ၵူၼ်းဝၢၼ်ႈ ၼႂ်းၸႄႈဝဵင်းသီႇပေႃႉ သႅၼ်းဢႃယု 30 ပၢႆၵေႃႉ ႞ ၵႂႃႇလႃႈထိူၼ်ႇ တူၵ်းၶဵင်ႇလၢင်း လူႉတၢႆထင်တီႈ ဝႃႈၼႆ။
မိူဝ်ႈဝၼ်းတီႈ 12/3/2020 ၼၼ်ႉ ထူပ်းႁၼ် တူဝ်တၢႆ ၸၢႆးမိလိင်ႇ ဢႃယု 35 ပီ တီႈၼႂ်းထိူၼ်ႇ တၢင်းဢွၵ်ႇလွႆၵွမ် ယၢၼ်ၵႆ ၵၼ်တင်းဝၢၼ်ႈမၢၵ်ႇၶေႃ မွၵ်ႈ 1 လၵ်း ၼႂ်းဢိူင်ႇၼႃးၼိဝ်ႉ ၸႄႈဝဵင်းသီႇပေႃႉ ၸိုင်ႈတႆးပွတ်း ႁွင်ႇ ပဵၼ်ၽေးဢုပၢတ်ႈ တူၵ်း ၶဵင်ႇလၢင်းသေ လူႉတၢႆ ဝႃႈၼႆ။
သၢင်ႇၸၢႆး ၵူၼ်းပိုၼ်ႉတီႈ လၢတ်ႈတီႈၽူႈတွႆႇႁွၵ်ႈဝႃႈ “ ၸႂ်ႈၶႃႈဢေႃႈ ပဵၼ်ၵူၼ်းဝၢၼ်ႈမၢၵ်ႇၶေႃ ၵျွင်းၶမ်းၶႃႈ မၼ်းၸၢႆးၵႂႃႇႁႃ ၵၢင်တူဝ်ထိူၼ်ႇ ၵႂႃႇမူၵ်းယူႇဝႆႉၼိူဝ်ၶဵင်ႇလၢင်း ႁဵတ်းႁိုဝ်လႄႈ ယၢတ်ႇတူၵ်းၶဵင်ႇလၢင်းမႃးၵေႃႈ ဢမ်ႇႁူႉ မၼ်းၸၢႆးတႄႉ တူၵ်း မႃးသေ လႆႈလူႉတၢႆထင် တီႈၼၼ်ႈၵမ်ႈလဵဝ်ယဝ်ႉ” ဝႃႈၼႆ။
ၸၢႆးမိလိင်ႇၼႆႉ တႄႇဢွၵ်ႇႁိူၼ်းၵႂႃႇႁႃတူဝ်ထိူၼ်ႇ မိူဝ်ႈဝၼ်းတီႈ 10/3/2020 ယၢမ်းတၢမ်းၶမ်ႈသေ ဢမ်ႇပွၵ်ႈမႃးႁိူၼ်း ယူႇ တီႈလုၵ်ႈလၢင်းမၼ်းၸၢႆး ဢွၼ်ၵၼ်မႆႈၸႂ်သေ ၸွမ်းၶႆႈႁႃ ၸင်ႇလႆႈၵႂႃႇထူပ်းႁၼ်တူဝ်တၢႆမၼ်းၸၢႆး မိူဝ်ႈဝၼ်းတီႈ 12/3/ 2020 ၼၼ်ႉ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ