ဢိင်ၼိူဝ် ၾၢႆႇၾႆးၾႃႉ တၢင်းၾင်ႇမႄႈသၢႆ မိူင်းထႆး တေမႄးႁူင်းၸၢၵ်ႈၾႆးၾႃႉၼႆႉသေ ႁူဝ်လိူၼ်ၼူဝ်ႊဝႅမ်ႊပိူဝ်ႊတေမႃး ၼႆႉ ဝဵင်းတႃႈၶီႈလဵၵ်း ၾႆးၾႃႉ တေမွတ်ႇတင်းဝၼ်း မွၵ်ႈ 8 ၸူဝ်ႈမူင်း။
ပေႃးထိုင်မႃး ဝၼ်းတီႈ 2/11/2019 တေမႃးၼႆႉ တႄႇဢဝ်ၶၢဝ်းယၢမ်းၵၢင်ၼႂ် 8 မူင်းၶိုင်ႈထိုင် 4 မူင်းၶိုင်ႈ ႁွင်ႈၵၢၼ်ၾၢႆႇၾႆး ၾႃႉ မိူင်းထႆး တေတတ်းၾႆးၾႃႉသေ မူၼ်ႉမႄးႁူင်းၾႆးၾႃႉ၊ ပၼ်ၵူၼ်းမိူင်းတႃႈၶီႈလဵၵ်း ၾႆးၾႃႉ ဢၼ်ၸႂ်ႉတိုဝ်း ၼႂ်းၸႄႈ ဝဵင်းတႃႈၶီႈလဵၵ်း ၸိုင်ႈထႆးပွတ်းဢွၵ်ႇၶူင်းၼၼ်ႉ တေမွတ်ႇႁိုင် 8 ၸူဝ်ႈမူင်း ဝၼ်းၼိုင်ႈ။
ႁွင်ႈၵၢၼ်ၾၢႆႇၾႆးၾႃႉ ၸႄႈဝဵင်းတႃႈၶီႈလဵၵ်း ပၼ်ၾၢင်ႉဝႃႈ “ယွၼ်ႉၾႆးၾႃႉတၢင်းၾင်ႇမိူင်းထႆး မႄႈသၢႆ တေမႄးႁူင်းၸၢၵ်ႈ ၾႆးၶဝ်ၼႆ ႁိုင်မွၵ်ႈ 8 ၸူဝ်ႈမူင်းတႃႇဝၼ်းၼိုင်ႈ။ ၼွၵ်ႈလိူဝ်ၼၼ်ႉ မိူဝ်ႈၽွင်းတၢင်းၾင်ႇမိူင်းထႆးမႄးႁူင်းၸၢၵ်ႈၾႆး ၶဝ်ယူႇ ၼၼ်ႉ ယူႇတီႇၾၢႆႇၾႆးၾႃႉတၢင်းၾင်ႇတႃႈၶီႈလဵၵ်းၵေႃႈ တေလႅၵ်ႈလၢႆႈသၢႆၾႆး/ မေႃႈၾႆး တီႈပွၵ်ႉတႃႈလေႃႉ ႁိမ်း ၶူဝ် မၢႆ 1 တင်း မၢႆ 2 ” ဝႃႈၼႆ။
ၾႆးၾႃႉၼႂ်းၸႄႈဝဵင်းတႃႈၶီႈလဵၵ်း ဢၼ်ၵူၼ်းမိူင်းၸႂ်ႉတိုဝ်းၵၼ်ယူႇယၢမ်းလဵဝ် ပဵၼ်ၾႆးၾႃႉတၢင်းၾင်ႇမႄႈသၢႆ မိူင်းထႆး တေႃႉသူင်ႇဢဝ်ၶဝ်ႈမႃးပၼ်ၸႂ်ႉ ဝႃႈၼႆ။
ၶေႃႈမုလ်း – Tachileik News Agency
