Friday, March 29, 2024

သိုၵ်း လပၸမ တင်း သိုၵ်းTNLA ယိုဝ်းၵၼ်ႁိမ်းၵူတ်ႉၶၢႆ သဵၼ်ႈတၢင်းမူႇၸေႊ – ဝဵင်းလိူဝ်ႇ ၵိုတ်းၶၢတ်ႇၵႂႃႇ

Must read

(ၸၢႆးဢိူမ်ႈၾႃႉ သူင်ႇၶၢဝ်ႇ) သိုၵ်းလူင်ပွင်ၸိုင်မၢၼ်ႈ (လပၸမ) တင်း သိုၵ်း TNLA ပဵၼ်ပၢင်တိုၵ်းၵၼ် ၼႂ်းၸႄႈဝဵင်းၵူတ်ႉၶၢႆ ႁိမ်းထုင်ႉလွႆသၢမ်သိပ်း ႁဵတ်းႁႂ်ႈၵူၼ်းမိူင်းမႆႈၸႂ် တိုၼ်ႇသၢၼ်ႈ လႄႈ ၵႃးၵႂႃႇမႃးလႆႈၵိုတ်းလိုဝ်ႈ ၵူၼ်းပိုၼ်ႉတီႈလၢတ်ႈ ဝႃႈၼႆ။

Photo by – TNLA/ တပ်ႉသိုၵ်းတဢၢင်း

ဝၼ်းမိူဝ်ႈၼႆႉ 25/10/2019 ယၢမ်းၵၢင်ၼႂ် 8:30 မူင်း သိုၵ်းလူင်ပွင်ၸိုင်ႈမၢၼ်ႈလႄႈ တပ်ႉသိုၵ်းပူတ်းပွႆႇၸိူဝ်ႉၸၢတ်ႈတ ဢၢင်း (ပလွင်ႈ) TNLAပဵၼ်ပၢင် တိုၵ်းၵၼ် ႁိမ်းတိၼ်လွႆသၢမ်သိပ်း ၼႂ်းၵၢင်ဝၢၼ်ႈ ၼမ်ႉပႃၶီး လႄႈ ဝၢၼ်ႈၼွင်။ ယွၼ်ႉပၢင် တိုၵ်းသေ သၢႆသဵၼ်ႈတၢင်းၵႃႉၶၢႆ မူႇၸေႊ – လႃႈသဵဝ်ႈ – ဝဵင်းလိူဝ်ႇ လႆႈၶၢတ်ႇၵႂႃႇ။ ၸဝ်ႈၵႃးတေႃႉသူင်ႇၵူၼ်း၊ တေႃႉသူင်ႇၶူဝ်း ၶွင် ဢမ်ႇၸၢင်ႈသိုပ်ႇၶၢဝ်းတၢင်း လႆႈဝၢႆႇပွၵ်ႈၶိုၼ်း။

- Subscription -

ၵူၼ်းပိုၼ်ႉတီႈ ထုင်ႉၵူတ်ႉၶၢႆ လူင်းၸၢႆးလႃႉဢွင်ႇ လၢတ်ႈတီႈၽူႈတွႆႇႁွၵ်ႈဝႃႈ – “ မိူဝ်ႈၼႆႉပဵၼ်ပၢင်တိုၵ်းတီႈ တိၼ်လွႆသၢမ် သိပ်း သွင်ပွၵ်ႈယဝ်ႉၶႃႈ ပဵၼ်မိူဝ်ႈၵၢင်ၼႂ် 8:30 မူင်း မွၵ်ႈ 10 မူင်းပွၵ်ႈၼိုင်ႈၶႃႈ။ ရူတ်ႉၵႃးၵႂႃႇမႃးလႆႈယင်ႉလိုဝ်ႈဝႆႉ ” – ဝႃႈၼႆ။

ပၢင်တိုၵ်းၵၼ်ၵမ်းၼႆႉ ၾၢႆႇသိုၵ်းလွႆ TNLA ထွႆဢွၵ်ႇ ႁၢင်ႇယၢၼ်ပိုၼ်ႉတီႈလႄႈ သဵင်ၵွင်ႈယဵၼ်ၵႂႃႇ ၵူၼ်းဝၢၼ်ႈဢမ်ႇမီး လွင်ႈတုမ်ႉတိူဝ်ႉသင်ၸွမ်း ဝႃႈၼႆ။

မိူဝ်ႈၵၢင်လိူၼ်ပူၼ်ႉမႃးၼႆႉ သိုၵ်းလူင်ပွင်ၸိုင်ႈမၢၼ်ႈ တပ်ႉ 88 ၶမရ- 83 တင်းသိုၵ်းလွႆ ႁူမ်ႈၵၼ် လူမ်ႇယိုဝ်းသိုၵ်း TNLA တပ်ႉ 571 လႆႈပဵၼ် ပၢင်တိုၵ်းၵၼ် ႁိုင်ၼိုင်ႈၸူဝ်ႈမူင်း တီႈဝၢၼ်ႈၼမ်ႉႁွင် ၸႄႈဝဵင်းၼမ်ႉၶမ်း ၼၼ်ႉၵေႃႈ ပဵၼ်ပၢင်တိုၵ်း ၵမ်းၼိုင်ႈ။

တႄႇဢဝ်လိူၼ်ဢေႃႊၵတ်ႉသ် ထိုင် ဢွၵ်ႊထူဝ်ႊပိူဝ်ႊ ၼႆႉၵူၺ်း ၸႄႈဝဵင်းၵူတ်ႉၶၢႆၼႆႉ သိုၵ်းလူင်ပွင်ၸိုင်ႈမၢၼ်ႈ လႄႈတင်း သိုၵ်း TNLAပဵၼ်ပၢင်တိုၵ်းၵၼ် ၵူၼ်းမိူင်းၸိူဝ်းၵႂႃႇမႃး၊ ၸဝ်ႈရူတ်ႉၸဝ်ႈၵႃးထုၵ်ႇ ၽဝ်လူတ်ႉ၊ ယွၼ်းၶွၼ်ႇၸွမ်းတၢင်းၸိူဝ်း ၼႆ မီးမႃးတင်းၼမ် ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း