ၵူတ်ႇထတ်းတီႉလႆႈထႅင်ႈ ယႃႈမဝ်းၵမ်လႄႈ ၶိူင်ႈတူမ်ႈႁုင်ယႃႈ တီႈၼႂ်းၸႄႈဝဵင်းၵူတ်ႉၶၢႆ ၵူၺ်းပႆႇတီႉလႆႈတူဝ်ၸဝ်ႈၶွင် ယႃႈ။
ဝၼ်းတီႈ 11/3/2020 ယၢမ်းၵၢင်ၼႂ် 10 မူင်းပၢႆၼၼ်ႉ တပ်ႉသိုၵ်းလူင်ပွင်ၸိုင်ႈမၢၼ်ႈ ၶဝ်ႈၵူတ်ႇထတ်း ႁိူၼ်းဢူးဝၼ်း တႃၸူင်း တီႈဝၢၼ်ႈလွႆၶမ်း ၸႄႈဝဵင်းၵူတ်ႉၶၢႆ ၸိုင်ႈတႆးပွတ်းႁွင်ႇ။ တီႉလႆႈ ၶိူင်ႈၵွင်ႈ သၼၢႆႇပႃႇလႄႈ မၢၵ်ႇၵွင်ႈ ယဝ်ႉၵေႃႈ တီႉလႆႈပႃးထႅင်ႈၵူၼ်းပႂ်ႉႁိူၼ်းယေးထႅင်ႈ ၽူႈၸၢႆး 2 ၵေႃႉ။
သိုပ်ႇသေၼၼ်ႉ ယၢမ်းၵၢင်ဝၼ်း 12 မူင်းသမ်ႉ ၵူတ်ႇထတ်းႁၼ်ထႅင်ႈ ၶိူင်ႈၵွင်ႈၵၢင်ႇ၊ ယႃႈမဝ်းၵမ်လႄႈ ၶိူင်ႈတူမ်ႈႁုင် ယႃႈ ၼႂ်းႁွင်ႈၵဵပ်းၶွင်တီႈႁိူၼ်း ဢူးဝၼ်းတႃၸူင်း။
ထိုင်မႃး ယၢမ်းဝၢႆးဝၼ်း 2 မူင်းသမ်ႉ ၶဝ်ႈၵူတ်ႇထတ်းထႅင်ႈၼႂ်းႁွင်ႈၵဵပ်းၶွင် ႁိူၼ်းဢူးၸဵင်ႇဝိၼ်း ၵူၼ်းဝၢၼ်ႈသႅဝ်ႇႁေႃ (ရှောက်ဟော်ကျေးရွာ) တီႈဝၢၼ်ႈလွႆၶမ်းသေ တီႉလႆႈယႃႈမဝ်းၵမ်လႄႈ ၶိူင်ႈတူမ်ႈႁုင်ယႃႈ ၸဵမ်ၸိူဝ်းၼႆႉ။
တႄႇဢဝ် ဝၼ်းတီႈ 28/2/2020 ထိုင် ဝၼ်းတီႈ 10/3/2020 ၼႆႉမႃး ပလိၵ်ႈလႄႈ သိုၵ်းပိုၼ်ၽၢဝ်ႇဝႃႈ တီႉလႆႈ ယႃႈမဝ်း ၵမ်၊ ၶိူင်ႈတူမ်ႈႁုင်ယႃႈမဝ်းၵမ်လႄႈ ၶိူင်ႈၵွင်ႈၵၢင်ႇ မႅၼ်ႈငိုၼ်း 274 သႅၼ်လၢၼ်ႉပၢႆ။ ၵူၺ်းၵႃႈ တူဝ်ၸဝ်ႈၶွင်ယႃႈၸိူဝ်း ၼႆႉသမ်ႉ ဢမ်ႇပႆႇတီႉလႆႈသေၵေႃႉ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ