ပီႈၼွင်ႉတႆး ၸေႊလၢၼ်ႉ ၸတ်းႁဵတ်း ပၢင်ပွႆးႁူမ်ၸူမ်းႁပ်ႉတွၼ်ႈပီမႂ်ႇတႆး တီႈၸေႊလၢၼ်ႉ မီးပီႈၼွင်ႉတႆး တီႈၸမ်တီႈၵႆ ၶဝ်ႈႁူမ်ႈၵိုၼ်းၶွၼ်ႈ။
ဝၼ်းတီႈ 8-9/12/2019 ၶၢဝ်းတၢင်း 2 ဝၼ်း ယူႇတီႈၵေႃလိၵ်ႈလၢႆးလႄႈၾိင်ႈငႄႈတႆး ၸေႊလၢၼ်ႉ ဢွၼ်ႁူဝ်ၼမ်းၼႃႈ ၸတ်းႁဵတ်းပၢင်ပွႆးႁူမ်ၸူမ်းႁပ်ႉတွၼ်ႈပီမႂ်ႇတႆး 2114 ၼီႈ တီႈဝတ်ႉႁွင်ႇၸေႊလၢၼ်ႉ ၸႄႈဝဵင်းမူႇၸေႊ ၸိုင်ႈတႆးပွတ်း ႁွင်ႇ။
ၸၢႆးမၢဝ်းဢွၼ်ႇ ၽူႈပွင်ၵၢၼ် ပွင်ပဵၼ်ပၢင်ပွႆး လၢတ်ႈတီႈၽူႈတွႆႇႁွၵ်ႈဝႃႈ “ ၵွပ်ႈပိူဝ်ႈဝႃႈ တီႈထုင်ႉမၢဝ်းႁဝ်းၶႃႈၼႆႉ ပၼ်ႇပုတ်ႈ ၵၼ်ႁဵတ်း ပေႃးႁဝ်းၶႃႈၸတ်းႁဵတ်းၶပ်ႉတၢမ်းၵၼ်ၵႂႃႇၸိုင် မၼ်းႁိူဝ်ႉပွႆးၼႃႇလႄႈ ႁဝ်းၶႃႈ ၸင်ႇမႃးၸတ်း ႁဵတ်း ဝၢႆးလင် ဢိတ်းၼိုင်ႈၶႃႈ၊ ၶပ်ႉမၢႆပၢင်ပွႆးႁဝ်းၶႃႈတႄႉ မိူၼ်ၵူႈပီပီပူၼ်ႉမႃးၼၼ်ႉၵူၺ်းၶႃႈ” ဝႃႈၼႆ။
လိူဝ်ၼၼ်ႉ ယူႇတီႈၵေႃလိၵ်ႈလၢႆး ၸေႊလၢၼ်ႉ တွၼ်ႈသူးရၢင်းဝလ်းပၼ်လုၵ်ႈႁဵၼ်း ၸိူဝ်းသွၼ်ႁဵၼ်းလိၵ်ႈတႆး ၼႂ်းႁူင်း ႁဵၼ်းလူင်ပွင်ၸိုင်ႈလႄႈ တင်းၶူးသွၼ်၊ ၽူႈၵွၼ်းႁူင်းႁဵၼ်း ၸဵမ်ၸိူဝ်းၼႆႉ မႃးၵူႈပီ။
ၼွၵ်ႈသေၼၼ်ႉ တီႈၸႄႈဝဵင်းၼမ်ႉၸၢင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်းၵေႃႈ ၸတ်းႁဵတ်းပၢင်ပွႆးႁူမ်ၸူမ်းႁပ်ႉ တွၼ်ႈ ပီမႂ်ႇတႆး 2114 ၼီႈ တႄႇဢဝ် ဝၼ်းတီႈ 5-11/12/2019 တႃႇၶၢဝ်းတၢင်း 5 ဝၼ်း ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ