Friday, March 29, 2024

ယိုဝ်းၵၼ်ၼႂ်းၸႄႈဝဵင်း ၼမ်ႉသၼ်ႇ လႄႈ မၢၼ်ႈတူင်ႈ ဝၼ်းလဵဝ် 4 ၵမ်း

Must read

ၼႂ်းဝၼ်းလဵဝ်ၵူၺ်း သိုၵ်းလူင်ပွင်ၸိုင်ႈမၢၼ်ႈ တင်း သိုၵ်းတဢၢင်း TNLA ပဵၼ်ပၢင်တိုၵ်းၵၼ် ဢမ်ႇယွမ်း 4 ပွၵ်ႈ။

Photo by – TNLA/ တပ်ႉသိုၵ်းတဢၢင်း

ဝၼ်းတီႈ 14/1/2020 ၼၼ်ႉ သိုၵ်းလူင်ပွင်ၸိုင်ႈမၢၼ်ႈ တင်း သိုၵ်းတဢၢင်း TNLA ပဵၼ်ပၢင်တိုၵ်းၵၼ် ၼႂ်းၸႄႈဝဵင်းၼမ်ႉ သၼ်ႇလႄႈ တင်းၸႄႈဝဵင်းမၢၼ်ႈတူင်ႈ ၸိုင်ႈတႆးပွတ်းႁွင်ႇ။ ၼႂ်းၸႄႈဝဵင်းၼမ်ႉသၼ်ႇၼၼ်ႉ ပဵၼ်ပၢင်တိုၵ်းၵၼ် ၼႂ်းၵႄႈ ဝၢၼ်ႈၵတူဝ်ႉၶူဝ်ႇ(ကဒို့ခိုကျေးရွာ) လႄႈပၢင်တူႇဢီး (ပန်တူအီးကျေးရွာ) ယၢမ်းၵၢင်ၼႂ် 9:50 မူင်း။ တၢင်းၸႄႈ ဝဵင်းမၢၼ်ႈ တူင်ႈသမ်ႉ ပဵၼ်ၵၼ်တၢင်း ဝၢၼ်ႈတေႃးၼေႇ(တောနေကျေးရွာ) တင်း မၢၼ်ႈၸၢပ်ႈ(မန်စပ်ကျေးရွာ) ယၢမ်းၵၢင် ၼႂ် 6:20 မူင်း ထိုင် 6:55 မူင်းၵမ်းၼိုင်ႈ၊ ယၢမ်းၵၢင်ၼႂ် 10:45 မူင်း ထိုင် 11:35 မူင်း ၵမ်းၼိုင်ႈ။ လိူဝ်ၼၼ်ႉ ယၢမ်းၵၢင်ၼႂ် 11:50 မူင်း ထိုင် ယၢမ်းဝၢႆးဝၼ်း 4:40 မူင်း ၵမ်းၼိုင်ႈ ဝႃႈၼႆ။

- Subscription -

ၵူၼ်းပိုၼ်ႉတီႈ မၢၼ်ႈတူင်ႈ လၢတ်ႈတီႈၽူႈတွႆႇႁွၵ်ႈဝႃႈ “ သိုၵ်းမၢၼ်ႈတင်း သိုၵ်းတဢၢင်း ပဵၼ်ၵၼ်ၶႃႈဢေႃႈ။ မိူဝ်ႈၶမ်ႈဝႃး ၼႆႉ ပဵၼ်တင်းဝၼ်းၶႃႈယဝ်ႉ။ လွင်ႈမၢတ်ႇၸဵပ်းလူႉတၢႆတႄႉ ဢမ်ႇလႆႈႁူႉၶႃႈ” ဝႃႈၼႆ။

ႁွင်ႈၵၢၼ်ပိုၼ်ၽၢဝ်ႇတပ်ႉသိုၵ်းတဢၢင်း ဢွၵ်ႇဝႆႉဝႃႈ “ မိူဝ်းဝႃး ဝၼ်းတီႈ 14/1/2020 ယၢမ်းဝၢႆးဝၼ်း 1:41 မူင်းၼၼ်ႉ သိုၵ်း လူင်ပွင်ၸိုင်ႈမၢၼ်ႈ ဢၼ်ပၵ်း ဝႆႉတီႈ ၸႄႈဝဵင်းမၢၼ်ႈတူင်ႈၼၼ်ႉ ၸႂ်ႉၵွင်ႈလူင် မၢၵ်ႇ 130 mm ယိုဝ်းသႂ်ႇတီႈႁိမ်းႁွမ်း ဢၼ် ပဵၼ်ပၢင်တိုၵ်းၵၼ်ၼၼ်ႉ မွၵ်ႈ 8 လုၵ်ႈ” ဝႃႈၼႆ။

ၼႂ်းပီ 2020 လိူၼ်ၵျႅၼ်ႊၼိဝ်ႊရီႊၼႆႉ သိုၵ်းလူင်ပွင်ၸိုင်ႈမၢၼ်ႈတင်း သိုၵ်းတဢၢင်း TNLA ပဵၼ်ပၢင်တိုၵ်းၵၼ် ဢမ်ႇယွမ်း 9 ပွၵ်ႈယဝ်ႉ ႁွင်ႈၵၢၼ်ပိုၼ်ၽၢဝ်ႇ တပ်ႉသိုၵ်းတဢၢင်း ပိုၼ်ၽၢဝ်ႇဢွၵ်ႇဝႆႉ။

မိူဝ်ႈဝၼ်းတီႈ 12/1/2020 ၼၼ်ႉၵေႃႈ သိုၵ်းလူင်ပွင်ၸိုင်ႈမၢၼ်ႈတင်း သိုၵ်းတဢၢင်း TNLA ပဵၼ်ပၢင်တိုၵ်းၵၼ် ၼႂ်းၵႄႈ ဝၢၼ်ႈပၢင်ႁၢၼ်ႇ တင်း ဝၢၼ်ႈၼေႃႉၼေႃႇ ၸႄႈဝဵင်းၼမ်ႉၶမ်း ၸိုင်ႈတႆးပွတ်းႁွင်ႇ ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း