Thursday, June 20, 2024

ၶၢဝ်ႇပွမ်/ လိုဝ်းဝႃႈ ထႆးပိၵ်ႉၽၵ်းတူမိူင်း မႄႈသၢႆ – တႃႈၶီႈလဵၵ်း

Must read

မိူဝ်ႈၼႆႉ ဝၼ်းတီႈ 17/3/2020 ယၢမ်းၵၢင်ၼႂ် 9 မူင်း မီးၶၢဝ်ႇဢွၵ်ႇလိုဝ်းဝႃႈ ၸဝ်ႈၼႃႈတီႈထႆး ပိၵ်ႉႁပ်းၽၵ်းတူမိူင်း ၶူဝ်လႅၼ် လိၼ်မႄႈသၢႆ – တႃႈၶီႈလဵၵ်းၼႆၼၼ်ႉ ဢမ်ႇၸႂ်ႈ/ ပဵၼ်ၶၢဝ်ႇပွမ်လိုဝ်းႁဵတ်းႁႂ်ႈ ၵူၼ်းၵႂႃႇ/မႃး ၵႃႉ/ၶၢႆ ဝူင်ႈၵၢင် သွင်မိူင်း တိုၼ်ႇ သၢၼ်ႈတူၵ်းၸႂ်ၵူၺ်း ဝႃႈၼႆ။

Photo by – myominthant myo myo/ ၽၵ်းတူ ၶဝ်ႈဢွၵ်ႇ မႄႈသၢႆ – တႃႈၶီႈလဵၵ်း တၢင်းၾင်ႇမႄႈသၢႆ

ဢိင်ၼိူဝ်တၢင်းပဵၼ်ၶူဝ်ႊရူဝ်ႊၼႃႊၽႄႈလၢမ်းသေ မီးၶၢဝ်ႇဝႃႈ ၸၢဝ်းၶႄႇၼပ်ႉပၢၵ်ႇၶိုင်လတ်းလႅၼ်လိၼ်/ ၾၢႆႇထႆး ၵူဝ် တၢင်းပဵၼ်ၽႄႈလၢမ်းသေ ပိၵ်ႉႁၢမ်ႈဢမ်ႇပၼ်ၵူၼ်းၶဝ်ႈဢွၵ်ႇ တီႈၶူဝ်မိုတ်ႈၵိုတ်းမၢႆ 1 (တႃႈၶီႈလဵၵ်း – မႄႈသၢႆ) ၼႆၼၼ်ႉ ဢမ်ႇၸႂ်ႈ/ ၵူၼ်းတိုၵ်ႉၶၢမ်ႈပႆၵႂႃႇမႃးၵၼ် မိူၼ်ၵူႈဝၼ်းယူႇ ဝႃႈၼႆ။

- Subscription -

ၽူႈၵွၼ်းၸႄႈတွၼ်ႈ တႃႈၶီႈလဵၵ်း လၢတ်ႈတီႈၽူႈတွႆႇႁွၵ်ႈဝႃႈ “ ဢမ်ႇၸႂ်ႈၶႃႈ လွင်ႈဢိုတ်းၶူဝ် လႅၼ်လိၼ် တႃႈၶီႈလဵၵ်း – မႄႈ သၢႆၼႆႉ။ တၢင်းၾင်ႇထႆးၶဝ် ဢိုတ်းၼၼ်ႉ ၶဝ်ဢိုတ်းၵူၼ်းၸၢဝ်းၶႄႇ 537 ၵေႃႉ ဢၼ်လုၵ်ႉတၢင်းမိူင်းထႆး မႃးဢႅဝ်ႇမီးဝႆႉ တၢင်းတႃႈၶီႈလဵၵ်းၼၼ်ႉၵူၺ်း။ လွင်ႈလၢၼ်ႇ/ ၵဵတ်ႉ တီႈၶူဝ်ၼၼ်ႉတႄႉ ပိုတ်ႇ ပၼ်ၵူၼ်းမိူင်း ၵႂႃႇမႃးၵၼ်မိူၼ်ၵဝ်ႇၵူၺ်း ဢမ်ႇလႆႈဢိုတ်း” ဝႃႈၼႆ။

ၸၢႆးၼုမ်ႇတုၺ်ႈ ႁူဝ်ပဝ်ႈ ပႃႇတီႇႁူဝ်သိူဝ် ၸႄႈဝဵင်းတႃႈၶီႈလဵၵ်း လၢတ်ႈတီႈၽူႈတွႆႇႁွၵ်ႈဝႃႈ “ ၶူဝ်ဢမ်ႇပိၵ်ႉၶႃႈ။ ပိုတ်ႇပၼ် ၵူၼ်းၵႂႃႇမႃးမိူၼ်ၵဝ်ႇယူႇ။ လွင်ႈၶၢဝ်ႇႁူင်လိုဝ်းၵၼ်ဝႃႈ ပိူၼ်ႈပိၵ်ႉၶူဝ်ဢၼ်ဝႃႈၼၼ်ႉ မၼ်းဢမ်ႇၸႂ်ႈၶႃႈ၊ ပိူၼ်ႈဢမ်ႇလႃႈလီႈ ပိၵ်ႉၵမ်းလဵဝ်။ သင်ဝႃႈ တေပိၵ်ႉၶူဝ်ၼႆ တင်းသွင်မိူင်း တေလႆႈဢုပ်ႇဢူဝ်းၵၼ် လူင်းလၢႆးမိုဝ်းသေၵွၼ်ႇ။ ယဝ်ႉၵေႃႈ မွၵ်ႇ သိုဝ်ႇၶၢဝ်ႇမႃးသေ သပ်းလႅင်းလၢတ်ႈၼႄ ဢွၵ်ႇၶၢဝ်ႇသေၵွၼ်ႇ ၸင်ႇတေမၵ်းမၼ်ႈဝႃႈ ပိၵ်ႉၶူဝ်”ဝႃႈၼႆ။

ၽၵ်းတူမိူင်း ဝူင်ႈၵၢင်မိူင်းထႆး – မိူင်းႁူမ်ႈတုမ်မၢၼ်ႈ ဢၼ်ပိုတ်ႇပဵၼ်တၢင်းၵၢၼ် မိူၼ်ၼင်ႇ ၶူဝ်လူင်ဝူင်ႈၵၢင်မျႃႉဝတီႇ-မႄႈ သွတ်ႇ ၶူဝ်မၢႆ 1,2 ၊ ၶူဝ်လူင် တႃႈၶီႈလဵၵ်း – မႄႈသၢႆ ၶူဝ်မၢႆ 1,2 ၸိူဝ်းၼႆႉ ဢၼ်လူင်ပွင်ၸိုင်ႈသွင်မိူင်းပိုၼ်ၽၢဝ်ႇပိၵ်ႉ ႁပ်ႉ ဢမ်ႇမီး ၽၵ်းတူဢၼ်ဢမ်ႇပိုတ်ႇပဵၼ်တၢင်းၵၢၼ်ၵမ်ႈၽွင်ႈ မိူၼ်ၼင်ႇ ၼႂ်းၸႄႈဝဵင်းမိူင်းၾၢင်/ ၵဵင်းလၢဝ် ၸိူဝ်းၼႆႉ ဝူင်ႈ ၼႆႉ ပိၵ်ႉႁပ်းဢမ်ႇပၼ်ၵူၼ်းၵႂႃႇမႃးသေတႃႉ တၢင်ႇတီႈတႄႉ တိုၵ်ႉမီးၵူၼ်းၶဝ်ႈၵႂႃႇ/ မႃးလႆႈယူႇ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း