ၸၢဝ်းၶႄႇ 7 ၵေႃႉ ဢမ်ႇမီးဝတ်းဝႂ်သင် မူၵ်းယူႇၼႂ်းမူႇၸေႊ ၺႃးတပ်ႉသိုၵ်းလူင်ပွင်ၸိုင်ႈမၢၼ်ႈ ၵူတ်ႇထတ်းတီႉၺွပ်း တီႉ လႆႈပႃးၶိူင်ႈၵွင်ႈၵၢင်ႇ ၸွမ်းထႅင်ႈ။
ဝၼ်းတီႈ 19/3/2020 ၼၼ်ႉ ယူႇတီႈၾၢႆႇႁွင်ႈၵၢၼ်တပ်ႉသိုၵ်းလူင်ပွင်ၸိုင်ႈမၢၼ်ႈ ဢွၵ်ႇဝႆႉဝႃႈ လႆႈၶဝ်ႈၵူတ်ႇထတ်းတီႉလႆႈ ၸၢဝ်းၶႄႇ 7 ၵေႃႉ တီႈပွၵ်ႉၸွၼ်ႊၸူဝ်ႊ ၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ။ ၶႄႇ 7 ၵေႃႉၼႆႉ ၶဝ်ႈယူႇၼႂ်းၸႄႈဝဵင်းမူႇ ၸေႊ ဢမ်ႇပဵၼ်တၢင်းၵၢၼ်သေဢမ်ႇၵႃး သမ်ႉတီႉလႆႈပႃးၶိူင်ႈၵွင်ႈၵင်ႇထႅင်ႈ ဝႃႈၼႆ။
ႁွင်ႈၵၢၼ်ပိုၼ်ၽၢဝ်ႇတပ်ႉသိုၵ်းလူင်ပွင်ၸိုင်ႈမၢၼ်ႈ ဢွၵ်ႇဝႆႉဝႃႈ“ ၸၢဝ်းၶႄႇ 7 ၵေႃႉ ဢၼ်မႃးၶၢတ်ႈယူႇတီႈပွၵ်ႉၸွၼ်ႊ ၸူဝ်ႊ ၼၼ်ႉ ယွၼ်ႉၽိတ်းမေႃးၵၼ်လႄႈ လႆႈၶဝ်ႈၵူတ်ႇထတ်း၊ ဢၼ်ၶဝ်မႃးၶၢတ်ႈယူႇသဝ်းၼၼ်ႉၵေႃႈ ဢမ်ႇပဵၼ်တၢင်း ၵၢၼ် လၵ်ႉၶဝ်ႈယူႇသဝ်းၵူၺ်း။ သမ်ႉတီႉလႆႈပႃးၶိူင်ႈၵွင်ႈၵၢင်ႇထႅင်ႈ”ဝႃႈၼႆ။
ၶိူင်ႈၵွင်ႈၵၢင်ႇဢၼ်တီႉလႆႈၼၼ်ႉ မိူၼ်ၼင်ႇ မၢၵ်ႇၵွင်ႈ၊ မႅၵ်ႉၵွင်ႈ၊ ၵွင်ႈပွတ်း၊ မၢၵ်ႇၵွင်ႈလူင်(ဗုံးပစ်လောင်ချ) လႄႈ လဝ်းၵွင်ႈ ၸဵမ်ၸိူဝ်းၼႆႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ