ၵူၼ်းဝၢၼ်ႈ ၼႂ်ႈၸႄႈဝဵင်းယွင်ႁူၺ်ႈၵေႃႉၼိုင်ႈ ဢဝ်မိတ်ႈတႅင်းၵေႃႉပဵၼ်ပေႃႈၸဝ်ႈၵေးၸူးလူမ်ႉတၢႆထင်တီႈ။
ဝၼ်းတီႈ 21/10/2019 ယၢမ်းၵၢင်ၼႂ် ၵူၼ်းဝၢၼ်ႈတွင်ႇပူဝ်ႉၵျီး (တောင်ပို့ကြီးရွာ) ဢိူင်ႇတူင်းလေႇ( တုံးလည်ကျေးရွာအုပ်စု) ၸႄႈဝဵင်းယွင်ႁူၺ်ႈ ၸႄႈတွၼ်ႈတူၼ်ႈတီး ၸိုင်ႈတႆးပွတ်းၸၢၼ်း ၵေႃႉၼိုင်ႈ ၸိုဝ်ႈႁွင်ႉ မွင်ႇသၢၼ်းမူၼ်း ဢႃယု 34 ပီ ၼၼ်ႉ မဝ်းလဝ်ႈသေ ပွၵ်ႈႁိူၼ်းမႃးၽိတ်းၵၼ်တင်းၵေႃႉပဵၼ်ပေႃႈ ဢဝ်မိတ်ႈတႅင်းၵေႃႉပဵၼ်ပေႃႈ လုင်းဝိၼ်း ဢႃယု 55 ပီ ၼၼ်ႉ မၢတ်ႇၸဵပ်းၼႃးဢူၵ်း/ ၺႃးမိတ်ႈလၢႆႁွႆးသေ လူႉတၢႆထင်တီႈ။
ၼေႇလိၼ်းဢွင်ႇ ၽူႈၵွၼ်းပလိၵ်ႈပၢင်သဝ်းၼမ်ႉပၼ်ႇ လၢတ်ႈတီႈၽူႈတွႆႇႁွၵ်ႈဝႃႈ “ သွင်ၵေႃႉပေႃႈလုၵ်ႈၽိတ်းမေႃးၵၼ်၊ ၶဝ်ၽိတ်းၵၼ်ယူႇတႃႇသေႇၶႃႈယဝ်ႉ။ ၵေႃႉပဵၼ်ပေႃႈတႄႉ ငိူင်ႉပၢႆႈသေ ၵႂႃႇႁိူၼ်းၼွင်ႉယိင်းမၼ်း။ ၵေႃႉပဵၼ်လုၵ်ႈၸၢႆးသမ်ႉ လမ်းတၢင်းလင်ပေႃႈမၼ်းသေ ဢဝ်မိတ်ႈၵႂႃႇတႅင်း” ဝႃႈၼႆ။
မိတ်ႈဢၼ်မွင်ႇသၢၼ်းမူၼ်း ယိပ်းၵႂႃႇတႅင်းပေႃႈမၼ်းၼၼ်ႉ တၢင်းယၢဝ်းမီး 14 ၼိဝ်ႉ ပဵၼ်သႅၼ်းလႅဝ်းပၢႆလႅမ် သဵပ်ႇၼႃႈ ဢူၵ်းလုင်းဝိၼ်း လႆႈလူႉတၢႆၵႂႃႇထင်တီႈ ဝႃႈၼႆ။
တေႃႈလဵဝ်ၼႆႉ ယူႇတီႈပလိၵ်ႈမၢၼ်ႈၶဝ် လႆႈၵုမ်းၶင်တူဝ် မွင်ႇသၢၼ်းမူၼ်း ဝႆႉတီႈႁူင်းပလိၵ်ႈၼမ်ႉပၼ်ႇ ဢဝ်လိူင်ႈ/ ၸႅင်ႈ ၵႂၢမ်းလူၺ်ႈၵၢၼ်ၶႃႈႁႅမ်ၵူၼ်းတၢႆ၊ ၶႃႈႁႅမ်ၵေႃႉပဵၼ်ပေႃႈတၢႆ – ဝႆႉယဝ်ႉ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ