ပလိၵ်ႈၾၢႆႇၽဵဝ်ႈမူၺ်ႉယႃႈမဝ်းၵမ် ၵူတ်ႇထတ်းတီႉလႆႈ ယႃဢႆႊသ် တင်း ၵၢတ်ႊတမိၼ်ႊ ၼႂ်းရူတ်ႉၵႃးလမ်းၼိုင်ႈ ၵႃႈၶၼ် ၼပ်ႉႁဵင်သႅၼ် ၼႂ်းၸႄႈဝဵင်းသီႇသႅင်ႇ။
ဝၼ်းတီႈ 13/1/2020 ယၢမ်းၵၢင်ၶမ်ႈ ပလိၵ်ႈၾၢႆႇၽဵဝ်ႈမူၺ်ႉယႃႈမဝ်းၵမ် တင်း တပ်ႉပလိၵ်ႈ ႁူမ်ႈၵၼ် ၵူတ်ႇထတ်းတီႉလႆႈ ယႃႈဢႆႊသ် (ICE) ၼမ်ႉၼၵ်း 5 ၵီႊလူဝ်ႊ (မႅၼ်ႈၶၼ်ငိုၼ်း 1,000 သႅၼ်) ယဝ်ႉၵေႃႈ ၵၢတ်ႊ တမိၼ်ႊ ၼမ်ႉၼၵ်း 20 ၵီႊ လူဝ်ႊ (မႅၼ်ႈၶၼ် ငိုၼ်း 2,000 သႅၼ်) ၼႂ်းရူတ်ႉၵႃး ဢၼ်မွင်ႇႁဵင်းထႅၵ်ႉ ၵူၼ်းမိူင်းမွၼ်း တင်း မွင်ႇမိၼ်းဢွင်ႇ ၵူၼ်းမိူင်း ယၢင်းၽိူၵ်ႇ ၼႂ်းၵႄႈမွၵ်ႇမႆႇ – သၢႆးၶၢဝ် ၸႄႈဝဵင်းသီႇသႅင်ႇ ၸိုင်ႈတႆးပွတ်းၸၢၼ်း။
ၵဵဝ်ႇၵပ်းလွင်ႈၼႆႉ ယူႇတီႈပလိၵ်ႈၾၢႆႇၽဵဝ်ႈမူၺ်ႉယႃႈမဝ်းၵမ် လႆႈပိုတ်ႇလိူင်ႈ ၸွႆးတြႃး ၶဝ်သွင်ၵေႃႉဝႆႉ တီႈႁူင်းပလိၵ်ႈ ၸွမ်း ၼင်ႇပၵ်းပိူင်မၢႆမီႈဝၢၼ်ႈမိူင်းမီး ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ