၸေႊ ၸိူဝ်းၼႆႉသေ ၵပ်းသိုပ်ႇ ၶွမ်ႊပၼီႊလႄႈ ၸုမ်းၵပ်းသၢၼ်တႃႇၶၢႆၶူဝ်းႁႆႈ/ၶူဝ်းသူၼ်။
Photo – Sai Pune Harn
