Thursday, June 1, 2023

ၵူၼ်းမိူင်းၼၢႆး ပူၵ်းပၢႆႉၵၢတ်ႇမႂ်ႇ ဢၼ်ပႃးလိၵ်ႈတႆး

Must read

ၵူၼ်းမိူင်းၼၢႆး ႁူမ်ႈၵၼ် တၢင်ႇပၢႆႉၵၢတ်ႇမႂ်ႇ ဢၼ်ပႃးလိၵ်ႈတႆး တႅမ်ႈဝႆႉဝႃႈ “ၵၢတ်ႇလူင် မိူင်းၼၢႆး” ဝႃႈၼႆ။

Photo by – Sai Lang Herng LaiKha/ တၢင်ႇပၢႆႉ ၵၢတ်ႇလူင် မိူင်းၼၢႆး မိူဝ်ႈဝၼ်းတီႈ 26/1/2020

ဝၼ်းတီႈ 26/1/2020 ယၢမ်းၵၢင်ၼႂ် 9 မူင်း ၵူၼ်းမိူင်း တင်း ၶွမ်ႊမတီႊၾၢႆႇလိူမ်ႈလႆႇ ၸႄႈဝဵင်းမိူင်းၼၢႆး ႁူမ်ႈၵၼ်တၢင်ႇပၢႆႉ ၵၢတ်ႇလူင် မိူင်းၼၢႆး ၽၵ်းတူၵၢတ်ႇ ၾၢႆႇၸၢၼ်း ၼႂ်းၸႄႈဝဵင်းမိူင်းၼၢႆး ၸႄႈတွၼ်ႈလၢင်းၶိူဝ်း ၸိုင်ႈတႆးပွတ်းၸၢၼ်း။

- Subscription -

ၸၢႆးထုၼ်းဢေး ၶွမ်ႊမတီႊၾၢႆႇလိူမ်ႈလႆႇ ၸႄႈဝဵင်းမိူင်းၼၢႆး လၢတ်ႈၽူႈတွႆႇႁွၵ်ႈဝႃႈ “မိူင်းၼၢႆးႁဝ်းၶႃႈၼႆႉ ပဵၼ် မိူင်းတႆး ဝဵင်း ၼိုင်ႈသေ ယဝ်ႉၵေႃႈ တီႈၵၢတ်ႇႁဝ်းၶႃႈၼႆႉၵေႃႈ ပီႈၼွင်ႉတႆးႁဝ်း သိုဝ်ႉၵႃႉၶၢႆၵၼ်။ လိူဝ်ၼၼ်ႉ ဝဵင်းမိူင်းၼၢႆးႁဝ်းၶႃႈၼႆႉ ပဵၼ် ဝဵင်းၵိုၵ်းပိုၼ်းဝဵင်းၼိုင်ႈၵေႃႈၸႂ်ႈလႄႈ ယိူင်းဢၢၼ်းတႃႇတေတႅမ်ႈလိၵ်ႈတႆးသႂ်ႇတီႈၵၢတ်ႇၼႆႉ ႁဝ်းၶႃႈ ယိူင်းဢၢၼ်းဝႆႉ ႁိုင် ယဝ်ႉၶႃႈ ၵူၺ်းၵႃႈ လႆႈၼၢၼ်းၽေႃႇၼမ်ႉၼႄတူဝ်ဢိတ်းၼိုင်ႈၶႃႈ” ဝႃႈၼႆ။

ပၢႆႉၵၢတ်ႇလူင် မိူင်းၼၢႆး ၾၢႆႇၸၢၼ်းၵၢတ်ႇၼႆႉ တႅမ်ႈဝႆႉလိၵ်ႈၽႃသႃတႆးဝႆႉဝႃႈ ၵၢတ်ႇလူင် မိူင်းၼၢႆး ဝႃႈၼႆ။

ၸၢႆးထုၼ်းဢေး သိုပ်ႇလၢတ်ႈဝႃႈ “ ၵၢတ်ႇမိူင်းၼၢႆးႁဝ်းၶႃႈၼႆႉ မီးဝႆႉၽၵ်းတူ ၶဝ်ႈၵၢတ်ႇသွင်ၾၢႆႇ ၾၢႆႇဢွၵ်ႇလႄႈ တၢင်းၾၢႆႇ ၸၢၼ်း။ တေႃႈလဵဝ်ၼႆႉ ႁဝ်းၶႃႈတၢင်ႇပၢႆႉဝႆႉၾၢႆႇၸၢၼ်းၵူၺ်းၶႃႈ။ တွၼ်ႈတႃႇ တၢင်းပွတ်းၾၢႆႇဢွၵ်ႇတႄႉ ႁဝ်းၶႃႈ ၶပ်းၶိုင်ဝႆႉ ယူႇၶႃႈ။ တင်းမူတ်းတူၵ်းမႅၼ်ႈငိုၼ်းယူႇ 180,000 ပျႃး။ လွင်ႈၸႂ်ႉၸၢႆႇတႄႉ ဢဝ်ငိုၼ်းၵွင်ၵၢင် ၼႂ်းၶွမ်ႊမတီႊၾၢႆႇလိူမ်ႈလႆႇ ၸႄႈဝဵင်းႁဝ်းၶႃႈသေ ၸႂ်ႉတိုဝ်းႁဵတ်းသၢင်ႈၵႂႃႇၶႃႈ”ဝႃႈၼႆ။

တွၼ်ႈတႃႇ ပၢႆႉတၢင်းၽၵ်းတူ ၾၢႆႇဢွၵ်ႇသမ်ႉ တိုၵ်ႉၶပ်းၶိုင်ႁဵတ်းဝႆႉယူႇ တေတႅမ်ႈလိၵ်ႈသႂ်ႇၸွမ်း 3 ၽႃသႃ ပိူင်လူင်မၼ်း လိၵ်ႈတႆး၊ လိၵ်ႈမၢၼ်ႈလႄႈ လိၵ်ႈဢင်းၵိတ်း ၸၢႆးထုၼ်းဢေး သပ်းလႅင်းလၢတ်ႈၼႄၼင်ႇၼႆ။

တေႃႈလဵဝ် ၼႂ်းမိူင်းတႆးၼႆႉ ဢွၼ်ၵၼ်ႁဵတ်းပၢႆႉၵၢတ်ႇ တႅမ်ႈသႂ်ႇပႃးလိၵ်ႈတႆး ပူၵ်းတၢင်ႇပၢႆႉၸွမ်းၵၢတ်ႇၵၼ်မႃး မိူၼ်ၼင်ႇ မိူင်းယႆ၊ လၢႆးၶႃႈ၊ ၵေးသီး၊ ၼမ်ႉလၼ်ႈလႄႈ မိူင်းၼၢႆး ၸဵမ်ၸိူဝ်းၼႆႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း