ၵူၼ်းမိူင်းတႆး 10 ပၢႆဢၢၼ်းၵႂႃႇၶဝ်ႈႁူမ်ႈပွႆးသၢင်ႇလွင်း လုၵ်ႈလၢၼ် တီႈဝဵင်းၵဵင်းမႆႇ ၸိုင်ႈထႆး ထုၵ်ႇပလိၵ်ႈထႆးတီႉၺွပ်း သူင်ႇတူဝ်ပွၵ်ႈ ၶိုၼ်းတၢင်းလႅၼ်လိၼ်တႃႈၶီႈလဵၵ်း။

ဝၼ်းတီႈ 22/3/2020 ၵူၼ်းမိူင်းတႆး 15 ၵေႃႉ ဢၼ် ႁဵတ်းဝႂ် 7 ဝၼ်းၶဝ်ႈဝဵင်းၵဵင်းမႆႇ ဢၢၼ်းၵႂႃႇပွႆးသၢင်ႇလွင်း လုၵ်ႈ လၢၼ်ၼၼ်ႉ ၺႃးၸဝ်ႈၼႃႈတီႈပလိၵ်ႈထႆး တီႉၺွပ်း သူင်ႇတူဝ်ၶိုၼ်းမိူဝ်းတႃႈၶီႈလဵၵ်း။

ၸၢႆးၼုမ်ႇတုၺ်ႈ ႁူဝ်ပဝ်ႈပႃႇတီႇႁူဝ်သိူဝ် SNLD ၸႄႈဝဵင်းတႃႈၶီႈလဵၵ်း လၢတ်ႈတီႈၽူႈတွႆႇႁွၵ်ႈဝႃႈ “ ၸႂ်ႈၶႃႈဢေႃႈ ၵမ်ႈၼမ် ပဵၼ်ၵူၼ်းထဝ်ႈလႄႈ ၼၢင်းယိင်း ယူႇတၢင်းၸိုင်ႈတႆးပွတ်းႁွင်ႇ။ ၼႂ်းၼၼ်ႉ ၽူႈၸၢႆး 6 ၵေႃႉ လႄႈ ၼၢင်းယိင်း 9 ၵေႃႉ ” ဝႃႈၼႆ။

သိုဝ်ႇၶၢဝ်ႇ TNA ဢွၵ်ႇဝႆႉဝႃႈ ၵူၼ်းမိူင်းတႆး 15 ၼႆႉ ထုၵ်ႇၼၢႆးၼႃႈ(ပွဲစား) သူင်ႇႁဵတ်းဝႂ် တီႈလုမ်းၵူတ်ႇထတ်း ၵူၼ်းၶဝ်ႈ မိူင်း တီႈမႄႈသၢႆ ။ ယွၼ်းဝႂ် 7 ဝၼ်း တႃႇတေၵႂႃႇၵဵင်းမႆႇ ဝႃႈၼႆသေတႃႉ ၼႂ်းဝႂ်ၼၼ်ႉ သမ်ႉလူင်းလၢႆးမိုဝ်းဝႃႈ ၵႂႃႇၵဵင်းႁၢႆးၼႆလႄႈ ၺႃးတီႉၺွပ်းယွၼ်ႉၶၢမ်ႈၶဵတ်ႇလႅၼ်လိၼ်။ ၺႃး တူတ်ႈတၢမ်ႇငိုၼ်း ၼိုင်ႈၵေႃႉ လႆႈပၼ် 1,000 ဝၢတ်ႇ ။ လိူဝ်ၼၼ်ႉၺႃးၵုမ်းၶင် သူင်ႇတူဝ်ပွၵ်ႈၶိုၼ်းတၢင်းတႃႈၶီႈလဵၵ်း ဝႃႈၼႆ။