Thursday, March 28, 2024

ၶႅပ်းၶမ်းတႅင်းၵႃး ႁႃႈမူး ဢၼ်သႂ်ႇႁၢင်ႈၸွမ်ႁၢၼ်ဢွင်ႇသၢၼ်းၼၼ်ႉ တေဢွၵ်ႇၶၢႆၼႂ်းလိူၼ်ၼႆႉ

Must read

ၶႅပ်းၶမ်းတႅင်းၵႃး ႁႃႈမူး ဢၼ်ပႃးႁၢင်ႈၸွမ်ႁၢၼ်ဢွင်ႇသၢၼ်းၼၼ်ႉ ၼႂ်းလိူၼ်ၼႆႉ တႄႇသိုဝ်ႉလႆႈယဝ်ႉ ဝႃႈၼႆ။

Photo by မြန်မာ့အလင်း သတင်းစာ/ ႁၢင်ႈၶႅပ်းၶမ်းတႅင်းၵႃး ႁႃႈမူး

ယူႇတီႈငဝ်ႈငုၼ်း ယေးငိုၼ်းမိူင်းႁူမ်ႈတုမ် ပိုၼ်ၽၢဝ်ႇဝႃႈ ပီၼႆႉလႆႈႁဵတ်းဢွၵ်ႇ ၶႅပ်းၶမ်းတႅင်းၵႃး ႁႃႈမူး ဢၼ်ပႃး ႁၢင်ႈၸွမ် ႁၢၼ်ဢွင်ႇသၢၼ်း။ တီႈၶႅပ်းၼၼ်ႉ တႅမ်ႈဝႆႉ လိၵ်ႈဢိင်းၵလဵတ်ႈ “Aung Sun”။ ၼႂ်းလိူၼ်ၼႆႉ ၵႂႃႇထၢမ်တီႈႁၢၼ်ႉၶၢႆၶမ်းသေ သိုဝ်ႉလႆႈယဝ်ႉ ဝႃႈၼႆ။

- Subscription -

ၶႅပ်းၶမ်းတႅင်းၵႃး ႁႃႈမူးၼၼ်ႉ တေတႅမ်ႈသႂ်ႇဝႆႉလိၵ်ႈဢိင်းၵလဵတ်ႈ တီႈၶွပ်ႇမၼ်းဝႃႈ “Central Bank of Myanmar” “8.164 gm 999.9 Fine Gold” ။ ထႅင်ႈၼႃႈၼိုင်ႈသမ်ႉ တႅမ်ႈဝႆႉလိၵ်ႈမၢၼ်ႈဝႃႈ “ မြန်မာနိုင်ငံတော် ဗဟိုဘဏ် ၂၀၁၉ ၊ ၅မူးသား၊ ၉၉၉.၉ သန့်စင်ရွှေ” ဝႃႈၼႆ။

ၼွၵ်ႈလိူဝ်ၼၼ်ႉ ၼႂ်းလိၵ်ႈပိုၼ်ၽၢဝ်ႇၼၼ်ႉ ဢွၵ်ႇဝႆႉဝႃႈ “ ၶႅပ်းၶမ်းတႅင်းၵႃး ႁႃႈမူး ဢၼ်ပႃးႁၢင်ႈဢွင်ႇသၢၼ်းၼၼ်ႉ သိုဝ်ႉ ၶၢႆလႆႈ တီႈႁၢၼ်ႉၶၢႆၶမ်း တီႈၼေႇပျီႇတေႃႇ၊ တႃႈၵုင်ႈလႄႈ ဝဵင်းလိူဝ်ႇ ၸိူဝ်းၼႆႉ။ ၶႅပ်းၶမ်းၼၼ်ႉ တေလႆႈသိုဝ်ႉၼိုင်ႈမဵတ်ႉ (ၼိုင်ႈၶႅပ်း) 25,000 ပျႃး ပႆႇႁူမ်ႈပႃးၵႃႈၶမ်း။ ၶႅပ်းၶမ်းတႅင်းၵႃး ႁႃႈမူးၼႆႉ တႄႇပိုတ်ႇၶၢႆပၼ် ၼႂ်းဝူင်ႈတီႈၼိုင်ႈ လိူၼ်ၼူဝ်ႊ ဝႅမ်ႊၿိူဝ်ႊၼႆႉၵႂႃႇ”ဝႃႈၼႆ။

ယူႇတီႈယေးငိုၼ်းမိူင်းႁူမ်ႈတုမ် ႁဵတ်းဢွၵ်ႇမႃး ၶႅပ်းၶမ်းတႅင်းၵႃး မိူဝ်ႈပီ 1991 ႁဵတ်းဢွၵ်ႇ ၶႅပ်းၶမ်းမဵတ်ႉၼိုင်ႈၵျၢပ်ႈ၊ ႁႃႈ မူးလႄႈ ၼိုင်ႈမၢတ်ႈ။ ထိုင်မႃး ပီ 2018 ၼႆႉ ၶိုၼ်းႁဵတ်းဢွၵ်ႇၶႅပ်းၶမ်းတႅင်းၵႃးဢၼ်မီးၼမ်ႉၼၵ်း ႁႃႈမူးတင်း ၼိုင်ႈမၢတ်ႈ ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း