ပလိၵ်ႈမၢၼ်ႈ ၾၢႆႇၽဵဝ်ႈမူၺ်ႉယႃႈမဝ်းၵမ်/ သိုၵ်းၼႂ်းပိုၼ်ႉတီႈ ဢိၵ်ႇလၢႆလၢႆႁွင်ႈၵၢၼ် ႁူမ်ႈၵၼ်သေ ၵႂႃႇတီႇၽဵဝ်ႈသူၼ်ယႃႈ ၾိၼ်ႇ ဝူင်ႈၵၢင်မိူင်းပွၼ် – လွႆလႅမ် ၼႂ်းၸိုင်ႈတႆးပွတ်းၸၢၼ်း ဝႃႈၼႆ။
မိူဝ်ႈဝၼ်းတီႈ 12/11/2019 ၼႂ်းႁွင်ႈၵၢၼ်လူင်ပွင်ၸိုင်ႈမၢၼ်ႈ လူင်းပိုၼ်ႉတီႈ တီႇၽဵဝ်ႈသူၼ်ယႃႈ ပွတ်းဝၢၼ်ႈတွင်ၼဝ်ႈ ၾၢႆႇၸၢၼ်းဝၢၼ်ႈ ယၢၼ်ၵႆဝၢၼ်ႈ မွၵ်ႈ 2 လၵ်း တင်းမူတ်းမွၵ်ႈ 4 ဢေႊၶိူဝ်ႊ၊ တီႈဝၢၼ်ႈရီဝုၼ်း(ရီဝင်းကျေးရွာ) ၾၢႆႇၸၢၼ်း ဝၢၼ်ႈ ယၢၼ်ၵႆ ဝၢၼ်ႈမွၵ်ႈ 3 ၽႃႇလူင်ႇ တင်းမူတ်းမွၵ်ႈ 4 ဢေႊၶိူဝ်ႊလႄႈ ဝၢၼ်ႈသၼ်ၵၢင် (ဆိုင်ကန်ကျေးရွာ) ၾၢႆႇႁွင်ႇ ဝၢၼ်ႈယၢၼ်မွၵ်ႈ 2 ၽႃႇလူင်ႇ တင်းမူတ်းမွၵ်ႈ 7 ဢေႊၶိူဝ်ႊ ၼႂ်းၸႄႈဝဵင်းလွႆလႅမ် ၸိုင်ႈတႆးပွတ်းၸၢၼ်း။
သူၼ်ယႃႈၾိၼ်ႇဢၼ်ၺႃးတီႇၼၼ်ႉ ပဵၼ်မိူဝ်ႈၽွင်း တူၼ်ႈမၼ်း တိုၵ်ႉၶိုၼ်ႈမွၵ်ႈ 2 ထတ်း။ ၽွင်းတိုၵ်ႉ တေဢွၵ်ႇမွၵ်ႇ ဝႃႈၼႆ။
လိူဝ်ၼၼ်ႉ တၢင်းမိူင်းတႆးပွတ်းႁွင်ႇၵေႃႈ မိူဝ်ႈဝၼ်းတီႈ 12/11/2019 ယၢမ်းၵၢင်ၶမ်ႈမွၵ်ႈ 6 မူင်းၶိုင်ႈၼၼ်ႉၵေႃႈ ပလိၵ်ႈ မၢၼ်ႈ ပႂ်ႉၵဵတ်ႉ/ လၢၼ်ႇ 105 လၵ်း ႁိမ်းမိူင်းယူႉ သဵၼ်ႈတၢင်းမူႇၸေႊ – လႃႈသဵဝ်ႈၼၼ်ႉ တီႉၵႃးလမ်းၼိုင်ႈ ပႃးယႃႈၾိၼ်ႇ ၽိူၵ်ႇ ၼမ်ႉၼၵ်း 660 ၵရမ်ႇ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ