ဢူးထုၼ်းလုၼ်ႇ ၽူႈလူင်ႉလႅၼ်ႇၾၢႆႇၾိင်ႈၾႃႉရႃႇသီႇ မိူင်းႁူမ်ႈတုမ် လႆႈလူႉတၢႆၵႂႃႇတီႈႁူင်းယႃ ဝဵင်းလူင်တႃႈၵုင်ႈ ဝႃႈၼႆ။
ဝၼ်းတီႈ 4/11/2019 ယၢမ်းႁူဝ်ၶမ်ႈ 6:57 မူင်းၼၼ်ႉ ဢူးထုၼ်းလုၼ်ႇ လႆႈလူႉတၢႆၵႂႃႇတီႈႁူင်းယႃ ၵရိၼ်းႁၢၼ်ႇသႃႇ ဝဵင်းလူင်တႃႈၵုင်ႈ ၽွင်းဢႃယု 71 ပီ လူၺ်ႈတၢင်းပဵၼ်ၵူၼ်းထဝ်ႈ ဝႃႈၼႆ။
ဢူးထုၼ်းလုၼ်ႇၼႆႉ ပဵၼ်ၽူႈၵွၼ်းႁွင်ႈၵၢၼ်ၾၢႆႇၸီႉသင်ႇ ၾိင်ႈၾႃႉရႃႇသီႇ ၶွင်မိူင်းႁူမ်ႈတုမ် မႃးၶၢဝ်းတၢင်း 40 ပီ။ ဝၢႆး ၼၼ်ႉ လႆႈလိုဝ်ႈၵၢၼ်လူင်ပွင်ၸိုင်ႈၵႂႃႇ ဝႃႈၼႆ။
ဢူးထုၼ်းလုၼ်ႇၼႆႉ မိူဝ်ႈၽွင်းတိုၵ်ႉႁၢပ်ႇၵၢၼ် လူင်ပွင်ၸိုင်ႈ ၾၢႆႇႁွင်ႈၵၢၼ်ၾိင်ႈၾႃႉရႃႇသီႇယူႇၼၼ်ႉ ၼိုင်ႈဝူင်ႈၼိုင်ႈ ပွၵ်ႈ ပိုၼ်ၽၢဝ်ၼႄ ၶၢဝ်ႇငၢဝ်းၾူၼ်လူမ်းပၼ်။ ဝၢႆးသေ လိုဝ်ႈၵၢၼ်ၵႂႃႇယဝ်ႉၼၼ်ႉ ယူႇတီႈႁူင်းပွႆႇငဝ်းႁၢင်ႈသဵင် လူင်ပွင် ၸိုင်ႈ လႆႈမွၵ်ႇထိုင်မႃးၶဝ်ႈႁူမ်ႈဢွၵ်ႇလၢႆးၵၢၼ် ထတ်းသၢင် လွင်ႈၶၢဝ်ႇငၢဝ်းၾူၼ်လူမ်းၼိုင်ႈဝူင်ႈလႂ် ၼိုင်ႈပွၵ်ႈ။ လိူဝ်ၼၼ်ႉ တႅမ်ႈမၢႆပိုၼ်ၽၢဝ်ႇ/ ဢွၵ်ႇၶၢဝ်ႇ ၼႂ်းလိၵ်ႈပိုၼ်ၽၢဝ်ႇလူင်ပွင်ၸိုင်ႈ။ ယဝ်ႉၵေႃႈ တႅမ်ႈတၢင်ႇ ၸွမ်းဝႅပ်ႊသၢႆႊသိုဝ်ႇၶၢဝ်ႇ ၵူၼ်း မိူင်းလႄႈ ၾဵတ်ႉပုၵ်ႉသုၼ်ႇတူဝ်မၼ်းၸဝ်ႈ။
ၼွၵ်ႈလိူဝ်ၼၼ်ႉ မၼ်းၸၢႆးၸတ်းႁဵတ်းပၢင်ဢုပ်ႇ/ တၢၼ်ႈၶႆႈ လွင်ႈၾိင်ႈတိုၼ်းသၽႃႇဝ၊ လွင်ႈၾိင်ႈၾႃႉလႅၵ်ႈ လၢႆႈ ဢၼ် ပဵၼ်ယူႇၼႂ်းမိူင်းႁူမ်ႈတုမ်။ မၼ်းၸၢႆးၼႆႉပဵၼ်ပႃး ၽူႈတႅမ်ႈလိၵ်ႈၵေႃႉၼိုင်ႈ ၵေႃႈၸႂ်ႈ။ မၼ်းၸၢႆးၼႆႉ ပဵၼ်ၵူၼ်းၵတ်ႉၶႅၼ်ႇ လူင်ႉလႅၼ်ႇ ၾိင်ႈၾႃႉရႃႇသီႇဢုတုသေ ပဵၼ်တီႈၵူၼ်းၼမ်လႆႈပိုင်ႈဢိင်ၵေႃႉၼိုင်ႈ ၵေႃႉၸႂ်ႈ ဝႃႈၼႆ။
Dr. ထုၼ်းလုၼ်ႇၼႆႉ ၵႂႃႇၶိုၼ်ႈႁဵၼ်းတီႈၸၼ်ႉၸွမ်ၽလေႃႇရီတႃႇ(ဖလော်ရီဒါ) တီႈမိူင်းဢမေႊရိၵၼ်ႊသေ လႆႈႁပ်ႉၸုမ်ႈ ၶူး ၾၢႆႇပၢႆးသၢႆႊၾိင်ႈၾႃႉ( တဵၵ်ႉပၢၼ်ႇပွႆႉ/ မႁႃႇတဵၵ်ႉပၢၼ်ႇ) မႃး ယူႇတီႈၸုမ်းၾၢႆႇၾိင်ႈၾႃႉရႃႇသီႇ ၼွၵ်ႈမိူင်းၶဝ် လႆႈယွင်ႈ ၵုင်ႇ ပဵၼ်တီႈမၢႆတွင်းပၼ်ၵေႃႉၼိုင်ႈ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ