ပလိၵ်ႈၵူတ်ႇထတ်းတီႉလႆႈ ယႃႈၾိၼ်ႇၽိူၵ်ႇ တင်း ယႃႈမႃႉ တႃႇၵႃႈၶၼ်ငိုၼ်းမၢၼ်ႈ 3,100 သႅၼ်ပျႃး ၼႂ်းၸႄႈဝဵင်းမူႇၸေႊ ၸိုင်ႈ တႆးပွတ်းႁွင်ႇ။
ဝၼ်းတီႈ 15/12/2019 ယၢမ်းဝၢႆးဝၼ်း မွၵ်ႈ 4 မူင်း ပလိၵ်ႈၵူတ်ႇထတ်းတီႉလႆႈ တီႈရူတ်ႉၵႃး မွင်ႇလိၵျႃးၸၼ် ဢႃယု 30 ပီ ႁိမ်းၵဵတ်ႉ/ လၢၼ်ႇ ဢူဝ်ႊလီႊယၼ်ႊတေႊ သဵၼ်ႈတၢင်း လႃႈသဵဝ်ႈ – မူႇၸေႊ ၼႂ်းၸႄႈဝဵင်းမူႇၸေႊ ၸိုင်ႈတႆး ပွတ်းႁွင်ႇ။ တီႉလႆႈ ယႃႈၾိၼ်ႇၽိူၵ်ႇၼမ်ႉၼၵ်း 6.6 ၵီႇလူဝ်ႇ ( မႅၼ်ႈငိုၼ်းမၢၼ်ႈ 1,320 သႅၼ်ပျႃး) လႄႈ ယႃႈမႃႉ 120,000 မဵတ်ႉ (မႅၼ်ႈ ငိုၼ်းမၢၼ်ႈယူႇ 1,800 သႅၼ်ပျႃး)လႄႈ ၾူၼ်း(မိုဝ်းထိုဝ်) ထႅင်ႈ 2 လုၵ်ႈ ႁွင်ႈၵၢၼ်ပိုၼ်ၽၢဝ်ႇယႃႈမဝ်းၵမ် ပိုၼ်ၽၢဝ်ႇဢွၵ်ႇ ဝႆႉၼင်ႇၼႆ။
ၵဵဝ်ႇလူၺ်ႈလွင်ႈၼႆႉ ယူႇတီႈပလိၵ်ႈၾၢႆႇၽဵဝ်ႈမူၺ်ႉယႃႈမဝ်းၵမ် လႆႈၵုမ်းၶင်တူဝ် ၵူၼ်းႁေႃႈၵႃးၼၼ်ႉဝႆႉသေ ပိုတ်ႇလိူင်ႈၸွႆး တြႃး ၸွမ်းၼင်ႇပၵ်းပိူင်မၢႆမီႈဝၢၼ်ႈမိူင်းမီး တီႈႁူင်းပလိၵ်ႈၸႄႈဝဵင်းမူႇၸေႊ ဝႃႈၼႆ။